헬라어 문장 검색 - Πλυταρ́Αλεχανδ́69́

(플루타르코스, Alexander, chapter 69)

ἐν δὲ Πέρσαισ ι πρῶτον μὲν ἀπέδωκε τὸ νόμισμα ταῖσ γυναιξίν, ὥσπερ εἰώθεισαν οἱ βασιλεῖσ, ὁσάκισ εἰσ Πέρσασ ἀφίκοιντο, διδόναι χρυσοῦν ἑκάστῃ, καὶ διὰ τοῦτο φασιν ἐνίουσ μὴ πολλάκισ, Ὦχον δὲ μηδὲ ἅπαξ εἰσ Πέρσασ παραγενέσθαι, διὰ μικρολογίαν ἀποξενώσαντα τῆσ πατρίδοσ ἑαυτόν, ἔπειτα τὸν Κύρου τάφον εὑρὼν διορωρυγμένον ἀπέκτεινε τὸν ἀδικήσαντα, καίτοι Πελλαῖοσ ἦν οὐ τῶν ἀσημοτάτων ὁ πλημμελήσασ, ὄνομα Πολύμαχοσ. τὴν δὲ ἐπιγραφὴν ἀναγνούσ ἐκέλευσεν Ἑλληνικοῖσ ὑποχαράξαι γράμμασιν.

εἶχε δὲ οὕτωσ· "ὦ ἄνθρωπε, ὅστισ εἶ καὶ ὅθεν ἥκεισ, ὅτι μὲν γὰρ ἥξεισ, οἶδα, ἐγὼ Κῦρόσ εἰμι ὁ Πέρσαισ κτησάμενοσ τὴν ἀρχήν, μὴ οὖν τῆσ ὀλίγησ μοι ταύτησ γῆσ φθονήσῃσ ἣ τοὐμὸν σῶμα περικαλύπτει. ταῦτα μὲν οὖν ἐμπαθῆ σφόδρα τὸν Ἀλέξανδρον ἐποίησεν, ἐν νῷ λαβόντα τὴν ἀδηλότητα καὶ μεταβολήν.

ὁ δὲ Καλανὸσ ἐνταῦθα χρόνον οὐ πολὺν ὑπὸ κοιλίασ ἐνοχληθείσ ᾐτήσατο πυρὰν αὑτῷ γενέσθαι, καὶ κομισθεὶσ ἵππῳ πρὸσ αὐτήν, ἐπευξάμενοσ καὶ κατασπείσασ ἑαυτοῦ καὶ τῶν τριχῶν ἀπαρξάμενοσ, ἀναβαίνων ἐδεξιοῦτο τοὺσ παρόντασ τῶν Μακεδόνων, καὶ παρεκάλει τὴν ἡμέραν ἐκείνην ἡδέωσ γενέσθαι καὶ μεθυσθῆναι μετὰ τοῦ βασιλέωσ, αὐτὸν δὲ ἐκεῖνον ἔφη μετ’ ὀλίγον χρόνον ἐν Βαβυλῶνι ὄψεσθαι. ταῦτα δ’ εἰπών κατακλιθεὶσ καὶ συγκαλυψάμενοσ οὐκ ἐκινήθη τοῦ πυρὸσ πλησιάζοντοσ, ἀλλ’ ἐν ᾧ κατεκλίθη σχήματι, τοῦτο διατηρῶν ἐκαλλιέρησεν ἑαυτὸν τῷ πατρίῳ νόμῳ τῶν ἐκεῖ σοφιστῶν, τοῦτο πολλοῖσ ἔτεσιν ὕστερον ἄλλοσ Ἰνδὸσ ἐν Ἀθήναισ Καίσαρι συνὼν ἐποίησε·

καὶ δείκνυται μέχρι νῦν τὸ μνημεῖον Ἰνδοῦ προσαγορευόμενον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Alexander, chapter 69

(플루타르코스, Alexander, chapter 69)

상위

목록

SEARCH

MENU NAVIGATION