Plutarch, Cicero, chapter 12

(플루타르코스, Cicero, chapter 12)

καὶ τὰ μὲν περὶ Κατιλίναν ἔμελλεν ἔτι τοὺσ πολλοὺσ λανθάνοντα, προάγωνεσ δὲ μεγάλοι τὴν Κικέρωνοσ ὑπατείαν ἐξεδέξαντο. κινοῦντεσ τοῦτο δὲ νόμουσ εἰσῆγον οἱ δήμαρχοι πρὸσ τὴν αὐτὴν ὑπόθεσιν, δεκαδαρχίαν καθιστάντεσ αὐτοκρατόρων ἀνδρῶν, οἷσ ἐφεῖτο πάσησ μὲν Ἰταλίασ, πάσησ δὲ Συρίασ, καὶ ὅσα διὰ Πομπηϊού νεωστὶ προσώριστο κυρίουσ ὄντασ πωλεῖν τὰ δημόσια, κρίνειν οὓσ δοκοίη, φυγάδασ ἐκβάλλειν, συνοικίζειν πόλεισ, χρήματα λαμβάνειν ἐκ τοῦ ταμιείου, στρατιώτασ τρέφειν καὶ καταλέγειν ὁπόσων δέοιντο.

διὸ καὶ τῷ νόμῳ προσεῖχον ἄλλοι τε τῶν ἐπιφανῶν καὶ πρῶτοσ Ἀντώνιοσ ὁ τοῦ Κικέρωνοσ συνάρχων ὡσ τῶν δέκα γενησόμενοσ.

ἐδόκει δὲ καὶ τὸν Κατιλίνα νεωτερισμὸν εἰδὼσ οὐ δυσχεραίνειν ὑπὸ πλήθουσ δανείων· ὃ μάλιστα τοῖσ ἀρίστοισ φόβον παρεῖχε. καὶ τοῦτον πρῶτον θεραπεύων ὁ Κικέρων ἐκείνῳ μὲν ἐψηφίσατο τῶν ἐπαρχιῶν Μακεδονίαν, αὑτῷ δὲ τὴν Γαλατίαν διδομένην παρῃτήσατο, καὶ κατειργάσατο τῇ χάριτι ταύτῃ τὸν Ἀντώνιον ὥσπερ ὑποκριτὴν ἔμμισθον αὐτῷ τὰ δεύτερα λέγειν ὑπὲρ τῆσ πατρίδοσ, ὡσ δ’ οὗτοσ ἑαλώκει καὶ χειροήθησ ἐγεγόνει, μᾶλλον ἤδη θαρρῶν ὁ Κικέρων ἐνίστατο πρὸσ τοὺσ καινοτομοῦντασ.

ἐν μὲν οὖν τῇ βουλῇ κατηγορίαν τινὰ τοῦ νόμου διαθέμενοσ οὕτωσ ἐξέπληξεν αὐτοὺσ τοὺσ εἰσφέροντασ ὥστε μηδέν’ ἀντιλέγειν.

ἐπεὶ δ’ αὖθισ ἐπεχείρουν καὶ παρεσκευασμένοι προεκαλοῦντο τοὺσ ὑπάτουσ ἐπὶ τὸν δῆμον, οὐδὲν ὑποδείσασ ὁ Κικέρων, ἀλλὰ τὴν βουλὴν ἕπεσθαι κελεύσασ καὶ προελθών, οὐ μόνον ἐξέβαλε τὸν νόμον, ἀλλὰ καὶ τῶν ἄλλων ἀπογνῶναι τοὺσ δημάρχουσ ἐποίησε, παρὰ τοσοῦτον τῷ λόγῳ κρατηθέντασ ὑπ’ αὐτοῦ.

일치하는 문장이 없습니다.

SEARCH

MENU NAVIGATION