Herodotus, The Histories, book 6, chapter 84

(헤로도토스, The Histories, book 6, chapter 84)

Ἀργεῖοι μέν νυν διὰ ταῦτα Κλεομένεα φασὶ μανέντα ἀπολέσθαι κακῶσ· αὐτοὶ δὲ Σπαρτιῆται φασὶ ἐκ δαιμονίου μὲν οὐδενὸσ μανῆναι Κλεομένεα, Σκύθῃσι δὲ ὁμιλήσαντά μιν ἀκρητοπότην γενέσθαι καὶ ἐκ τούτου μανῆναι. Σκύθασ γὰρ τοὺσ νομάδασ, ἐπείτε σφι Δαρεῖον ἐμβαλεῖν ἐσ τὴν χώρην, μετὰ ταῦτα μεμονέναι μιν τίσασθαι, πέμψαντασ δὲ ἐσ Σπάρτην συμμαχίην τε ποιέεσθαι καὶ συντίθεσθαι ὡσ χρεὸν εἰή αὐτοὺσ μὲν τοὺσ Σκύθασ παρὰ Φᾶσιν ποταμὸν πειρᾶν ἐσ τὴν Μηδικὴν ἐσβάλλειν, σφέασ δὲ τοὺσ Σπαρτιήτασ κελεύειν ἐξ Ἐφέσου ὁρμωμένουσ ἀναβαίνειν καὶ ἔπειτα ἐσ τὠυτὸ ἀπαντᾶν.

Κλεομένεα δὲ λέγουσι ἡκόντων τῶν Σκυθέων ἐπὶ ταῦτα ὁμιλέειν σφι μεζόνωσ, ὁμιλέοντα δὲ μᾶλλον τοῦ ἱκνεομένου μαθεῖν τὴν ἀκρητοποσίην παρ’ αὐτῶν·

ἐκ τούτου δὲ μανῆναί μιν νομίζουσι Σπαρτιῆται. ἔκ τε τόσου, ὡσ αὐτοὶ λέγουσι, ἐπεὰν ζωρότερον βούλωνται πιεῖν, Ἐπισκύθισον λέγουσι. οὕτω δὴ Σπαρτιῆται τὰ περὶ Κλεομένεα λέγουσι· ἐμοὶ δὲ δοκέει τίσιν ταύτην ὁ Κλεομένησ Δημαρήτῳ ἐκτῖσαι.

상위

The Histories

목록

일치하는 문장이 없습니다.

SEARCH

MENU NAVIGATION