헬라어 텍스트

Plutarch, Alexander, chapter 13

(플루타르코스, Alexander, chapter 13)

Ἀθηναίοισ δὲ διηλλάγη, καίπερ οὐ μετρίωσ ἐνεγκοῦσι τὸ περὶ Θήβασ δυστύχημα· καὶ γὰρ τὴν τῶν μυστηρίων ἑορτὴν ἐν χερσὶν ἔχοντεσ ὑπὸ πένθουσ ἀφῆκαν, καὶ τοῖσ καταφυγοῦσιν ἐπὶ τὴν πόλιν ἁπάντων μετεδίδοσαν τῶν φιλανθρώπων. ἀλλ’ εἴτε μεστὸσ ὢν ἤδη τὸν θυμὸν, ὥσπερ οἱ λέοντεσ, εἴτε ἐπιεικὲσ ἔργον ὠμοτάτῳ καὶ σκυθρωποτάτῳ παραβαλεῖν βουλόμενοσ, οὐ μόνον ἀφῆκεν αἰτίασ πάσησ, ἀλλὰ καὶ προσέχειν ἐκέλευσε τοῖσ πράγμασι τὸν νοῦν τὴν πόλιν, ὡσ, εἴ τι συμβαίη περὶ αὐτὸν, ἄρξουσαν τῆσ Ἑλλάδοσ.

ὕστερον μέντοι πολλάκισ αὐτὸν ἡ Θηβαίων ἀνιᾶσαι συμφορὰ λέγεται καὶ πρᾳότερον οὐκ ὀλίγοισ παρασχεῖν. ὅλωσ δὲ καὶ τὸ περὶ Κλεῖτον ἔργον ἐν οἴνῳ γενόμενον καὶ τὴν πρὸσ Ἰνδοὺσ τῶν Μακεδόνων ἀποδειλίασιν, ὥσπερ ἀτελῆ τὴν στρατείαν καὶ τὴν δόξαν αὐτοῦ προεμένων, εἰσ μῆνιν ἀνῆγε Διονύσου καὶ νέμεσιν.

ἦν δὲ Θηβαίων οὐδεὶσ τῶν περιγενομένων ὃσ ἐντυχών τι καὶ δεηθεὶσ ὕστερον οὐ διεπράξατο παρ’ αὐτοῦ, ταῦτα μὲν τὰ περὶ Θήβασ.