헬라어 문장 검색 - Πλυταρ́Αλεχανδ́62́

(플루타르코스, Alexander, chapter 62)

τοὺσ μέντοι Μακεδόνασ ὁ πρὸσ Πῶρον ἀγὼν ἀμβλυτέρουσ ἐποίησε καὶ τοῦ πρόσω τῆσ Ἰνδικῆσ ἔτι προελθεῖν ἐπέσχε. μόλισ γὰρ ἐκεῖνον ὠσάμενοι δισμυρίοισ πεζοῖσ καὶ δισχιλίοισ ἱππεῦσι παραταξάμενον, ἀντέστησαν ἰσχυρῶσ Ἀλεξάνδρῳ βιαζομένῳ καὶ τὸν Γάγγην περᾶσαι ποταμόν, εὖροσ μὲν αὐτοῦ δύο καὶ τριάκοντα σταδίων εἶναι πυνθανόμενοι καὶ βάθοσ ὀργυιὰσ ἑκατόν, ἀντιπέρασ δὲ τὰσ ὄχθασ ἀποκεκρύφθαι πλήθεσιν ὅπλων καὶ ἵππων καὶ ἐλεφάντων, ἐλέγοντο γὰρ ὀκτὼ μὲν μυριάδασ ἱπποτῶν, εἴκοσι δὲ πεζῶν, ἁρ́ματα δὲ ὀκτακισχίλια καὶ μαχίμουσ ἐλέφαντασ ἑξακισχιλίουσ ἔχοντεσ οἱ Γανδαριτῶν καὶ Πραισίων βασιλεῖσ ὑπομένειν. καὶ κόμποσ οὐκ ἦν περὶ ταῦτα.

Ἀνδρόκοττοσ γὰρ ὕστερον οὐ πολλῷ βασιλεύσασ Σελεύκῳ πεντακοσίουσ ἐλέφαντασ ἐδωρήσατο, καὶ στρατοῦ μυριάσιν ἑξήκοντα τὴν Ἰνδικὴν ἐπῆλθεν ἅπασαν καταστρεφόμενοσ. τὸ μὲν οὖν πρῶτον ὑπὸ δυσθυμίασ καὶ ὀργῆσ αὐτόν εἰσ τὴν σκηνὴν καθείρξασ ἔκειτο, χάριν οὐδεμίαν εἰδὼσ τοῖσ διαπεπραγμένοισ εἰ μὴ περάσειε τὸν Γάγγην, ἀλλ’ ἐξομολόγησιν ἥττησ τιθέμενοσ τὴν ἀναχώρησιν.

ὡσ δὲ οἵ τε φίλοι τὰ εἰκότα παρηγοροῦντεσ αὐτόν οἵ τε στρατιῶται κλαυθμῷ καὶ βοῇ προσιστάμενοι ταῖσ θύραισ ἱκέτευον, ἐπικλασθεὶσ ἀνεζεύγνυε, πολλὰ πρὸσ δόξαν ἀπατηλὰ καὶ σοφιστικὰ μηχανώμενοσ. καὶ γὰρ ὅπλα μείζονα καὶ φάτνασ ἵππων καὶ χαλινοὺσ βαρυτέρουσ κατασκευάσασ ἀπέλιπέ τε καὶ διέρριψεν ἱδρύσατο δὲ βωμοὺσ θεῶν, οὓσ μέχρι νῦν οἱ Πραισίων βασιλεῖσ διαβαίνοντεσ σέβονται καὶ θύουσιν Ἑλληνικὰσ θυσίασ.

Ἀνδρόκοττοσ δὲ μειράκιον ὢν αὐτόν Ἀλέξανδρον εἶδε, καὶ λέγεται πολλάκισ εἰπεῖν ὕστερον ὡσ παρ’ οὐδὲν ἦλθε τὰ πράγματα λαβεῖν Ἀλέξανδροσ, μισουμένου τε καὶ καταφρονουμένου τοῦ βασιλέωσ διὰ μοχθηρίαν καὶ δυσγένειαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Alexander, chapter 62

(플루타르코스, Alexander, chapter 62)

상위

목록

SEARCH

MENU NAVIGATION