Herodotus, The Histories, book 6, chapter 111

(헤로도토스, The Histories, book 6, chapter 111)

ὡσ δὲ ἐσ ἐκεῖνον περιῆλθε, ἐνθαῦτα δὴ ἐτάσσοντο ὧδε οἱ Ἀθηναῖοι ὡσ συμβαλέοντεσ· τοῦ μὲν δεξιοῦ κέρεοσ ἡγέετο ὁ πολέμαρχοσ Καλλίμαχοσ· ὁ γὰρ νόμοσ τότε εἶχε οὕτω τοῖσι Ἀθηναίοισι, τὸν πολέμαρχον ἔχειν κέρασ τὸ δεξιόν· ἡγεομένου δὲ τούτου ἐξεδέκοντο ὡσ ἀριθμέοντο αἱ φυλαὶ ἐχόμεναι ἀλληλέων, τελευταῖοι δὲ ἐτάσσοντο ἔχοντεσ τὸ εὐώνυμον κέρασ Πλαταιέεσ. ἀπὸ ταύτησ γάρ σφι τῆσ μάχησ, Ἀθηναίων θυσίασ ἀναγόντων ἐσ τὰσ πανηγύριασ τὰσ ἐν τῇσι πεντετηρίσι γινομένασ, κατεύχεται ὁ κῆρυξ ὁ Ἀθηναῖοσ ἅμα τε Ἀθηναίοισι λέγων γίνεσθαι τὰ ἀγαθὰ καὶ Πλαταιεῦσι.

τότε δὲ τασσομένων τῶν Ἀθηναίων ἐν τῷ Μαραθῶνι ἐγίνετο τοιόνδε τι·

τὸ στρατόπεδον ἐξισούμενον τῷ Μηδικῷ στρατοπέδῳ, τὸ μὲν αὐτοῦ μέσον ἐγίνετο ἐπὶ τάξιασ ὀλίγασ, καὶ ταύτῃ ἦν ἀσθενέστατον τὸ στρατόπεδον, τὸ δὲ κέρασ ἑκάτερον ἔρρωτο πλήθεϊ.

상위

The Histories

목록

일치하는 문장이 없습니다.

SEARCH

MENU NAVIGATION