헬라어 문장 검색 - Πλυταρ́Ξιξερό28́

(플루타르코스, Cicero, chapter 28)

ἐκ τούτων ἐγίνετο πολλοῖσ ἐπαχθήσ· καὶ οἱ μετὰ Κλωδίου συνέστησαν ἐπ’ αὐτόν ἀρχὴν τοιαύτην λαβόντεσ. ἦν Κλώδιοσ ἀνὴρ εὐγενήσ, τῇ μὲν ἡλικίᾳ νέοσ, τῷ δὲ φρονήματι θρασὺσ καὶ αὐθάδησ, οὗτοσ ἐρῶν Πομπηίασ τῆσ Καίσαροσ γυναικόσ εἰσ τὴν οἰκίαν αὐτοῦ παρεισῆλθε κρύφα, λαβὼν ἐσθῆτα καὶ σκευὴν ψαλτρίασ· ἔθυον γὰρ αἱ γυναῖκεσ τὴν ἀπόρρητον ἐκείνην καὶ ἀθέατον ἀνδράσι θυσίαν ἐν τῇ τοῦ Καίσαροσ οἰκίᾳ, καὶ παρῆν ἀνὴρ οὐδείσ· ἀλλὰ μειράκιον ὢν ἔτι καὶ μήπω γενειῶν ὁ Κλώδιοσ ἤλπιζε λήσεσθαι διαδὺσ πρὸσ τὴν Πομπηίαν μετὰ τῶν γυναικῶν, ὡσ δ’ εἰσῆλθε νυκτὸσ εἰσ οἰκίαν μεγάλην, ἠπορεῖτο τῶν διόδων·

καὶ πλανώμενον αὐτόν ἰδοῦσα Αὐρηλίασ θεραπαινὶσ τῆσ Καίσαροσ μητρόσ, ᾔτησεν ὄνομα, φθέγξασθαι δ’ ἀναγκασθέντοσ ἐκείνου καὶ φήσαντοσ ἀκόλουθον Πομπηίασ ζητεῖν Ἄβραν τοὔνομα, συνεῖσα τὴν φωνὴν οὐ γυναικείαν οὖσαν ἀνέκραγε καὶ συνεκάλει τὰσ γυναῖκασ. αἱ δ’ ἀποκλείσασαι τὰσ θύρασ καὶ πάντα διερευνώμεναι λαμβάνουσι τὸν Κλώδιον εἰσ οἴκημα παιδίσκησ, ᾗ συνεισῆλθε, καταπεφευγότα.

τοῦ δὲ πράγματοσ περιβοήτου γενομένου Καῖσάρ τε τὴν Πομπηϊάν ἀφῆκε καὶ δίκην ἀσεβείασ ἀπεγράψατο τῷ Κλωδίῳ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Cicero, chapter 28

(플루타르코스, Cicero, chapter 28)

상위

목록

SEARCH

MENU NAVIGATION