헬라어 텍스트

Herodotus, The Histories, book 6, chapter 108

(헤로도토스, The Histories, book 6, chapter 108)

Ἱππίησ μὲν δὴ ταύτῃ τὴν ὄψιν συνεβάλετο ἐξεληλυθέναι. Ἀθηναίοισι δὲ τεταγμένοισι ἐν τεμένεϊ Ἡρακλέοσ ἐπῆλθον βοηθέοντεσ Πλαταιέεσ πανδημεί. καὶ γὰρ καὶ ἐδεδώκεσαν σφέασ αὐτοὺσ τοῖσι Ἀθηναίοισι οἱ Πλαταιέεσ, καὶ πόνουσ ὑπὲρ αὐτῶν οἱ Ἀθηναῖοι συχνοὺσ ἤδη ἀναραιρέατο· ἔδοσαν δὲ ὧδε. πιεζεύμενοι ὑπὸ Θηβαίων οἱ Πλαταιέεσ ἐδίδοσαν πρῶτα παρατυχοῦσι Κλεομένεί̈ τε τῷ Ἀναξανδρίδεω καὶ Λακεδαιμονίοισι σφέασ αὐτούσ.

οἳ δὲ οὐ δεκόμενοι ἔλεγόν σφι τάδε. "ἡμεῖσ μὲν ἑκαστέρω τε οἰκέομεν, καὶ ὑμῖν τοιήδε τισ γίνοιτ’ ἂν ἐπικουρίη ψυχρή· φθαίητε γὰρ ἂν πολλάκισ ἐξανδραποδισθέντεσ ἤ τινα πυθέσθαι ἡμέων. συμβουλεύομεν δὲ ὑμῖν δοῦναι ὑμέασ αὐτοὺσ Ἀθηναίοισι, πλησιοχώροισι τε ἀνδράσι καὶ τιμωρέειν ἐοῦσι οὐ κακοῖσι.

" ταῦτα συνεβούλευον οἱ Λακεδαιμόνιοι οὐ κατὰ τὴν εὐνοίην οὕτω τῶν Πλαταιέων ὡσ βουλόμενοι τοὺσ Ἀθηναίουσ ἔχειν πόνουσ συνεστεῶτασ Βοιωτοῖσι. Λακεδαιμόνιοι μέν νυν Πλαταιεῦσι ταῦτα συνεβούλευον, οἳ δὲ οὐκ ἠπίστησαν, ἀλλ’ Ἀθηναίων ἱρὰ ποιεύντων τοῖσι δυώδεκα θεοῖσι ἱκέται ἱζόμενοι ἐπὶ τὸν βωμὸν ἐδίδοσαν σφέασ αὐτούσ.

Θηβαῖοι δὲ πυθόμενοι ταῦτα ἐστρατεύοντο ἐπὶ τοὺσ Πλαταιέασ, Ἀθηναῖοι δέ σφι ἐβοήθεον. μελλόντων δὲ συνάπτειν μάχην Κορίνθιοι οὐ περιεῖδον, παρατυχόντεσ δὲ καὶ καταλλάξαντεσ ἐπιτρεψάντων ἀμφοτέρων οὔρισαν τὴν χώρην ἐπὶ τοῖσιδε, ἐᾶν Θηβαίουσ Βοιωτῶν τοὺσ μὴ βουλομένουσ ἐσ Βοιωτοὺσ τελέειν.

Κορίνθιοι μὲν δὴ ταῦτα γνόντεσ ἀπαλλάσσοντο, Ἀθηναίοισι δὲ ἀπιοῦσι ἐπεθήκαντο Βοιωτοί, ἐπιθέμενοι δὲ ἑσσώθησαν τῇ μάχῃ. ὑπερβάντεσ δὲ οἱ Ἀθηναῖοι τοὺσ οἱ Κορίνθιοι ἔθηκαν Πλαταιεῦσι εἶναι οὔρουσ, τούτουσ ὑπερβάντεσ τὸν Ἀσωπὸν αὐτὸν ἐποιήσαντο οὖρον Θηβαίοισι πρὸσ Πλαταιέασ εἶναι καὶ Ὑσιάσ.

ἔδοσαν μὲν δὴ οἱ Πλαταιέεσ σφέασ αὐτοὺσ Ἀθηναίοισι τρόπῳ τῷ εἰρημένῳ, ἧκον δὲ τότε ἐσ Μαραθῶνα βοηθέοντεσ.