Herodotus, The Histories, book 6, chapter 100

(헤로도토스, The Histories, book 6, chapter 100)

Ἐρετριέεσ δὲ πυνθανόμενοι τὴν στρατιὴν τὴν Περσικὴν ἐπὶ σφέασ ἐπιπλέουσαν Ἀθηναίων ἐδεήθησαν σφίσι βοηθοὺσ γενέσθαι. Ἀθηναῖοι δὲ οὐκ ἀπείπαντο τὴν ἐπικουρίην, ἀλλὰ τοὺσ τετρακισχιλίουσ τοὺσ κληρουχέοντασ τῶν ἱπποβοτέων Χαλκιδέων τὴν χώρην, τούτουσ σφι διδοῦσι τιμωρούσ. τῶν δὲ Ἐρετριέων ἦν ἄρα οὐδὲν ὑγιὲσ βούλευμα, οἳ μετεπέμποντο μὲν Ἀθηναίουσ, ἐφρόνεον δὲ διφασίασ ἰδέασ. οἳ μὲν γὰρ αὐτῶν ἐβουλεύοντο ἐκλιπεῖν τὴν πόλιν ἐσ τὰ ἄκρα τῆσ Εὐβοίησ, ἄλλοι δὲ αὐτῶν ἴδια κέρδεα προσδεκόμενοι παρὰ τοῦ Πέρσεω οἴσεσθαι προδοσίην ἐσκευάζοντο.

μαθὼν δὲ τούτων ἑκάτερα ὡσ εἶχε Αἰσχίνησ ὁ Νόθωνοσ, ἐὼν τῶν Ἐρετριέων τὰ πρῶτα, φράξει τοῖσι ἥκουσι Ἀθηναίων πάντα τὰ παρεόντα σφι πρήγματα, προσεδέετό τε ἀπαλλάσσεσθαι σφέασ ἐσ τὴν σφετέρην, ἵνα μὴ προσαπόλωνται.

οἱ δὲ Ἀθηναῖοι ταῦτα Αἰσχίνῃ συμβουλεύσαντι πείθονται.

상위

The Histories

목록

일치하는 문장이 없습니다.

SEARCH

MENU NAVIGATION