헬라어 문장 검색 - Πλυταρ́Ξιξερό37́

(플루타르코스, Cicero, chapter 37)

ἐν μὲν οὖν τῇ βουλῇ ψηφιζομένων αὐτῷ θρίαμβον ἥδιον ἂν ἔφη παρακολουθῆσαι Καῖσαρ ι θριαμβεύοντι συμβάσεων γενομένων ἰδίᾳ δὲ συνεβούλευε πολλὰ μὲν Καίσαρι γράφων, πολλὰ δ’ αὑτοῦ Πομπηίου δεόμενοσ, πραΰνων ἑκάτερον καὶ παραμυθούμενοσ, ὡσ δ’ ἦν ἀνήκεστα καὶ Καίσαροσ ἐπερχομένου Πομπήιοσ οὐκ ἔμεινεν, ἀλλὰ μετὰ πολλῶν καὶ ἀγαθῶν ἀνδρῶν τὴν πόλιν ἐξέλιπε, ταύτησ μὲν ἀπελείφθη τῆσ φυγῆσ ὁ Κικέρων, ἔδοξε δὲ Καίσαρι προστίθεσθαι. καὶ δῆλόσ ἐστι τῇ γνώμῃ πολλὰ ῥιπτασθεὶσ ἐπ’ ἀμφότερα καὶ δυσπαθήσασ.

γράφει γὰρ ἐν ταῖσ ἐπιστολαῖσ διαπορεῖν ποτέρωσε χρὴ τρέπεσθαι, Πομπηίου μὲν ἔνδοξον καὶ καλὴν ὑπόθεσιν πρὸσ τὸν πόλεμον ἔχοντοσ, Καίσαροσ δ’ ἄμεινον τοῖσ πράγμασι χρωμένου καὶ μᾶλλον ἑαυτὸν καὶ τοὺσ φίλουσ σῴζοντοσ, ὥστ’ ἔχειν μὲν ὃν φύγῃ, μὴ ἔχειν δὲ πρὸσ ὃν φύγῃ. Τρεβατίου δέ, τινοσ τῶν Καίσαροσ ἑταίρων, γράψαντοσ ἐπιστολήν ὅτι Καῖσαρ οἰέται δεῖν μάλιστα μὲν αὐτὸν ἐξετάζεσθαι μεθ’ αὑτοῦ καὶ τῶν ἐλπίδων μετέχειν, εἰ δ’ ἀναδύεται διὰ γῆρασ, εἰσ τὴν Ἑλλάδα βαδίζειν κἀκεῖ καθήμενον ἡσυχίαν ἄγειν ἐκποδὼν ἀμφοτέροισ γενόμενον, θαυμάσασ ὁ Κικέρων ὅτι Καῖσαρ αὐτὸσ οὐκ ἔγραψεν, ἀπεκρίνατο πρὸσ ὀργὴν ὡσ οὐδὲν ἀνάξιον πράξει τῶν πεπολιτευμένων.

τὰ μὲν οὖν ἐν ταῖσ ἐπιστολαῖσ γεγραμμένα τοιαῦτα ἐστι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Cicero, chapter 37

(플루타르코스, Cicero, chapter 37)

상위

목록

SEARCH

MENU NAVIGATION