Herodotus, The Histories, book 6, chapter 76

(헤로도토스, The Histories, book 6, chapter 76)

Κλεομένεϊ γὰρ μαντευομένῳ ἐν Δελφοῖσι ἐχρήσθη Ἄργοσ αἱρήσειν· ἐπείτε δὲ Σπαρτιήτασ ἄγων ἀπίκετο ἐπὶ ποταμὸν Ἐρασῖνον, ὃσ λέγεται ῥέειν ἐκ τῆσ Στυμφαλίδοσ λίμνησ· τὴν γὰρ δὴ λίμνην ταύτην ἐσ χάσμα ἀφανὲσ ἐκδιδοῦσαν ἀναφαίνεσθαι ἐν Ἄργεϊ, τὸ ἐνθεῦτεν δὲ τὸ ὕδωρ ἤδη τοῦτο ὑπ’ Ἀργείων Ἐρασῖνον καλέεσθαι· ἀπικόμενοσ δ’ ὦν ὁ Κλεομένησ ἐπὶ τὸν ποταμὸν τοῦτον ἐσφαγιάζετο αὐτῷ· καὶ οὐ γὰρ ἐκαλλιέρεε οὐδαμῶσ διαβαίνειν μιν, ἄγασθαι μὲν ἔφη τοῦ Ἐρασίνου οὐ προδιδόντοσ τοὺσ πολιήτασ, Ἀργείουσ μέντοι οὐδ’ ὣσ χαιρήσειν.

μετὰ δὲ ταῦτα ἐξαναχωρήσασ τὴν στρατιὴν κατήγαγε ἐσ Θυρέην, σφαγιασάμενοσ δὲ τῇ θαλάσσῃ ταῦρον πλοίοισι σφέασ ἤγαγε ἔσ τε τὴν Τιρυνθίην χώρην καὶ Ναυπλίην.

상위

The Histories

목록

일치하는 문장이 없습니다.

SEARCH

MENU NAVIGATION