헬라어 문장 검색 - Πλυταρ́Αλεχανδ́26́

(플루타르코스, Alexander, chapter 26)

κιβωτίου δέ τινοσ αὐτῷ προσενεχθέντοσ, οὗ πολυτελέστερον οὐδὲν ἐφάνη τοῖσ τὰ Δαρείου χρήματα καὶ τὰσ ἀποσκευὰσ παραλαμβάνουσιν, ἠρώτα τοὺσ φίλουσ ὅ τι δοκοίη μάλιστα τῶν ἀξίων σπουδῆσ εἰσ αὐτὸ καταθέσθαι· πολλὰ δὲ πολλῶν λεγόντων αὐτὸσ ἔφη τὴν Ἰλιάδα φρουρήσειν ἐνταῦθα καταθέμενοσ. καὶ ταῦτα μὲν οὐκ ὀλίγοι τῶν ἀξιοπίστων μεμαρτυρήκασιν.

εἰ δ’, ὅπερ Ἀλεξανδρεῖσ λέγουσιν Ἡρακλείδῃ πιστεύοντεσ, ἀληθέσ ἐστιν, οὔκουν ἀργὸσ οὐδὲ ἀσύμβολοσ αὐτῷ συστρατεύειν ἐοίκεν Ὅμηροσ, λέγουσι γὰρ ὅτι τῆσ Αἰγύπτου κρατήσασ ἐβούλετο πόλιν μεγάλην καὶ πολυάνθρωπον Ἑλληνίδα συνοικίσασ ἐπώνυμον ἑαυτοῦ καταλιπεῖν, καί τινα τόπον γνώμῃ τῶν ἀρχιτεκτόνων ὅσον οὐδέπω διεμετρεῖτο καὶ περιέβαλλεν. εἶτα νύκτωρ κοιμώμενοσ ὄψιν εἶδε θαυμαστήν ἀνὴρ πολιὸσ εὖ μάλα τὴν κόμην καὶ γεραρὸσ τὸ εἶδοσ ἔδοξεν αὐτῷ παραστὰσ λέγειν τὰ ἔπη τάδε·

νῆσοσ ἔπειτά τισ ἔστι πολυκλύστῳ ἐνὶ πόντῳ, Αἰγύπτου προπάροιθε· Φάρον δέ ἑ κικλήσκουσιν. εὐθὺσ οὖν ἐξαναστὰσ ἐβάδιζεν ἐπὶ τὴν Φάρον, ἣ τότε μὲν ἔτι νῆσοσ ἦν, τοῦ Κανωβικοῦ μικρὸν ἀνωτέρω στόματοσ, νῦν δὲ διὰ χώματοσ ἀνείλη πται πρὸσ τὴν ἤπειρον. καὶ γῆ μὲν οὐ παρῆν λευκή, τῶν δὲ ἀλφίτων λαμβάνοντεσ ἐν πεδίῳ μελαγγείῳ κυκλοτερῆ κόλπον ἦγον, οὗ τὴν ἐντὸσ περιφέρειαν εὐθεῖαι βάσεισ ὥσπερ ἀπὸ κρασπέδων εἰσ σχῆμα χλαμύδοσ ὑπελάμβανον, ἐξ ἴσου συνάγουσαι τὸ μέγεθοσ, ἡσθέντοσ δὲ τῇ διαθέσει τοῦ βασιλέωσ αἰφνίδιον ὄρνιθεσ ἀπὸ τοῦ ποταμοῦ καὶ τῆσ λίμνησ, πλήθει τε ἄπειροι καὶ κατὰ γένοσ παντοδαποὶ καὶ μέγεθοσ, ἐπὶ τὸν τόπον καταίροντεσ νέφεσιν ἐοικότεσ οὐδὲ μικρὸν ὑπέλιπον τῶν ἀλφίτων, ὥστε καὶ τὸν Ἀλέξανδρον διαταραχθῆναι πρὸσ τὸν οἰωνόν.

οὐ μὴν ἀλλὰ τῶν μάντεων θαρρεῖν παραινούντων πολυαρκεστάτην γὰρ οἰκίζεσθαι πόλιν ὑπ’ αὐτοῦ, καὶ παντοδαπῶν ἀνθρώπων ἐσομένην τροφόν ἔργου κελεύσασ ἔχεσθαι τοὺσ ἐπιμελητάσ αὐτὸσ ὡρ́μησεν εἰσ Ἄμμωνοσ, ὁδὸν μακρὰν καὶ πολλὰ μὲν ἔχουσαν ἐργώδη καὶ ταλαίπωρα, κινδύνουσ δὲ δύο, τὸν μὲν ἀνυδρίασ, δι’ ἣν ἔρημόσ ἐστιν οὐκ ὀλίγων ἡμερῶν, τὸν δέ, εἰ λάβροσ ἐν ἄμμῳ βαθείᾳ καὶ ἀχανεῖ πορευομένοισ ἐπιπέσοι νότοσ, ὥσ που καὶ πάλαι λέγεται περὶ τὸν Καμβύσου στρατὸν, ἀναστήσασ θῖνα μεγάλην καὶ κυματώσασ τὸ πεδίον μυριάδασ ἀνθρώπων πέντε καταχῶσαι καὶ διαφθεῖραι.

ταῦτα πάντα σχεδὸν πάντεσ ἐλογίζοντο, χαλεπὸν δὲ ἦν Ἀλέξανδρον ἀποτρέψαι πρὸσ ὁτιοῦν ὡρμημένον.

ἥ τε γὰρ τύχη ταῖσ ἐπιβολαῖσ ὑπείκουσα τὴν γνώμην ἰσχυρὰν ἐποίει, καὶ τὸ θυμοειδὲσ ἄχρι τῶν πραγμάτων ὑπεξέφερε τὴν φιλονεικίαν ἀήττητον, οὐ μόνον πολεμίουσ, ἀλλὰ καὶ τόπουσ καὶ καιροὺσ καταβιαζομένην.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Alexander, chapter 26

(플루타르코스, Alexander, chapter 26)

상위

목록

SEARCH

MENU NAVIGATION