Herodotus, The Histories, book 6, chapter 139

(헤로도토스, The Histories, book 6, chapter 139)

ἀποκτείνασι δὲ τοῖσι Πελασγοῖσι τοὺσ σφετέρουσ παῖδάσ τε καὶ γυναῖκασ οὔτε γῆ καρπὸν ἔφερε οὔτε γυναῖκέσ τε καὶ ποῖμναι ὁμοίωσ ἔτικτον καὶ πρὸ τοῦ. πιεζόμενοι δὲ λιμῷ καὶ ἀπαιδίῃ ἐσ Δελφοὺσ ἔπεμπον λύσιν τινὰ αἰτησόμενοι τῶν παρεόντων κακῶν. ἡ δὲ Πυθίη σφέασ ἐκέλευε Ἀθηναίοισι δίκασ διδόναι ταύτασ τὰσ ἂν αὐτοὶ Ἀθηναῖοι δικάσωσι.

ἦλθόν τε δὴ ἐσ τὰσ Ἀθήνασ οἱ Πελασγοὶ καὶ δίκασ ἐπαγγέλλοντο βουλόμενοι διδόναι παντὸσ τοῦ ἀδικήματοσ. Ἀθηναῖοι δὲ ἐν τῷ πρυτανηίῳ κλίνην στρώσαντεσ ὡσ εἶχον κάλλιστα καὶ τράπεζαν ἐπιπλέην ἀγαθῶν πάντων παραθέντεσ, ἐκέλευον τοὺσ Πελασγοὺσ τὴν χώρην σφίσι παραδιδόναι οὕτω ἔχουσαν.

οἱ δὲ Πελασγοὶ ὑπολαβόντεσ εἶπαν "ἐπεὰν βορέῃ ἀνέμῳ αὐτημερὸν ἐξανύσῃ νηῦσ ἐκ τῆσ ὑμετέρησ ἐσ τὴν ἡμετέρην, τότε παραδώσομεν," ἐπιστάμενοι τοῦτο εἶναι ἀδύνατον γενέσθαι.

ἡ γὰρ Ἀττικὴ πρὸσ νότον κεῖται πολλὸν τῆσ Λήμνου.

상위

The Histories

목록

일치하는 문장이 없습니다.

SEARCH

MENU NAVIGATION