헬라어 문장 검색 - Πλυταρ́Ξιξερό05́

(플루타르코스, Cicero, chapter 5)

ὁ γοῦν Κικέρων ἐλπίδων μεστὸσ ἐπὶ τὴν πολιτείαν φερόμενοσ ὑπὸ χρησμοῦ τινοσ ἀπημβλύνθη τὴν ὁρμήν. ἐρομένῳ γὰρ αὐτῷ τόν ἐν Δελφοῖσ θεὸν ὅπωσ ἂν ἐνδοξότατοσ γένοιτο, προσέταξεν ἡ Πυθία τὴν ἑαυτοῦ φύσιν, ἀλλὰ μὴ τὴν τῶν πολλῶν δόξαν, ἡγεμόνα ποιεῖσθαι τοῦ βίου. καὶ τόν γε πρῶτον ἐν Ῥώμῃ χρόνον εὐλαβῶσ διῆγε καὶ ταῖσ ἀρχαῖσ ὀκνηρῶσ προσῄει καὶ παρημελεῖτο, ταῦτα δὴ τὰ Ῥωμαίων τοῖσ βαναυσοτάτοισ πρόχειρα καὶ συνήθη ῥήματα, Γραικὸσ καὶ σχολαστικὸσ ἀκούων.

ἐπεὶ δὲ φύσει φιλότιμοσ ὢν καὶ παροξυνόμενοσ ὑπὸ τοῦ πατρὸσ καὶ τῶν φίλων ἐπέδωκεν εἰσ τὸ συνηγορεῖν ἑαυτόν, οὐκ ἠρέμα τῷ πρωτείῳ προσῆγεν, ἀλλ’ εὐθὺσ ἐξέλαμψε τῇ δόξῃ καὶ διέφερε πολὺ τῶν ἀγωνιζομένων ἐπ’ ἀγορᾶσ. λέγεται δὲ καὶ αὐτὸσ οὐδὲν ἧττον νοσήσασ τοῦ Δημοσθένουσ πρὸσ τὴν ὑπόκρισιν, τοῦτο μὲν Ῥωσκίῳ τῷ κωμῳδῷ, τοῦτο δ’ Αἰσώπῳ τῷ τραγῳδῷ προσέχειν ἐπιμελῶσ.

τόν δ’ Αἴσωπον τοῦτον ἱστοροῦσιν ὑποκρινόμενον ἐν θεάτρῳ τόν περὶ τῆσ τιμωρίασ τοῦ Θυέστου βουλευόμενον Ἀτρέα, τῶν ὑπηρετῶν τινοσ ἄφνω παραδραμόντοσ, ἔξω τῶν ἑαυτοῦ λογισμῶν διὰ τὸ πάθοσ ὄντα τῷ σκήπτρῳ πατάξαι καὶ ἀνελεῖν. οὐ μικρὰ δὲ πρὸσ τὸ πείθειν ὑπῆρχεν ἐκ τοῦ ὑποκρίνεσθαι ῥοπὴ τῷ Κικέρωνι.

καὶ τούσ γε τῷ βοᾶν μεγάλα χρωμένουσ ῥήτορασ ἐπισκώπτων ἔλεγε δι’ ἀσθένειαν ἐπὶ τὴν κραυγὴν ὥσπερ χωλοὺσ ἐφ’ ἵππον πηδᾶν. ἡ δὲ περὶ τὰ σκώμματα καὶ τὴν παιδιὰν ταύτην εὐτραπελία δικανικὸν μὲν ἐδόκει καὶ γλαφυρὸν, χρώμενοσ δ’ αὐτῇ κατακόρωσ πολλοὺσ ἐλύπει καὶ κακοηθείασ ἐλάμβανε δόξαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Cicero, chapter 5

(플루타르코스, Cicero, chapter 5)

상위

목록

SEARCH

MENU NAVIGATION