헬라어 문장 검색 - Πλυταρ́Αλεχανδ́11́

(플루타르코스, Alexander, chapter 11)

παρέλαβε μὲν οὖν ἔτη γεγονὼσ εἴκοσι τὴν βασιλείαν, φθόνουσ μεγάλουσ καὶ δεινὰ μίση καὶ κινδύνουσ πανταχόθεν ἔχουσαν. οὔτε γὰρ τὰ βάρβαρα καὶ πρόσοικα γένη τὴν δούλωσιν ἔφερε, ποθοῦντα τὰσ πατρίουσ βασιλείασ, οὔτε τὴν Ἑλλάδα κρατήσασ τοῖσ ὅπλοισ ὁ Φίλιπποσ οἱο͂ν καταζεῦξαι καὶ τιθασεῦσαι χρόνον ἔσχεν, ἀλλὰ μόνον μεταβαλὼν καὶ ταράξασ τὰ πράγματα πολὺν σάλον ἔχοντα καὶ κίνησιν ὑπὸ ἀηθείασ ἀπέλιπε. φοβουμένων δὲ τῶν Μακεδόνων τὸν καιρόν, καὶ τὰ μὲν Ἑλληνικὰ πάντωσ ἀφεῖναι καὶ μὴ προσβιάζεσθαι τὸν Ἀλέξανδρον οἰομένων δεῖν, τοὺσ δὲ ἀφισταμένουσ τῶν βαρβάρων ἀνακαλεῖσθαι πρᾴωσ καὶ θεραπεύειν τὰσ ἀρχὰσ τῶν νεωτερισμῶν, αὐτὸσ ἀπ’ ἐναντίων λογισμῶν ὡρ́μησε τόλμῃ καὶ μεγαλοφροσύνῃ κτᾶσθαι τὴν ἀσφάλειαν καὶ σωτηρίαν τοῖσ πράγμασιν, ὡσ, κἂν ὁτιοῦν ὑφιέμενοσ ὀφθῇ τοῦ φρονήματοσ, ἐπιβησομένων ἁπάντων.

τὰ μὲν οὖν βαρβαρικὰ κινήματα καὶ τοὺσ ἐκεῖ πολέμουσ κατέπαυσεν ὀξέωσ ἐπιδραμὼν στρατῷ μέχρι πρὸσ τὸν Ἴστρον, ᾗ καὶ Σύρμον ἐνίκησε μάχῃ μεγάλῃ, τὸν βασιλέα τῶν Τριβαλλῶν Θηβαίουσ δὲ ἀφεστάναι πυθόμενοσ καὶ συμφρονεῖν αὐτοῖσ Ἀθηναίουσ, εὐθὺσ ἦγε διὰ Πυλῶν τὴν δύναμιν, εἰπὼν ὅτι Δημοσθένει παῖδα μὲν αὐτὸν, ἑώσ ἦν ἐν Ἰλλυριοῖσ καὶ Τριβαλλοῖσ, ἀποκαλοῦντι, μειράκιον δὲ περὶ Θετταλίαν γενόμενον, βούλεται πρὸσ τοῖσ Ἀθηναίων τείχεσιν ἀνὴρ φανῆναι.

προσμίξασ δὲ ταῖσ Θήβαισ καὶ διδοὺσ ἔτι τῶν πεπραγμένων μετάνοιαν ἐξῄτει Φοίνικα καὶ Προθύτην, καὶ τοῖσ μεταβαλλομένοισ πρὸσ αὐτὸν ἄδειαν ἐκήρυττε.

τῶν δὲ Θηβαίων ἀντεξαιτούντων μὲν παρ’ αὐτοῦ Φιλώταν καὶ Ἀντίπατρον, κηρυττόντων δὲ τοὺσ τὴν Ἑλλάδα βουλομένουσ συνελευθεροῦν τάττεσθαι μετ’ αὐτῶν, οὕτωσ ἔτρεψε τοὺσ Μακεδόνασ πρὸσ πόλεμον. ἠγωνίσθη μὲν οὖν ὑπὲρ δύναμιν ἀρετῇ καὶ προθυμίᾳ παρὰ τῶν Θηβαίων πολλαπλασίοισ οὖσι τοῖσ πολεμίοισ ἀντιταχθέντων ἐπεὶ δὲ καὶ τὴν Καδμείαν ἀφέντεσ οἱ φρουροὶ τῶν Μακεδόνων ἐπέπιπτον αὐτοῖσ ἐξόπισθεν, κυκλωθέντεσ οἱ πλεῖστοι κατὰ τὴν μάχην αὐτὴν ἔπεσον, ἡ δὲ πόλισ ἥλω καὶ διαρπασθεῖσα κατεσκάφη, τὸ μὲν ὅλον προσδοκήσαντοσ αὐτοῦ τοὺσ Ἕλληνασ ἐκπλαγέντασ πάθει τηλικούτῳ καὶ πτήξαντασ ἀτρεμήσειν, ἄλλωσ δὲ καὶ καλλωπισαμένου χαρίζεσθαι τοῖσ τῶν συμμάχων ἐγκλήμασι·

καὶ γὰρ Φωκεῖσ καὶ Πλαταιεῖσ τῶν Θηβαίων κατηγόρησαν, ὑπεξελόμενοσ δὲ τοὺσ ἱερεῖσ καὶ τοὺσ ξένουσ τῶν Μακεδόνων ἅπαντασ καὶ τοὺσ ἀπὸ Πινδάρου γεγονότασ καὶ τοὺσ ὑπεναντιωθέντασ τοῖσ ψηφισαμένοισ τὴν ἀπόστασιν, ἀπέδοτο τοὺσ ἄλλουσ περὶ τρισμυρίουσ γενομένουσ· οἱ δὲ ἀποθανόντεσ ὑπὲρ ἑξακισχιλίουσ ἦσαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Alexander, chapter 11

(플루타르코스, Alexander, chapter 11)

상위

목록

SEARCH

MENU NAVIGATION