헬라어 문장 검색 - ΗεροδόΤηεΗιστ́6́096́

(헤로도토스, The Histories, book 6, chapter 92)

ταῦτα μέν νυν σφέασ αὐτοὺσ οἱ Αἰγινῆται ἐργάσαντο, Ἀθηναίοισι δὲ ἥκουσι ἐναυμάχησαν νηυσὶ ἑβδομήκοντα, ἑσσωθέντεσ δὲ τῇ ναυμαχίῃ ἐπεκαλέοντο τοὺσ αὐτοὺσ καὶ πρότερον, Ἀργείουσ. καὶ δή σφι οὗτοι μὲν οὐκέτι βοηθέουσι, μεμφόμενοι ὅτι Αἰγιναῖαι νέεσ ἀνάγκῃ λαμφθεῖσαι ὑπὸ Κλεομένεοσ ἔσχον τε ἐσ τὴν Ἀργολίδα χώρην καὶ συναπέβησαν Λακεδαιμονίοισι, συναπέβησαν δὲ καὶ ἀπὸ Σικυωνιέων νεῶν ἄνδρεσ τῇ αὐτῇ ταύτῃ ἐσβολῇ· καί σφι ὑπ’ Ἀργείων ἐπεβλήθη ζημίη χίλια τάλαντα ἐκτῖσαι, πεντακόσια ἑκατέρουσ.

Σικυώνιοι μέν νυν συγγνόντεσ ἀδικῆσαι ὡμολόγησαν ἑκατὸν τάλαντα ἐκτίσαντεσ ἀζήμιοι εἶναι, Αἰγινῆται δὲ οὔτε συνεγινώσκοντο ἦσάν τε αὐθαδέστεροι. διὰ δὴ ὦν σφι ταῦτα δεομένοισι ἀπὸ μὲν τοῦ δημοσίου οὐδεὶσ Ἀργείων ἔτι ἐβοήθεε, ἐθελονταὶ δὲ ἐσ χιλίουσ· ἦγε δὲ αὐτοὺσ στρατηγὸσ ἀνὴρ ᾧ οὔνομα Εὐρυβάτησ, ἀνὴρ πεντάεθλον ἐπασκήσασ. τούτων οἱ πλεῦνεσ οὐκ ἀπενόστησαν ὀπίσω, ἀλλ’ ἐτελεύτησαν ὑπ’ Ἀθηναίων ἐν Αἰγίνῃ·

αὐτὸσ δὲ ὁ στρατηγὸσ Εὐρυβάτησ μουνομαχίην ἐπασκέων τρεῖσ μὲν ἄνδρασ τρόπῳ τοιούτῳ κτείνει, ὑπὸ δὲ τοῦ τετάρτου Σωφάνεοσ τοῦ Δεκελέοσ ἀποθνήσκει.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Herodotus, The Histories, book 6, chapter 92

(헤로도토스, The Histories, book 6, chapter 92)

상위

목록

SEARCH

MENU NAVIGATION