헬라어 텍스트

Herodotus, The Histories, book 6, chapter 86A

(헤로도토스, The Histories, book 6, chapter 86A)

οὐ φαμένων δὲ ἀποδώσειν τῶν Ἀθηναίων, ἔλεξέ σφι Λευτυχίδησ τάδε. "ὦ Ἀθηναῖοι, ποιέετε μὲν ὁκότερα βούλεσθε αὐτοί· καὶ γὰρ ἀποδιδόντεσ ποιέετε ὅσια, καὶ μὴ ἀποδιδόντεσ τὰ ἐναντία τούτων· ὁκοῖον μέντοι τι ἐν τῇ Σπάρτῃ συνηνείχθη γενέσθαι περὶ παρακαταθήκησ, βούλομαι ὑμῖν εἶπαι. λέγομεν ἡμεῖσ οἱ Σπαρτιῆται γενέσθαι ἐν τῇ Λακεδαίμονι κατὰ τρίτην γενεὴν τὴν ἀπ’ ἐμέο Γλαῦκον Ἐπικύδεοσ παῖδα·

τοῦτον τὸν ἄνδρα φαμὲν τά τε ἄλλα πάντα περιήκειν τὰ πρῶτα, καὶ δὴ καὶ ἀκούειν ἄριστα δικαιοσύνησ πέρι πάντων ὅσοι τὴν Λακεδαίμονα τοῦτον τὸν χρόνον οἴκεον. συνενειχθῆναι δέ οἱ ἐν χρόνῳ ἱκνευμένῳ τάδε λέγομεν.

ἄνδρα Μιλήσιον ἀπικόμενον ἐσ Σπάρτην βούλεσθαί οἱ ἐλθεῖν ἐσ λόγουσ προϊσχόμενον τοιάδε. εἰμὶ μὲν Μιλήσιοσ, ἥκω δὲ τῆσ σῆσ Γλαῦκε βουλόμενοσ δικαιοσύνησ ἀπολαῦσαι. ὡσ γὰρ δὴ ἀνὰ πᾶσαν μὲν τὴν ἄλλην Ἑλλάδα, ἐν δὲ καὶ περὶ Ιὠνίην τῆσ σῆσ δικαιοσύνησ ἦν λόγοσ πολλόσ, ἐμεωυτῷ λόγουσ ἐδίδουν καὶ ὅτι ἐπικίνδυνοσ ἐστὶ αἰεί κοτε ἡ Ιὠνίη, ἡ δὲ Πελοπόννησοσ ἀσφαλέωσ ἱδρυμένη, καὶ διότι χρήματα οὐδαμὰ τοὺσ αὐτούσ ἐστι ὁρᾶν ἔχοντασ.

ταῦτά τε ὦν ἐπιλεγομένῳ καὶ βουλευομένῳ ἔδοξέ μοι τὰ ἡμίσεα πάσησ τῆσ οὐσίησ ἐξαργυρώσαντα θέσθαι παρὰ σέ, εὖ ἐξεπισταμένῳ ὥσ μοι κείμενα ἔσται παρὰ σοὶ σόα.

σὺ δή μοι καὶ τὰ χρήματα δέξαι καὶ τάδε τὰ σύμβολα σῶζε λαβών· ὃσ δ’ ἂν ἔχων ταῦτα ἀπαιτέῃ, τούτῳ ἀποδοῦναι.