헬라어 문장 검색 - Πλυταρ́Ξιξερό10́

(플루타르코스, Cicero, chapter 10)

ἐπὶ δὲ τὴν ὑπατείαν οὐχ ἧττον ὑπὸ τῶν ἀριστοκρατικῶν ἢ τῶν πολλῶν προήχθη διὰ τὴν πόλιν ἐξ αἰτίασ αὐτῷ τοιαύτησ συναγωνισαμένων. τῆσ ὑπὸ Σύλλα γενομένησ μεταβολῆσ περὶ τὴν πολιτείαν ἐν ἀρχῇ μὲν ἀτόπου φανείσησ, τότε δὲ τοῖσ πολλοῖσ ὑπὸ χρόνου καὶ συνηθείασ ἤδη τινὰ κατάστασιν ἔχειν οὐ φαύλην δοκούσησ, ἦσαν οἱ τὰ παρόντα διασεῖσαι καὶ μεταθεῖναι ζητοῦντεσ ἰδίων ἕνεκα πλεονεξιῶν, οὐ πρὸσ τὸ βέλτιστον, Πομπηϊού μὲν ἔτι τοῖσ βασιλεῦσιν ἐν Πόντῳ καὶ Ἀρμενίᾳ πολεμοῦντοσ, ἐν δὲ τῇ Ῥώμῃ μηδεμιᾶσ ὑφεστώσησ πρὸσ τοὺσ νεωτερίζοντασ ἀξιομάχου δυνάμεωσ, οὗτοι κορυφαῖον εἶχον ἄνδρα τολμητὴν καὶ μεγαλοπράγμονα καὶ ποικίλον τὸ ἦθοσ, Λεύκιον Κατιλίναν, ὃσ αἰτίαν ποτὲ πρὸσ ἄλλοισ ἀδικήμασι μεγάλοισ ἔλαβε παρθένῳ συγγεγονέναι θυγατρί, κτεῖναι δ’ ἀδελφὸν αὑτοῦ· καὶ δίκην ἐπὶ τούτῳ φοβούμενοσ ἔπεισε Σύλλαν ὡσ ἔτι ζῶντα τὸν ἄνθρωπον ἐν τοῖσ ἀποθανουμένοισ προγράψαι.

τοῦτον οὖν προστάτην οἱ πονηροὶ λαβόντεσ ἄλλασ τε πίστεισ ἀλλήλοισ ἔδοσαν καὶ καταθύσαντεσ ἄνθρωπον ἐγεύσαντο τῶν σαρκῶν, διέφθαρτο δ’ ὑπ’ αὐτοῦ πολὺ μέροσ τῆσ ἐν τῇ πόλει νεότητοσ, ἡδονὰσ καὶ πότουσ καὶ γυναικῶν ἔρωτασ ἀεὶ προξενοῦντοσ ἑκάστῳ καὶ τὴν εἰσ ταῦτα δαπάνην ἀφειδῶσ παρασκευάζοντοσ.

ἐπῆρτο δ’ ἥ τε Τυρρηνία πρὸσ ἀπόστασιν ὅλη καὶ τὰ πολλὰ τῆσ ἐντὸσ Ἄλπεων Γαλατίασ. ἐπισφαλέστατα δ’ ἡ Ῥώμη πρὸσ μεταβολὴν εἶχε διὰ τὴν ἐν ταῖσ οὐσίαισ ἀνωμαλίαν, τῶν μὲν ἐν δόξῃ μάλιστα καὶ φρονήματι κατεπτωχευμένων εἰσ θέατρα καὶ δεῖπνα καὶ φιλαρχίασ καὶ οἰκοδομίασ, τῶν δὲ πλούτων εἰσ ἀγεννεῖσ καὶ ταπεινοὺσ συνερρυηκότων ἀνθρώπουσ, ὥστε μικρᾶσ ῥοπῆσ δεῖσθαι τὰ πράγματα καὶ παντὸσ εἶναι τοῦ τολμήσαντοσ ἐκστῆσαι τὴν πολιτείαν αὐτὴν ὑφ’ αὑτῆσ νοσοῦσαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Cicero, chapter 10

(플루타르코스, Cicero, chapter 10)

상위

목록

SEARCH

MENU NAVIGATION