헬라어 문장 검색 - ΗεροδόΤηεΗιστ́6́035́

(헤로도토스, The Histories, book 6, chapter 35)

ἐν δὲ τῇσι Ἀθήνῃσι τηνικαῦτα εἶχε μὲν τὸ πᾶν κράτοσ Πεισίστρατοσ, ἀτὰρ ἐδυνάστευέ γε καὶ Μιλτιάδησ ὁ Κυψέλου ἐὼν οἰκίησ τεθριπποτρόφου, τὰ μὲν ἀνέκαθεν ἀπ’ Αἰακοῦ τε καὶ Αἰγίνησ γεγονώσ, τὰ δὲ νεώτερα Ἀθηναῖοσ, Φιλαίου τοῦ Αἰάντοσ παιδὸσ γενομένου πρώτου τῆσ οἰκίησ ταύτησ Ἀθηναίου. οὗτοσ ὁ Μιλτιάδησ κατήμενοσ ἐν τοῖσι προθύροισι τοῖσι ἑωυτοῦ, ὁρέων τοὺσ Δολόγκουσ παριόντασ ἐσθῆτα ἔχοντασ οὐκ ἐγχωρίην καὶ αἰχμὰσ προσεβώσατο καί σφι προσελθοῦσι ἐπηγγείλατο καταγωγὴν καὶ ξείνια.

οἳ δὲ δεξάμενοι καὶ ξεινισθέντεσ ὑπ’ αὐτοῦ ἐξέφαινον πᾶν τὸ μαντήιον, ἐκφήναντεσ δὲ ἐδέοντο αὐτοῦ τῷ θεῷ μιν πείθεσθαι. Μιλτιάδεα δὲ ἀκούσαντα παραυτίκα ἔπεισε ὁ λόγοσ οἱᾶ ἀχθόμενόν τε τῇ Πεισιστράτου ἀρχῇ καὶ βουλόμενον ἐκποδὼν εἶναι.

αὐτίκα δὲ ἐστάλη ἐσ Δελφούσ, ἐπειρησόμενοσ τὸ χρηστήριον εἰ ποιοίη τά περ αὐτοῦ οἱ Δόλογκοι προσεδέοντο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Herodotus, The Histories, book 6, chapter 35

(헤로도토스, The Histories, book 6, chapter 35)

상위

목록

SEARCH

MENU NAVIGATION