Herodotus, The Histories, book 6, chapter 19

(헤로도토스, The Histories, book 6, chapter 19)

χρεωμένοισι γὰρ Ἀργείοισι ἐν Δελφοῖσι περὶ σωτηρίησ τῆσ πόλιοσ τῆσ σφετέρησ ἐχρήσθη ἐπίκοινον χρηστήριον, τὸ μὲν ἐσ αὐτοὺσ τοὺσ Ἀργείουσ φέρον, τὴν δὲ παρενθήκην ἔχρησε ἐσ Μιλησίουσ. τὸ μέν νυν ἐσ τοὺσ Ἀργείουσ ἔχον, ἐπεὰν κατὰ τοῦτο γένωμαι τοῦ λόγου, τότε μνησθήσομαι· τὰ δὲ τοῖσι Μιλησίοισι οὐ παρεοῦσι ἔχρησε, ἔχει ὧδε.

καὶ τότε δή, Μίλητε κακῶν ἐπιμήχανε ἔργων, πολλοῖσιν δεῖπνόν τε καὶ ἀγλαὰ δῶρα γενήσῃ, σαὶ δ’ ἄλοχοι πολλοῖσι πόδασ νίψουσι κομήταισ, νηοῦ δ’ ἡμετέρου Διδύμοισ ἄλλοισι μελήσει. τότε δὴ ταῦτα τοὺσ Μιλησίουσ κατελάμβανε, ὁκότε ἄνδρεσ μὲν οἱ πλεῦνεσ ἐκτείνοντο ὑπὸ τῶν Περσέων ἐόντων κομητέων, γυναῖκεσ δὲ καὶ τέκνα ἐν ἀνδραπόδων λόγῳ ἐγίνοντο, ἱρὸν δὲ τὸ ἐν Διδύμοισι καὶ ὁ νηόσ τε καὶ τὸ χρηστήριον.

συληθέντα ἐνεπίμπρατο. τῶν δ’ ἐν τῷ ἱρῷ τούτῳ χρημάτων πολλάκισ μνήμην ἑτέρωθι τοῦ λόγου ἐποιησάμην.

상위

The Histories

목록

일치하는 문장이 없습니다.

SEARCH

MENU NAVIGATION