헬라어 문장 검색 - Πλυταρ́Ξιξερό08́

(플루타르코스, Cicero, chapter 8)

οὕτω δὲ τοῦ Βέρρου καταδικασθέντοσ, ἑβδομήκοντα πέντε μυριάδων τιμησάμενοσ τὴν δίκην ὁ Κικέρων διαβολὴν ἔσχεν ὡσ ἐπ’ ἀργυρίῳ τὸ τίμημα καθυφειμένοσ. οὐ μὴν ἀλλ’ οἱ Σικελιῶται χάριν εἰδότεσ ἀγορανομοῦντοσ αὐτοῦ πολλὰ μὲν ἄγοντεσ ἀπὸ τῆσ νήσου, πολλὰ δὲ φέροντεσ ἧκον, ὧν οὐδὲν ἐποιήσατο κέρδοσ, ἀλλ’ ὅσον ἐπευωνίσαι τὴν ἀγορὰν ἀπεχρήσατο τῇ φιλοτιμίᾳ τῶν ἀνθρώπων. ἐκέκτητο δὲ χωρίον καλὸν ἐν Ἄρποισ, καὶ περὶ Νέαν πόλιν ἦν ἀγρὸσ καὶ περὶ Πομπηϊούσ ἕτεροσ, οὐ μεγάλοι·

φερνή τε Τερεντίασ τῆσ γυναικὸσ προσεγένετο μυριάδων δέκα, καὶ κληρονομία τισ εἰσ ἐννέα δηναρίων συναχθεῖσα μυριάδασ, ἀπὸ τούτων ἐλευθερίωσ ἅμα καὶ σωφρόνωσ διῆγε μετὰ τῶν συμβιούντων Ἑλλήνων καὶ Ῥωμαίων φιλολογῶν, σπάνιον, εἴ ποτε, πρὸ δυσμῶν ἡλίου κατακλινόμενοσ, οὐχ οὕτω δι’ ἀσχολίαν, ὡσ διὰ τὸ σῶμα τῷ στομάχῳ μοχθηρῶσ διακείμενον. ἦν δὲ καὶ τὴν ἄλλην περὶ τὸ σῶμα θεραπείαν ἀκριβὴσ καὶ περιττόσ, ὥστε καὶ τρίψεσι καὶ περιπάτοισ ἀριθμῷ τεταγμένοισ χρῆσθαι.

τοῦτον τὸν τρόπον διαπαιδαγωγῶν τὴν ἕξιν ἄνοσον καὶ διαρκῆ πρὸσ πολλοὺσ καὶ μεγάλουσ ἀγῶνασ καὶ πόνουσ συνεῖχεν. οἰκίαν δὲ τὴν μὲν πατρῴαν τῷ ἀδελφῷ παρεχώρησεν, αὐτὸσ δ’ ᾤκει περὶ τὸ Παλάτιον ὑπὲρ τοῦ μὴ μακρὰν βαδίζοντασ ἐνοχλεῖσθαι τοὺσ θεραπεύοντασ αὐτόν, ἐθεράπευον δὲ καθ’ ἡμέραν ἐπὶ θύρασ φοιτῶντεσ οὐκ ἐλάτονεσ ἢ Κράσσον ἐπὶ πλούτῳ καὶ Πομπήιον διὰ τὴν ἐν τοῖσ στρατεύμασι δύναμιν, θαυμαζομένουσ μάλιστα Ῥωμαίων καὶ μεγίστουσ ὄντασ. Πομπήιοσ δὲ καὶ Κικέρωνα ἐθεράπευε, καὶ μεγάλα πρὸσ δύναμιν αὐτῷ καὶ δόξαν ἡ Κικέρωνοσ συνέπραξε πολιτεία.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Cicero, chapter 8

(플루타르코스, Cicero, chapter 8)

상위

목록

SEARCH

MENU NAVIGATION