Plutarch, Cicero, chapter 16

(플루타르코스, Cicero, chapter 16)

ἐπεὶ δὲ ταύτην λαβὼν τὴν ἐξουσίαν ὁ Κικέρωνι τὰ μὲν ἔξω πράγματα Κοΐντῳ Μετέλλῳ διεπίστευσε, τὴν δὲ πόλιν εἶχε διὰ χειρὸσ καὶ καθ’ ἡμέραν προῄει δορυφορούμενοσ ὑπ’ ἀνδρῶν τοσούτων τὸ πλῆθοσ ὥστε τῆσ ἀγορᾶσ πολὺ μέροσ κατέχειν ἐμβάλλοντοσ αὐτοῦ τοὺσ παραπέμποντασ, οὐκέτι καρτερῶν τὴν μέλλησιν ὁ Κατιλίνασ αὐτὸσ μὲν ἐκπηδᾶν ἔγνω πρὸσ τὸν Μάλλιον ἐπὶ τὸ στράτευμα, Μάρκιον δὲ καὶ Κέθηγον ἐκέλευσε ξίφη λαβόντασ ἐλθεῖν ἐπὶ τὰσ θύρασ ἑώθεν ὡσ ἀσπασομένουσ τὸν Κικέρωνα καὶ διαχρήσασθαι προσπεσόντασ. τοῦτο Φουλβία, γυνὴ τῶν ἐπιφανῶν, ἐξαγγέλλει τῷ Κικέρωνι νυκτὸσ ἐλθοῦσα καὶ διακελευσαμένη φυλάττεσθαι τοὺσ περὶ τὸν Κέθηγον.

οἱ δ’ ἧκον ἅμ’ ἡμέρᾳ, καὶ κωλυθέντεσ εἰσελθεῖν ἠγανάκτουν καὶ κατεβόων ἐπὶ θύραισ, ὥστε ὑποπτότεροι γενέσθαι, προελθὼν δ’ ὁ Κικέρων ἐκάλει τὴν σύγκλητον εἰσ τὸ τοῦ Στησίου Διὸσ ἱερόν, ὃν Στάτορα Ῥωμαῖοι καλοῦσιν, ἱδρυμένον ἐν ἀρχῇ τῆσ ἱερᾶσ ὁδοῦ, πρὸσ τὸ Παλάτιον ἀνιόντων, ἐνταῦθα καὶ τοῦ Κατιλίνα μετὰ τῶν ἄλλων ἐλθόντοσ ὡσ ἀπολογησομένου, συγκαθίσαι μὲν οὐδεὶσ ὑπέμεινε τῶν συγκλητικῶν, ἀλλὰ πάντεσ ἀπὸ τοῦ βάθρου μετῆλθον. ἀρξάμενοσ δὲ λέγειν ἐθορυβεῖτο, καὶ τέλοσ ἀναστὰσ ὁ Κικέρων προσέταξεν αὐτῷ τῆσ πόλεωσ ἀπαλλάττεσθαι·

δεῖν γὰρ αὐτοῦ μὲν λόγοισ, ἐκείνου δ’ ὅπλοισ πολιτευομένου μέσον εἶναι τὸ τεῖχοσ. ὁ μὲν οὖν Κατιλίνασ εὐθὺσ ἐξελθὼν μετὰ τριακοσίων ὁπλοφόρων καὶ περιστησάμενοσ αὑτῷ ῥαβδουχίασ ὡσ ἄρχοντι καὶ πελέκεισ καὶ σημαίασ ἐπαράμενοσ, πρὸσ τὸν Μάλλιον ἐχώρει·

καὶ δισμυρίων ὁμοῦ τι συνηθροισμένων ἐπῄει τὰσ πόλεισ ἀναπείθων καὶ ἀφιστὰσ, ὥστε τοῦ πολέμου φανεροῦ γεγονότοσ τὸν Ἀντώνιον ἀποσταλῆναι διαμαχούμενον.

일치하는 문장이 없습니다.

SEARCH

MENU NAVIGATION