헬라어 문장 검색 - Πλυταρ́Ξιξερό01́

(플루타르코스, Cicero, chapter 1)

Κικέρωνοσ δὲ τὴν μὲν μητέρα λέγουσιν Ἑλβίαν καὶ γεγονέναι καλῶσ καὶ βεβιωκέναι, περὶ δὲ τοῦ πατρὸσ οὐδὲν ἦν πυθέσθαι μέτριον, οἱ μὲν γὰρ ἐν κναφείῳ τινὶ καὶ γενέσθαι καὶ τραφῆναι τόν ἄνδρα λέγουσιν, οἱ δ’ εἰσ Τύλλον Ἄττιον ἀνάγουσι τὴν ἀρχὴν τοῦ γένουσ, βασιλεύσαντα λαμπρῶσ ἐν Οὐολούσκοισ καὶ πολεμήσαντα Ῥωμαίοισ οὐκ ἀδυνάτωσ. ὁ μέντοι πρῶτοσ ἐκ τοῦ γένουσ Κικέρων ἐπονομασθεὶσ ἄξιοσ λόγου δοκεῖ γενέσθαι, διὸ τὴν ἐπίκλησιν οὐκ ἀπέρριψαν οἱ μετ’ αὐτόν, ἀλλ’ ἠσπάσαντο, καίπερ ὑπὸ πολλῶν χλευαζομένην.

κίκερα γὰρ οἱ Λατῖνοι τόν ἐρέβινθον καλοῦσι, κἀκεῖνοσ ἐν τῷ πέρατι τῆσ ῥινὸσ διαστολὴν, ὡσ ἐοίκεν, ἀμβλεῖαν εἶχεν ὥσπερ ἐρεβίνθου διαφυήν, ἀφ’ ἧσ ἐκτήσατο τὴν ἐπωνυμίαν. αὐτόσ γε μὴν Κικέρων, ὑπὲρ οὗ τάδε γέγραπται, τῶν φίλων αὐτὸν οἰομένων δεῖν, ὅτε πρῶτον ἀρχὴν μετῄει καὶ πολιτείασ ἥπτετο, φυγεῖν τοὔνομα καὶ μεταθέσθαι, λέγεται νεανιευσάμενοσ εἰπεῖν ὡσ ἀγωνιεῖται τόν Κικέρωνα τῶν Σκαύρων καὶ τῶν Κάτλων ἐνδοξότερον ἀποδεῖξαι.

ταμιεύων δ’ ἐν Σικελίᾳ καὶ τοῖσ θεοῖσ ἀνάθημα ποιούμενοσ ἀργυροῦν τὰ μὲν πρῶτα δύο τῶν ὀνομάτων ἐπέγραψε, τόν τε Μᾶρκον καὶ τόν Τύλλιον, ἀντὶ δὲ τοῦ τρίτου σκώπτων ἐρέβινθον ἐκέλευσε παρὰ τὰ γράμματα τόν τεχνίτην ἐντορεῦσαι.

ταῦτα μὲν οὖν περὶ τοῦ ὀνόματοσ ἱστόρηται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Cicero, chapter 1

(플루타르코스, Cicero, chapter 1)

상위

목록

SEARCH

MENU NAVIGATION