헬라어 문장 검색 - Πλυταρ́Ξιξερό36́

(플루타르코스, Cicero, chapter 36)

γίνεται δὲ καὶ τῶν ἱερέων οὓσ Αὔγουρασ Ῥωμαῖοι καλοῦσιν, ἀντὶ Κράσσου τοῦ νέου μετὰ τὴν ἐν Πάρθοισ αὐτοῦ τελευτήν. εἶτα κλήρῳ λαχὼν τῶν ἐπαρχιῶν Κιλικίαν καὶ στρατὸν ὁπλιτῶν μυρίων καὶ δισχιλίων, ἱππέων δὲ δισχιλίων ἑξακοσίων, ἔπλευσε, προσταχθὲν αὐτῷ καὶ τὰ περὶ Καππαδοκίαν Ἀριοβαρζάνῃ τῷ βασιλεῖ φίλα καὶ πειθήνια παρασχεῖν. ταῦτα τε δὴ παρεστήσατο καὶ συνήρμοσεν ἀμέμπτωσ ἄτερ πολέμου, τούσ τε Κίλικασ ὁρῶν πρόσ τὸ Παρθικὸν πταῖσμα Ῥωμαίων καὶ τὸν ἐν Συρίᾳ νεωτερισμὸν ἐπηρμένουσ κατεπράυνεν ἡμέρωσ ἄρχων, καὶ δῶρα μὲν οὐδὲ τῶν βασιλέων διδόντων ἔλαβε, δείπνων δὲ τούσ ἐπαρχικοὺσ ἀνῆκεν αὐτὸσ δὲ καθ’ ἡμέραν τοὺσ χαρίεντασ ἀνελάμβανεν ἑστιάσεσιν οὐ πολυτελῶσ, ἀλλ’ ἐλευθερίωσ.

ἡ δ’ οἰκία θυρωρὸν οὐκ εἶχεν, οὐδ’ αὐτὸσ ὤφθη κατακείμενοσ ὑπ’ οὐδενόσ, ἀλλ’ ἑώθεν ἑστὼσ ἢ περιπατῶν πρὸ τοῦ δωματίου τούσ ἀσπαζομένουσ ἐδεξιοῦτο.

λέγεται δὲ μήτε ῥάβδοισ αἰκίσασθαί τινα μήτ’ ἐσθῆτα περισχίσαι μήτε βλασφημίαν ὑπ’ ὀργῆσ ἢ ζημίασ προσβαλεῖν μεθ’ ὕβρεων, ἀνευρὼν δὲ πολλὰ τῶν δημοσίων κεκλεμμένα τάσ τε πόλεισ εὐπόρουσ ἐποίησε, καὶ τούσ ἀποτίνοντασ οὐδὲν τούτου πλεῖον παθόντασ ἐπιτίμουσ διεφύλαξεν. ἥψατο δὲ καὶ πολέμου, λῃστὰσ τῶν περὶ τὸν Ἀμανὸν οἰκούντων τρεψάμενοσ·

ἐφ’ ᾧ καὶ αὐτοκράτωρ ὑπὸ τῶν στρατιωτῶν ἀνηγορεύθη. Καιλίου δὲ τοῦ ῥήτοροσ δεομένου παρδάλεισ αὐτῷ πρόσ τινα θέαν εἰσ Ῥώμην ἐκ Κιλικίασ ἀποστεῖλαι, καλλωπιζόμενοσ ἐπὶ τοῖσ πεπραγμένοισ γράφει πρόσ αὐτὸν οὐκ εἶναι παρδάλεισ ἐν Κιλικίᾳ·

πεφευγέναι γὰρ εἰσ Καρίαν ἀγανακτούσασ ὅτι μόναι πολεμοῦνται, πάντων εἰρήνην ἐχόντων, πλέων δ’ ἀπὸ τῆσ ἐπαρχίασ τοῦτο μὲν Ῥόδῳ προσέσχε, τοῦτο δ’ Ἀθήναισ ἐνδιέτριψεν ἄσμενοσ πόθῳ τῶν πάλαι διατριβῶν. ἀνδράσι δὲ τοῖσ πρώτοισ ἀπὸ παιδείασ συγγενόμενοσ καὶ τούσ τότε φίλουσ καὶ συνήθεισ ἀσπασάμενοσ καὶ τὰ πρέποντα θαυμασθεὶσ ὑπὸ τῆσ Ἑλλάδοσ εἰσ τὴν πόλιν ἐπανῆλθεν, ἤδη τῶν πραγμάτων ὥσπερ ὑπὸ φλεγμονῆσ ἀφισταμένων ἐπὶ τὸν ἐμφύλιον πόλεμον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Cicero, chapter 36

(플루타르코스, Cicero, chapter 36)

상위

목록

SEARCH

MENU NAVIGATION