헬라어 문장 검색 - Πλυταρ́Ξιξερό04́

(플루타르코스, Cicero, chapter 4)

ἀφικόμενοσ δ’ εἰσ Ἀθήνασ Ἀντιόχου τοῦ Ἀσκαλωνίτου διήκουσε, τῇ μὲν εὐροίᾳ τῶν λόγων αὐτοῦ καὶ χάριτι κηλούμενοσ, ἃ δ’ ἐν τοῖσ δόγμασιν ἐνεωτέριζεν οὐκ ἐπαινῶν, ἤδη γὰρ ἐξίστατο τῆσ νέασ λεγομένησ Ἀκαδημείασ ὁ Ἀντίοχοσ καὶ τὴν Καρνεάδου στάσιν ἐγκατέλειπεν, εἴτε καμπτόμενοσ ὑπὸ τῆσ ἐναργείασ καὶ τῶν αἰσθήσεων, εἴτε, ὥσ φασιν ἔνιοι, φιλοτιμίᾳ τινὶ καὶ διαφορᾷ πρὸσ τοὺσ Κλειτομάχου καὶ Φίλωνοσ συνήθεισ τὸν Στωικὸν ἐκ μεταβολῆσ θεραπεύων λόγον ἐν τοῖσ πλείστοισ. ὁ δὲ Κικέρων ἐκεῖνα ἠγάπα κἀκείνοισ προσεῖχε μᾶλλον, διανοούμενοσ, εἰ παντάπασιν ἐκπέσοι τοῦ τὰ κοινὰ πράσσειν, δεῦρο μετενεγκάμενοσ τὸν βίον ἐκ τῆσ ἀγορᾶσ καὶ τῆσ πολιτείασ ἐν ἡσυχίᾳ μετὰ φιλοσοφίασ καταζῆν.

ἐπεὶ δ’ αὐτῷ Σύλλασ τε προσηγγέλθη τεθνηκώσ, καὶ τὸ σῶμα τοῖσ γυμνασίοισ ἀναρρωννύμενον εἰσ ἕξιν ἐβάδιζε νεανικήν, ἥ τε φωνὴ λαμβάνουσα πλάσιν ἡδεῖα μὲν πρὸσ ἀκοὴν ἐτέθραπτο, μετρίωσ δὲ πρὸσ τὴν ἕξιν ἡρ́μοστο τοῦ σώματοσ, πολλὰ μὲν τῶν ἀπὸ Ῥώμησ φίλων γραφόντων καὶ δεομένων, πολλὰ δ’ Ἀντιόχου παρακελευομένου τοῖσ κοινοῖσ ἐπιβαλεῖν πράγμασιν, αὖθισ ὥσπερ ὄργανον ἐξηρτύετο τὸν ῥητορικὸν λόγον καὶ ἀνεκίνει τὴν πολιτικὴν δύναμιν, αὑτόν τε ταῖσ μελέταισ διαπονῶν καὶ τοὺσ ἐπαινουμένουσ μετιὼν ῥήτορασ, ὅθεν εἰσ Ἀσίαν καὶ Ῥόδον ἔπλευσε, καὶ τῶν μὲν Ἀσιανῶν ῥητόρων Ξενοκλεῖ τῷ Ἀδραμυττηνῷ καὶ Διονυσίῳ τῷ Μάγνητι καὶ Μενίππῳ τῷ Καρὶ συνεσχόλασεν, ἐν δὲ Ῥόδῳ ῥήτορι μὲν Ἀπολλωνίῳ τῷ Μόλωνοσ, φιλοσόφῳ δὲ Ποσειδωνίῳ.

λέγεται δὲ τὸν Ἀπολλώνιον οὐ συνιέντα τὴν Ῥωμαϊκὴν διάλεκτον δεηθῆναι τοῦ Κικέρωνοσ Ἑλληνιστὶ μελετῆσαι· τὸν δ’ ὑπακοῦσαι προθύμωσ, οἰόμενον οὕτωσ ἔσεσθαι βελτίονα τὴν ἐπανόρθωσιν ἐπεὶ δ’ ἐμελέτησε, τοὺσ μὲν ἄλλουσ ἐκπεπλῆχθαι καὶ διαμιλλᾶσθαι πρὸσ ἀλλήλουσ τοῖσ ἐπαίνοισ, τὸν δ’ Ἀπολλώνιον οὔτ’ ἀκροώμενον αὐτοῦ διαχυθῆναι καὶ παυσαμένου σύννουν καθέζεσθαι πολὺν χρόνον, ἀχθομένου δὲ τοῦ Κικέρωνοσ εἰπεῖν·

"σὲ μὲν, ὦ Κικέρων, ἐπαινῶ καὶ θαυμάζω, τῆσ δὲ Ἑλλάδοσ οἰκτείρω τὴν τύχην, ὁρῶν, ἃ μόνα τῶν καλῶν ἡμῖν ὑπελείπετο, καὶ ταῦτα Ῥωμαίοισ διὰ σοῦ προσγενόμενα, παιδείαν καὶ λόγον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Cicero, chapter 4

(플루타르코스, Cicero, chapter 4)

상위

목록

SEARCH

MENU NAVIGATION