헬라어 문장 검색 - ΗεροδόΤηεΗιστ́6́123́

(헤로도토스, The Histories, book 6, chapter 119)

τοὺσ δὲ τῶν Ἐρετριέων ἀνδραποδισμένουσ Δᾶτίσ τε καὶ Ἀρταφρένησ, ὡσ προσέσχον πρὸσ τὴν Ἀσίην πλέοντεσ, ἀνήγαγον ἐσ Σοῦσα. βασιλεὺσ δὲ Δαρεῖοσ, πρὶν μὲν αἰχμαλώτουσ γενέσθαι τοὺσ Ἐρετριέασ, ἐνεῖχέ σφι δεινὸν χόλον, οἱᾶ ἀρξάντων ἀδικίησ προτέρων τῶν Ἐρετριέων· ἐπείτε δὲ εἶδε σφέασ ἀπαχθέντασ παρ’ ἑωυτὸν καὶ ἑωυτῷ ὑποχειρίουσ ἐόντασ, ἐποίησε κακὸν ἄλλο οὐδέν, ἀλλὰ σφέασ τῆσ Κισσίησ χώρησ κατοίκισε ἐν σταθμῷ ἑωυτοῦ τῷ οὔνομα ἐστὶ Ἀρδέρικκα, ἀπὸ μὲν Σούσων δέκα καὶ διηκοσίουσ σταδίουσ ἀπέχοντι, τεσσεράκοντα δὲ ἀπὸ τοῦ φρέατοσ τὸ παρέχεται τριφασίασ ἰδέασ·

καὶ γὰρ ἄσφαλτον καὶ ἅλασ καὶ ἔλαιον ἀρύσσονται ἐξ αὐτοῦ τρόπῳ τοιῷδε· ἀντλέεται μὲν κηλωνηίῳ, ἀντὶ δὲ γαυλοῦ ἥμισυ ἀσκοῦ οἱ προσδέδεται·

ὑποτύψασ δὲ τούτῳ ἀντλέει καὶ ἔπειτα ἐγχέει ἐσ δεξαμενήν· ἐκ δὲ ταύτησ ἐσ ἄλλο διαχεόμενον τρέπεται τριφασίασ ὁδούσ. καὶ ἡ μὲν ἄσφαλτοσ καὶ οἱ ἅλεσ πήγνυνται παραυτίκα· τὸ δὲ ἔλαιον οἱ Πέρσαι καλέουσι τοῦτο ῥαδινάκην, ἔστι δὲ μέλαν καὶ ὀδμὴν παρεχόμενον βαρέαν. ἐνθαῦτα τοὺσ Ἐρετριέασ κατοίκισε βασιλεὺσ Δαρεῖοσ, οἳ καὶ μέχρι ἐμέο εἶχον τὴν χώρην ταύτην, φυλάσοντεσ τὴν ἀρχαίην γλῶσσαν.

τὰ μὲν δὴ περὶ Ἐρετριέασ ἔσχε οὕτω.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Herodotus, The Histories, book 6, chapter 119

(헤로도토스, The Histories, book 6, chapter 119)

상위

목록

SEARCH

MENU NAVIGATION