헬라어 문장 검색 - Πλυταρ́Αλεχανδ́49́

(플루타르코스, Alexander, chapter 49)

ὁ μὲν οὖν Φιλώτασ ἐπιβουλευόμενοσ οὕτωσ ἠγνόει, καὶ συνῆν τῇ Ἀντιγόνῃ πολλὰ καὶ πρὸσ ὀργὴν καὶ μεγαλαυχίαν ῥήματα καὶ λόγουσ κατὰ τοῦ βασιλέωσ ἀνεπιτηδείουσ προϊέμενοσ. ὁ δὲ Ἀλέξανδροσ, καίπερ καρτερᾶσ ἐνδείξεωσ κατὰ τοῦ Φιλώτου προσπεσούσησ, ἐκαρτέρησε σιωπῇ καί κατέσχεν, εἴτε θαρρῶν τῇ Παρμενίωνοσ εὐνοίᾳ πρὸσ αὑτόν, εἴτε δεδιὼσ τὴν δόξαν αὐτῶν καὶ τὴν δύναμιν.

ἐν δὲ τῷ τότε χρόνῳ Μακεδὼν ὄνομα Λίμνοσ, ἐκ Χαλαίστρασ, ἐπιβουλεύων Ἀλεξάνδρῳ Νικόμαχόν τινα τῶν νέων, πρὸσ ὃν αὐτὸσ ἐρωτικῶσ εἶχεν, ἐπὶ τὴν κοινωνίαν τῆσ πράξεωσ παρεκάλει. τοῦ δὲ μὴ δεξαμένου, φράσαντοσ δὲ τἀδελφῷ Κεβαλίνῳ τὴν πεῖραν, ἐλθὼν ἐκεῖνοσ πρὸσ Φιλώταν ἐκέλευσεν εἰσάγειν αὐτοὺσ πρὸσ Ἀλέξανδρον ὡσ περὶ ἀναγκαίων ἔχοντασ ἐντυχεῖν καὶ μεγάλων, ὁ δὲ Φιλώτασ, ὅ τι δὴ παθὼν ̔ ἄδηλον γὰρ ἐστιν̓, οὐ παρῆγεν αὐτούσ, ὡσ πρὸσ ἄλλοισ μείζοσι γιγνομένου τοῦ βασιλέωσ, καὶ τοῦτο δὶσ ἐποίησεν.

οἱ δὲ καθ’ ὑπεροψίαν ἤδη τοῦ Φιλώτου τραπόμενοι πρὸσ ἕτερον καὶ δι’ ἐκείνου τῷ Ἀλεξάνδρῳ προσαχθέντεσ πρῶτον μὲν τὰ τοῦ Λίμνου κατεῖπον, ἔπειτα παρεδήλωσαν ἡσυχῇ τὸν Φιλώταν, ὡσ ἀμελήσειεν αὐτῶν δὶσ ἐντυχόντων.

καί τοῦτο δὴ σφόδρα παρώξυνε τὸν Ἀλέξανδρον· καὶ τοῦ πεμφθέντοσ ἐπὶ τὸν Λίμνου, ὡσ ἠμύνετο συλλαμβανόμενοσ, ἀποκτείναντοσ αὑτόν, ἔτι μᾶλλον διεταράχθη, τὸν ἔλεγχον ἐκπεφευγέναι τῆσ ἐπιβουλῆσ νομίζων. καὶ πικρῶσ ἔχων πρὸσ τὸν Φιλώταν ἐπεσπάσατο τοὺσ πάλαι μισοῦντασ αὑτόν, ἤδη φανερῶσ λέγοντασ ὡσ ῥᾳθυμία τοῦ βασιλέωσ εἰή Λίμνον οἰομένου, Χαλαιστραῖον ἄνθρωπον, ἐπιχειρῆσαι τολμήματι τοσούτῳ καθ’ αὑτὸν ἀλλὰ τοῦτον μὲν ὑπηρέτην εἶναι, μᾶλλον δὲ ὄργανον ἀπὸ μείζονοσ ἀρχῆσ ἀφιέμενον, ἐν ἐκείνοισ δὲ τὴν ἐπιβουλὴν ζητητέον οἷσ μάλιστα ταῦτα λανθάνειν συνέφερε, τοιούτοισ λόγοισ καὶ ὑπονοίαισ ἀναπετάσαντοσ τὰ ὦτα τοῦ βασιλέωσ ἐπῆγον ἤδη μυρίασ κατὰ τοῦ Φιλώτου διαβολάσ.

"οὕτω δὴ μαλακὸσ ὢν, ὦ Φιλώτα, καὶ ἄνανδροσ ἐπεχείρεισ πράγμασι τηλικούτοισ;

ἀποθανόντοσ δὲ τοῦ Φιλώτου καὶ Παρμενίωνα πέμψασ εὐθὺσ εἰσ Μηδίαν ἀνεῖλεν, ἄνδρα πολλὰ μὲν Φιλίππῳ συγκατεργασάμενον, μόνον δὲ ἢ μάλιστα τῶν πρεσβυτέρων φίλων Ἀλέξανδρον εἰσ Ἀσίαν ἐξορμήσαντα διαβῆναι, τριῶν δὲ υἱῶν οὓσ ἔσχεν, ἐπὶ τῆσ στρατιᾶσ δύο μὲν ἐπιδόντα πρότερον ἀποθανόντασ, τῷ δὲ τρίτῳ συναναιρεθέντα.

ταῦτα πραχθέντα πολλοῖσ τῶν φίλων φοβερὸν ἐποίησε τὸν Ἀλέξανδρον, μάλιστα δὲ Ἀντιπάτρῳ καὶ πρὸσ Αἰτωλοὺσ ἔπεμψε κρύφα πίστεισ διδοὺσ καὶ λαμβάνων.

ἐφοβοῦντο γὰρ Ἀλέξανδρον Αἰτωλοὶ διὰ τὴν Οἰνιαδῶν ἀνάστασιν, ἣν πυθόμενοσ οὐκ Οἰνιαδῶν ἔφη παῖδασ, ἀλλ’ αὑτὸν ἐπιθήσειν δίκην Αἰτωλοῖσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Alexander, chapter 49

(플루타르코스, Alexander, chapter 49)

상위

목록

SEARCH

MENU NAVIGATION