Herodotus, The Histories, book 6, chapter 58

(헤로도토스, The Histories, book 6, chapter 58)

ταῦτα μὲν ζῶσι τοῖσι βασιλεῦσι δέδοται ἐκ τοῦ κοινοῦ τῶν Σπαρτιητέων, ἀποθανοῦσι δὲ τάδε. ἱππέεσ περιαγγέλλουσι τὸ γεγονὸσ κατὰ πᾶσαν τὴν Λακωνικήν, κατὰ δὲ τὴν πόλιν γυναῖκεσ περιιοῦσαι λέβητα κροτέουσι. ἐπεὰν ὦν τοῦτο γίνηται τοιοῦτο, ἀνάγκη ἐξ οἰκίησ ἑκάστησ ἐλευθέρουσ δύο καταμιαίνεσθαι, ἄνδρα τε καὶ γυναῖκα· μὴ ποιήσασι δὲ τοῦτο ζημίαι μεγάλαι ἐπικέαται. νόμοσ δὲ τοῖσι Λακεδαιμονίοισι κατὰ τῶν βασιλέων τοὺσ θανάτουσ ἐστὶ ὡυτὸσ καὶ τοῖσι βαρβάροισι τοῖσι ἐν τῇ Ἀσίῃ·

τῶν γὰρ ὦν βαρβάρων οἱ πλεῦνεσ τῷ αὐτῷ νόμῳ χρέωνται κατὰ τοὺσ θανάτουσ τῶν βασιλέων. ἐπεὰν γὰρ ἀποθάνῃ βασιλεὺσ Λακεδαιμονίων, ἐκ πάσησ δεῖ Λακεδαίμονοσ, χωρὶσ Σπαρτιητέων, ἀριθμῷ τῶν περιοίκων ἀναγκαστοὺσ ἐσ τὸ κῆδοσ ἰέναι. τούτων ὦν καὶ τῶν εἱλωτέων καὶ αὐτῶν Σπαρτιητέων ἐπεὰν συλλεχθέωσι ἐσ τὠυτὸ πολλαὶ χιλιάδεσ σύμμιγα τῇσι γυναιξί, κόπτονταί τε τὰ μέτωπα προθύμωσ καὶ οἰμωγῇ διαχρέωνται ἀπλέτῳ, φάμενοι τὸν ὕστατον αἰεὶ ἀπογενόμενον τῶν βασιλέων, τοῦτον δὴ γενέσθαι ἄριστον.

ὃσ δ’ ἂν ἐν πολέμῳ τῶν βασιλέων ἀποθάνῃ, τούτῳ δὲ εἴδωλον σκευάσαντεσ ἐν κλίνῃ εὖ ἐστρωμένῃ ἐκφέρουσι. ἐπεὰν δὲ θάψωσι, ἀγορὴ δέκα ἡμερέων οὐκ ἵσταταί σφι οὐδ’ ἀρχαιρεσίη συνίζει, ἀλλὰ πενθέουσι ταύτασ τὰσ ἡμέρασ.

상위

The Histories

목록

일치하는 문장이 없습니다.

SEARCH

MENU NAVIGATION