Herodotus, The Histories, book 6, chapter 119

(헤로도토스, The Histories, book 6, chapter 119)

τοὺσ δὲ τῶν Ἐρετριέων ἀνδραποδισμένουσ Δᾶτίσ τε καὶ Ἀρταφρένησ, ὡσ προσέσχον πρὸσ τὴν Ἀσίην πλέοντεσ, ἀνήγαγον ἐσ Σοῦσα. βασιλεὺσ δὲ Δαρεῖοσ, πρὶν μὲν αἰχμαλώτουσ γενέσθαι τοὺσ Ἐρετριέασ, ἐνεῖχέ σφι δεινὸν χόλον, οἱᾶ ἀρξάντων ἀδικίησ προτέρων τῶν Ἐρετριέων· ἐπείτε δὲ εἶδε σφέασ ἀπαχθέντασ παρ’ ἑωυτὸν καὶ ἑωυτῷ ὑποχειρίουσ ἐόντασ, ἐποίησε κακὸν ἄλλο οὐδέν, ἀλλὰ σφέασ τῆσ Κισσίησ χώρησ κατοίκισε ἐν σταθμῷ ἑωυτοῦ τῷ οὔνομα ἐστὶ Ἀρδέρικκα, ἀπὸ μὲν Σούσων δέκα καὶ διηκοσίουσ σταδίουσ ἀπέχοντι, τεσσεράκοντα δὲ ἀπὸ τοῦ φρέατοσ τὸ παρέχεται τριφασίασ ἰδέασ·

καὶ γὰρ ἄσφαλτον καὶ ἅλασ καὶ ἔλαιον ἀρύσσονται ἐξ αὐτοῦ τρόπῳ τοιῷδε· ἀντλέεται μὲν κηλωνηίῳ, ἀντὶ δὲ γαυλοῦ ἥμισυ ἀσκοῦ οἱ προσδέδεται·

ὑποτύψασ δὲ τούτῳ ἀντλέει καὶ ἔπειτα ἐγχέει ἐσ δεξαμενήν· ἐκ δὲ ταύτησ ἐσ ἄλλο διαχεόμενον τρέπεται τριφασίασ ὁδούσ. καὶ ἡ μὲν ἄσφαλτοσ καὶ οἱ ἅλεσ πήγνυνται παραυτίκα· τὸ δὲ ἔλαιον οἱ Πέρσαι καλέουσι τοῦτο ῥαδινάκην, ἔστι δὲ μέλαν καὶ ὀδμὴν παρεχόμενον βαρέαν. ἐνθαῦτα τοὺσ Ἐρετριέασ κατοίκισε βασιλεὺσ Δαρεῖοσ, οἳ καὶ μέχρι ἐμέο εἶχον τὴν χώρην ταύτην, φυλάσοντεσ τὴν ἀρχαίην γλῶσσαν.

τὰ μὲν δὴ περὶ Ἐρετριέασ ἔσχε οὕτω.

상위

The Histories

목록

일치하는 문장이 없습니다.

SEARCH

MENU NAVIGATION