Herodotus, The Histories, book 6, chapter 65

(헤로도토스, The Histories, book 6, chapter 65)

ὁρμηθεὶσ ὦν ἀποτίνυσθαι ὁ Κλεομένησ συντίθεται Λευτυχίδῃ τῷ Μενάρεοσ τοῦ Ἄγιοσ, ἐόντι οἰκίησ τῆσ αὐτῆσ Δημαρήτῳ, ἐπ’ ᾧ τε, ἢν αὐτὸν καταστήσῃ βασιλέα ἀντὶ Δημαρήτου, ἕψεταί οἱ ἐπ’ Αἰγινήτασ. ὁ δὲ Λευτυχίδησ ἦν ἐχθρὸσ τῷ Δημαρήτῳ μάλιστα γεγονὼσ διὰ πρῆγμα τοιόνδε·

ἁρμοσαμένου Λευτυχίδεω Πέρκαλον τὴν Χίλωνοσ τοῦ Δημαρμένου θυγατέρα, ὁ Δημάρητοσ ἐπιβουλεύσασ ἀποστερέει Λευτυχίδεα τοῦ γάμου, φθάσασ αὐτὸσ τὴν Πέρκαλον ἁρπάσασ καὶ σχὼν γυναῖκα. κατὰ τοῦτο μὲν τῷ Λευτυχίδῃ ἡ ἔχθρη ἡ ἐσ τὸν Δημάρητον ἐγεγόνεε, τότε δὲ ἐκ τῆσ Κλεομένεοσ προθυμίησ ὁ Λευτυχίδησ κατόμνυται Δημαρήτῳ, φὰσ αὐτὸν οὐκ ἱκνεομένωσ βασιλεύειν Σπαρτιητέων οὐκ ἐόντα παῖδα Ἀρίστωνοσ·

μετὰ δὲ τὴν κατωμοσίην ἐδίωκε, ἀνασώζων ἐκεῖνο τὸ ἔποσ τὸ εἶπε Ἀρίστων τότε ὅτε οἱ ἐξήγγειλε ὁ οἰκέτησ παῖδα γεγονέναι, ὁ δὲ συμβαλόμενοσ τοὺσ μῆνασ ἀπώμοσε φὰσ οὐκ ἑωυτοῦ μιν εἶναι. τούτου δὴ ἐπιβατεύων τοῦ ῥήματοσ ὁ Λευτυχίδησ ἀπέφαινε τὸν Δημάρητον οὔτε ἐξ Ἀρίστωνοσ γεγονότα οὔτε ἱκνευμένωσ βασιλεύοντα Σπάρτησ, τοὺσ ἐφόρουσ μάρτυρασ παρεχόμενοσ κείνουσ οἳ τότε ἐτύγχανον πάρεδροί τε ἐόντεσ καὶ ἀκούσαντεσ ταῦτα Ἀρίστωνοσ.

상위

The Histories

목록

일치하는 문장이 없습니다.

SEARCH

MENU NAVIGATION