헬라어 문장 검색 - Πλυταρ́Ξιξερό22́

(플루타르코스, Cicero, chapter 22)

ἐχώρει δὲ μετὰ τῆσ βουλῆσ ἐπὶ τοὺσ ἄνδρασ, οὐκ ἐν ταὐτῷ δὲ πάντεσ ἦσαν, ἄλλοσ δ’ ἄλλον ἐφύλαττε τῶν στρατηγῶν, καὶ πρῶτον ἐκ Παλατίου παραλαβὼν τὸν Λέντλον ἦγε διὰ τῆσ ἱερᾶσ ὁδοῦ καὶ τῆ; σ ἀγορᾶσ μέσησ, τῶν μὲν ἡγεμονικωτάτων ἀνδρῶν κύκλῳ περιεσπειραμένων καὶ δορυφορούντων, τοῦ δὲ δήμου φρίττοντοσ τὰ δρώμενα καὶ παριόντοσ σιωπῇ, μάλιστα δὲ τῶν νέων, ὥσπερ ἱεροῖσ τισι πατρίοισ ἀριστοκρατικῆσ τινοσ ἐξουσίασ τελεῖσθαι μετὰ φόβου καὶ θάμβουσ δοκούντων. διελθὼν δὲ τὴν ἀγορὰν καὶ γενόμενοσ πρὸσ τῷ δεσμωτηρίῳ παρέδωκε τὸν Λέντλον τῷ δημίῳ καὶ προσέταξεν ἀνελεῖν εἶθ’ ἑξῆσ τὸν Κέθηγον, καὶ οὕτω τῶν ἄλλων ἕκαστον καταγαγὼν ἀπέκτεινεν.

εἶπεν. οὕτω δὲ Ῥωμαίων οἱ δυσφημεῖν μὴ βουλόμενοι τὸ τεθνάναι σημαίνουσιν, ἤδη δ’ ἦν ἑσπέρα, καὶ δι’ ἀγορᾶσ ἀνέβαινεν εἰσ τὴν οἰκίαν, οὐκέτι σιωπῇ τῶν πολιτῶν οὐδὲ τάξει προπεμπόντων αὐτόν, ἀλλὰ φωναῖσ καὶ κρότοισ δεχομένων καθ’ οὓσ γένοιτο, σωτῆρα καὶ κτίστην ἀνακαλούντων τῆσ πατρίδοσ. τὰ δὲ φῶτα πολλὰ κατέλαμπε τοὺσ στενωπούσ, λαμπάδια καὶ δᾷδασ ἱστώντων ἐπὶ ταῖσ θύραισ, αἱ δὲ γυναῖκεσ ἐκ τῶν τεγῶν προὔφαινον ἐπὶ τιμῇ καὶ θέᾳ τοῦ ἀνδρόσ, ὑπὸ πομπῇ τῶν ἀρίστων μάλα σεμνῶσ ἀνιόντοσ·

ὧν οἱ πλεῖστοι πολέμουσ τε κατειργασμένοι μεγάλουσ καὶ διὰ θριάμβων εἰσεληλακότεσ καὶ προσκεκτημένοι γῆν καὶ θάλατταν οὐκ ὀλίγην ἐβάδιζον ἀνομολογούμενοι πρὸσ ἀλλήλουσ πολλοῖσ μὲν τῶν τότε ἡγεμόνων καὶ στρατηγῶν πλούτου καὶ λαφύρων καὶ δυνάμεωσ χάριν ὀφείλειν τὸν Ῥωμαίων δῆμον, ἀσφαλείασ δὲ καὶ σωτηρίασ ἑνὶ μόνῳ Κικέρωνι, τηλικοῦτον ἀφελόντι καὶ τοσοῦτον αὐτοῦ κίνδυνον.

οὐ γὰρ τὸ κωλῦσαι τὰ πραττόμενα καὶ κολάσαι τοὺσ πράττοντασ ἐδόκει θαυμαστόν, ἀλλ’ ὅτι μέγιστον τῶν πώποτε νεωτερισμῶν οὗτοσ ἐλαχίστοισ κακοῖσ ἄνευ στάσεωσ καὶ ταραχῆσ κατέσβεσε.

καὶ γὰρ τὸν Κατιλίναν οἱ πλεῖστοι τῶν συνερρυηκότων πρὸσ αὐτὸν ἅμα τῷ πυθέσθαι τὰ περὶ Λέντλον καὶ Κέθηγον ἐγκαταλιπόντεσ ᾤχοντο· καὶ μετὰ τῶν συμμεμενηκότων αὐτῷ διαγωνισάμενοσ πρὸσ Ἀντώνιον αὐτόσ τε διεφθάρη καὶ τὸ στρατόπεδον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Cicero, chapter 22

(플루타르코스, Cicero, chapter 22)

상위

목록

SEARCH

MENU NAVIGATION