헬라어 텍스트

Herodotus, The Histories, book 6, chapter 125

(헤로도토스, The Histories, book 6, chapter 125)

οἱ δὲ Ἀλκμεωνίδαι ἦσαν μὲν καὶ τὰ ἀνέκαθεν λαμπροὶ ἐν τῇσι Ἀθήνῃσι, ἀπὸ δὲ Ἀλκμέωνοσ καὶ αὖτισ Μεγακλέοσ ἐγένοντο καὶ κάρτα λαμπροί. τοῦτο μὲν γὰρ Ἀλκμέων ὁ Μεγακλέοσ τοῖσι ἐκ Σαρδίων Λυδοῖσι παρὰ Κροίσου ἀπικνεομένοισι ἐπὶ τὸ χρηστήριον τὸ ἐν Δελφοῖσι συμπρήκτωρ τε ἐγίνετο καὶ συνελάμβανε προθύμωσ, καί μιν Κροῖσοσ πυθόμενοσ τῶν Λυδῶν τῶν ἐσ τὰ χρηστήρια φοιτεόντων ἑωυτὸν εὖ ποιέειν μεταπέμπεται ἐσ Σάρδισ, ἀπικόμενον δὲ δωρέεται χρυσῷ τὸν ἂν δύνηται τῷ ἑωυτοῦ σώματι ἐξενείκασθαι ἐσάπαξ.

ὁ δὲ Ἀλκμέων πρὸσ τὴν δωρεὴν ἐοῦσαν τοιαύτην τοιάδε ἐπιτηδεύσασ προσέφερε·

ἐνδὺσ κιθῶνα μέγαν καὶ κόλπον βαθὺν καταλιπόμενοσ τοῦ κιθῶνοσ, κοθόρνουσ τε τοὺσ εὑρ́ισκε εὐρυτάτουσ ἐόντασ ὑποδησάμενοσ, ἠιέ ἐσ τὸν θησαυρὸν ἐσ τόν οἱ κατηγέοντο. ἐσπεσὼν δὲ ἐσ σωρὸν ψήγματοσ πρῶτα μὲν παρέσαξε παρὰ τὰσ κνήμασ τοῦ χρυσοῦ ὅσον ἐχώρεον οἱ κόθορνοι, μετὰ δὲ τὸν κόλπον πάντα πλησάμενοσ τοῦ χρυσοῦ καὶ ἐσ τὰσ τρίχασ τῆσ κεφαλῆσ διαπάσασ τοῦ ψήγματοσ καὶ ἄλλο λαβὼν ἐσ τὸ στόμα, ἐξήιε ἐκ τοῦ θησαυροῦ ἕλκων μὲν μόγισ τοὺσ κοθόρνουσ, παντὶ δὲ τεῷ οἰκὼσ μᾶλλον ἢ ἀνθρώπῳ·

τοῦ τό τε στόμα ἐβέβυστο καὶ πάντα ἐξώγκωτο. ἰδόντα δὲ τὸν Κροῖσον γέλωσ ἐσῆλθε, καί οἱ πάντα τε ἐκεῖνα διδοῖ καὶ πρὸσ ἕτερα δωρέεται οὐκ ἐλάσσω ἐκείνων.

οὕτω μὲν ἐπλούτησε ἡ οἰκίη αὕτη μεγάλωσ, καὶ ὁ Ἀλκμέων οὗτοσ οὕτω τεθριπποτροφήσασ Ὀλυμπιάδα ἀναιρέεται.