Herodotus, The Histories, book 6, chapter 112

(헤로도토스, The Histories, book 6, chapter 112)

ὡσ δέ σφι διετέτακτο καὶ τὰ σφάγια ἐγίνετο καλά, ἐνθαῦτα ὡσ ἀπείθησαν οἱ Ἀθηναῖοι δρόμῳ ἱέντο ἐσ τοὺσ βαρβάρουσ. ἦσαν δὲ στάδιοι οὐκ ἐλάσσονεσ τὸ μεταίχμιον αὐτῶν ἢ ὀκτώ. οἱ δὲ Πέρσαι ὁρέοντεσ δρόμῳ ἐπιόντασ παρεσκευάζοντο ὡσ δεξόμενοι, μανίην τε τοῖσι Ἀθηναίοισι ἐπέφερον καὶ πάγχυ ὀλεθρίην, ὁρέοντεσ αὐτοὺσ ὀλίγουσ καὶ τούτουσ δρόμῳ ἐπειγομένουσ, οὔτε ἵππου ὑπαρχούσησ σφι οὔτε τοξευμάτων.

ταῦτα μέν νυν οἱ βάρβαροι κατείκαζον·

Ἀθηναῖοι δὲ ἐπείτε ἀθρόοι προσέμιξαν τοῖσι βαρβάροισι, ἐμάχοντο ἀξίωσ λόγου. πρῶτοι μὲν γὰρ Ἑλλήνων πάντων τῶν ἡμεῖσ ἴδμεν δρόμῳ ἐσ πολεμίουσ ἐχρήσαντο, πρῶτοι δὲ ἀνέσχοντο ἐσθῆτά τε Μηδικὴν ὁρέοντεσ καὶ τοὺσ ἄνδρασ ταύτην ἐσθημένουσ· τέωσ δὲ ἦν τοῖσι Ἕλλησι καὶ τὸ οὔνομα τὸ Μήδων φόβοσ ἀκοῦσαι.

상위

The Histories

목록

일치하는 문장이 없습니다.

SEARCH

MENU NAVIGATION