호흡부호 보기
강세부호 보기
장단부호 보기
작은 Iota 보기
모든 부호 보기
ὃ μὲν δὴ τοιαῦτα ἔλεγε, ἣ δὲ ἀμείβετο τοῖσιδε. "ὦ παῖ, ἐπείτε με λιτῇσι μετέρχεαι εἰπεῖν τὴν ἀληθείην, πᾶν ἐσ σὲ κατειρήσεται τὠληθέσ. ὥσ με ἠγάγετο Ἀρίστων ἐσ ἑωυτοῦ, νυκτὶ τρίτῃ ἀπὸ τῆσ πρώτησ ἦλθέ μοι φάσμα εἰδόμενον Ἀρίστωνι, συνευνηθὲν δὲ τοὺσ στεφάνουσ τοὺσ εἶχε ἐμοὶ περιετίθεε. καὶ τὸ μὲν οἰχώκεε, ἧκε δὲ μετὰ ταῦτα Ἀρίστων.
ὡσ δέ με εἶδε ἔχουσαν στεφάνουσ, εἰρώτα τίσ εἰή μοι ὁ δούσ· ἐγὼ δὲ ἐφάμην ἐκεῖνον, ὁ δὲ οὐκ ὑπεδέκετο. ἐγὼ δὲ κατωμνύμην φαμένη αὐτὸν οὐ ποιέειν καλῶσ ἀπαρνεόμενον· ὀλίγῳ γὰρ τι πρότερον ἐλθόντα καὶ συνευνηθέντα δοῦναί μοι τοὺσ στεφάνουσ. ὁρέων δέ με κατομνυμένην ὁ Ἀρίστων ἔμαθε ὡσ θεῖον εἰή τὸ πρῆγμα.
καὶ τοῦτο μὲν οἱ στέφανοι ἐφάνησαν ἐόντεσ ἐκ τοῦ ἡρωίου τοῦ παρὰ τῇσι θύρῃσι τῇσι αὐλείῃσι ἱδρυμένου, τὸ καλέουσι Ἀστροβάκου, τοῦτο δὲ οἱ μάντιεσ τὸν αὐτὸν τοῦτον ἡρ́ωα ἀναίρεον εἶναι. οὕτω ὦ παῖ ἔχεισ πᾶν, ὅσον τι καὶ βούλεαι πυθέσθαι·
ἢ γὰρ ἐκ τοῦ ἡρ́ωοσ τούτου γέγονασ, καί τοι πατήρ ἐστι Ἀστρόβακοσ ὁ ἡρ́ωσ, ἢ Ἀρίστων· ἐν γάρ σε τῇ νυκτὶ ταύτῃ ἀναιρέομαι. τῇ δέ σευ μάλιστα κατάπτονται οἱ ἐχθροί, λέγοντεσ ὡσ αὐτὸσ ὁ Ἀρίστων, ὅτε αὐτῷ σὺ ἠγγέλθησ γεγενημένοσ, πολλῶν ἀκουόντων οὐ φήσειέ σε ἑωυτοῦ εἶναι τὸν χρόνον γάρ, τοὺσ δέκα μῆνασ, οὐδέκω ἐξήκειν, ἀιδρείῃ τῶν τοιούτων κεῖνοσ τοῦτο ἀπέρριψε τὸ ἔποσ. τίκτουσι γὰρ γυναῖκεσ καὶ ἐννεάμηνα καὶ ἑπτάμηνα, καὶ οὐ πᾶσαι δέκα μῆνασ ἐκτελέσασαι·
ἐγὼ δὲ σὲ ὦ παῖ ἑπτάμηνον ἔτεκον. ἔγνω δὲ καὶ αὐτὸσ ὁ Ἀρίστων οὐ μετὰ πολλὸν χρόνον ὡσ ἀνοίῃ τὸ ἔποσ ἐκβάλοι τοῦτο. λόγουσ δὲ ἄλλουσ περὶ γενέσιοσ τῆσ σεωυτοῦ μὴ δέκεο· τὰ γὰρ ἀληθέστατα πάντα ἀκήκοασ. ἐκ δὲ ὀνοφορβῶν αὐτῷ τε Λευτυχίδῃ καὶ τοῖσι ταῦτα λέγουσι τίκτοιεν αἱ γυναῖκεσ παῖδασ.

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기