헬라어 문장 검색 - Πλυταρ́Αλεχανδ́77́

(플루타르코스, Alexander, chapter 77)

τούτων τὰ πλεῖστα κατὰ λέξιν ἐν ταῖσ ἐφημερίσιν οὕτω γέγραπται. φαρμακείασ δὲ ὑποψίαν παραυτίκα μὲν οὐδεὶσ ἔσχεν, ἕκτῳ δὲ ἔτει φασὶ μηνύσεωσ γενομένησ τὴν Ὀλυμπιάδα πολλοὺσ μὲν ἀνελεῖν, ἐκρῖψαι δὲ τὰ λείψανα τοῦ Ιὄλα τεθνηκότοσ, ὡσ τούτου τὸ φάρμακον ἐγχέαντοσ. οἱ δὲ Ἀριστοτέλην φάσκοντεσ Ἀντιπάτρῳ σύμβουλον γεγενῆσθαι τῆσ πράξεωσ, καὶ ὅλωσ δι’ ἐκείνου πορισθῆναι τὸ φάρμακον, Ἁγνόθεμίν τινα διηγεῖσθαι λέγουσιν ὡσ Ἀντιγόνου τοῦ βασιλέωσ ἀκούσαντα τὸ δὲ φάρμακον ὕδωρ εἶναι ψυχρὸν καὶ παγετῶδεσ ἀπὸ πέτρασ τινὸσ ἐν Νωνάκριδι οὔσησ, ἣν ὥσπερ δρόσον λεπτὴν ἀναλαμβάνοντεσ εἰσ ὄνου χηλὴν ἀποτίθενται τῶν γὰρ ἄλλων οὐδὲν ἀγγεῖον στέγειν, ἀλλὰ διακόπτειν ὑπὸ ψυχρότητοσ καὶ δριμύτητοσ.

οἱ δὲ πλεῖστοι τὸν λόγον ὅλωσ οἰόνται πεπλάσθαι τὸν περὶ τῆσ Φαρμακείασ·

καὶ τεκμήριον αὐτοῖσ ἐστιν οὐ μικρόν ὅτι τῶν ἡγεμόνων στασιασάντων ἐφ’ ἡμέρασ πολλὰσ ἀθεράπευτον τὸ σῶμα κείμενον ἐν τόποισ θερμοῖσ καὶ πνιγώδεσιν οὐδὲν ἔσχε τοιαύτησ φθορᾶσ σημεῖον, ἀλλ’ ἔμεινε καθαρὸν καὶ πρόσφατον. ἡ δὲ Ῥωξάνη κύουσα μὲν ἐτύγχανε καὶ διὰ τοῦτο τιμωμένη παρὰ τοῖσ Μακεδόσι·

δυσζήλωσ δὲ ἔχουσα πρὸσ τὴν Στάτειραν ἐξηπάτησεν αὐτὴν ἐπιστολῇ τινι πεπλασμένῃ παραγενέσθαι, καὶ προσαγαγοῦσα μετὰ τῆσ ἀδελφῆσ ἀπέκτεινε, καὶ τοὺσ νεκροὺσ εἰσ τὸ φρέαρ κατέβαλε καὶ συνέχωσεν, εἰδότοσ ταῦτα Περδίκκου καὶ συμπράττοντοσ. ἦν γὰρ ἐκεῖνοσ εὐθὺσ ἐν δυνάμει μεγίστῃ, τὸν Ἀρριδαῖον ὥσπερ δορυφόρημα τῆσ βασιλείασ ἐφελκόμενοσ, γεγονότα μὲν ἐκ γυναικὸσ ἀδόξου καὶ κοινῆσ Φιλίννησ, ἀτελῆ δὲ τὸ φρονεῖν ὄντα διὰ σώματοσ νόσον οὐ φύσει προσπεσοῦσαν οὐδὲ αὐτομάτωσ, ἀλλὰ καὶ πάνυ φασὶ παιδὸσ ὄντοσ αὐτοῦ διαφαίνεσθαι χάριεν ἦθοσ καὶ οὐκ ἀγεννέσ, εἶτα μέντοι φαρμάκοισ ὑπὸ Ὀλυμπιάδοσ κακωθέντα διαφθαρῆναι τὴν διάνοιαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Alexander, chapter 77

(플루타르코스, Alexander, chapter 77)

상위

목록

SEARCH

MENU NAVIGATION