헬라어 텍스트

Herodotus, The Histories, book 6, chapter 23

(헤로도토스, The Histories, book 6, chapter 23)

Σάμιοι γὰρ κομιζόμενοι ἐσ Σικελίην ἐγίνοντο ἐν Λοκροῖσι τοῖσι Ἐπιζεφυρίοισι, καὶ Ζαγκλαῖοι αὐτοί τε καὶ ὁ βασιλεὺσ αὐτῶν, τῷ οὔνομα ἦν Σκύθησ, περικατέατο πόλιν τῶν Σικελῶν ἐξελεῖν βουλόμενοι. μαθὼν δὲ ταῦτα ὁ Ῥηγίου τύραννοσ Ἀναξίλεωσ, τότε ἐὼν διάφοροσ τοῖσι Ζαγκλαίοισι, συμμίξασ τοῖσι Σαμίοισι ἀναπείθει ὡσ χρεὸν εἰή Καλὴν μὲν ἀκτήν, ἐπ’ ἣν ἔπλεον, ἐᾶν χαίρειν, τὴν δὲ Ζάγκλην σχεῖν ἐοῦσαν ἔρημον ἀνδρῶν.

πειθομένων δὲ τῶν Σαμίων καὶ σχόντων τὴν Ζάγκλην, ἐνθαῦτα οἱ Ζαγκλαῖοι, ὡσ ἐπύθοντο ἐχομένην τὴν πόλιν ἑωυτῶν, ἐβοήθεον αὐτῇ καὶ ἐπεκαλέοντο Ἱπποκράτεα τὸν Γέλησ τύραννον·

ἦν γὰρ δή σφι οὗτοσ σύμμαχοσ. ἐπείτε δὲ αὐτοῖσι καὶ ὁ Ἱπποκράτησ σὺν τῇ στρατιῇ ἧκε βοηθέων, Σκύθην μὲν τὸν μούναρχον τῶν Ζαγκλαίων ὡσ ἀποβαλόντα τὴν πόλιν ὁ Ἱπποκράτησ πεδήσασ καὶ τὸν ἀδελφεὸν αὐτοῦ Πυθογένεα ἐσ Ἴνυκα πόλιν ἀπέπεμψε, τοὺσ δὲ λοιποὺσ Ζαγκλαίουσ κοινολογησάμενοσ τοῖσι Σαμίοισι καὶ ὁρ́κουσ δοὺσ καὶ δεξάμενοσ προέδωκε.

μισθὸσ δέ οἱ ἦν εἰρημένοσ ὅδε ὑπὸ τῶν Σαμίων, πάντων τῶν ἐπίπλων καὶ ἀνδραπόδων τὰ ἡμίσεα μεταλαβεῖν τῶν ἐν τῇ πόλι, τὰ δ’ ἐπὶ τῶν ἀγρῶν πάντα Ἱπποκράτεα λαγχάνειν.

τοὺσ μὲν δὴ πλεῦνασ τῶν Ζαγκλαίων αὐτὸσ ἐν ἀνδραπόδων λόγῳ εἶχε δήσασ, τοὺσ δὲ κορυφαίουσ αὐτῶν τριηκοσίουσ ἔδωκε τοῖσι Σαμίοισι κατασφάξαι·

οὐ μέντοι οἵ γε Σάμιοι ἐποίησαν ταῦτα.