헬라어 문장 검색 - ΗεροδόΤηεΗιστ́6́102́

(헤로도토스, The Histories, book 6, chapter 98)

Δᾶτισ μὲν δὴ ταῦτα ποιήσασ ἔπλεε ἅμα τῷ στρατῷ ἐπὶ τὴν Ἐρέτριαν πρῶτα, ἅμα ἀγόμενοσ καὶ Ιὤνασ καὶ Αἰολέασ. μετὰ δὲ τοῦτον ἐνθεῦτεν ἐξαναχθέντα Δῆλοσ ἐκινήθη, ὡσ ἔλεγον Δήλιοι, καὶ πρῶτα καὶ ὕστατα μέχρι ἐμεῦ σεισθεῖσα. καὶ τοῦτο μέν κου τέρασ ἀνθρώποισι τῶν μελλόντων ἔσεσθαι κακῶν ἔφαινε ὁ θεόσ. ἐπὶ γὰρ Δαρείου τοῦ Ὑστάσπεοσ καὶ Ξέρξεω τοῦ Δαρείου καὶ Ἀρτοξέρξεω τοῦ Ξέρξεω, τριῶν τουτέων ἐπεξῆσ γενεέων, ἐγένετο πλέω κακὰ τῇ Ἑλλάδι ἢ ἐπὶ εἴκοσι ἄλλασ γενεὰσ τὰσ πρὸ Δαρείου γενομένασ, τὰ μὲν ἀπὸ τῶν Περσέων αὐτῇ γενόμενα, τὰ δὲ ἀπ’ αὐτῶν τῶν κορυφαίων περὶ τῆσ ἀρχῆσ πολεμεόντων.

οὕτω οὐδὲν ἦν ἀεικὲσ κινηθῆναι Δῆλον τὸ πρὶν ἐοῦσαν ἀκίνητον.

καὶ ἐν χρησμῷ ἦν γεγραμμένον περὶ αὐτῆσ ὧδε. κινήσω καὶ Δῆλον ἀκίνητόν περ ἐοῦσαν. δύναται δὲ κατὰ Ἑλλάδα γλῶσσαν ταῦτα τὰ οὐνόματα, Δαρεῖοσ ἐρξίησ, Ξέρξησ ἀρήιοσ, Ἀρτοξέρξησ μέγασ ἀρήιοσ. τούτουσ μὲν δὴ τοὺσ βασιλέασ ὧδε ἂν ὀρθῶσ κατὰ γλῶσσαν τὴν σφετέρην Ἕλληνεσ καλέοιεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 6, chapter 98

(헤로도토스, The Histories, book 6, chapter 98)

상위

목록

SEARCH

MENU NAVIGATION