헬라어 문장 검색 - Διοδορ́Λιβραρψ́9́54́

(디오도로스 시켈로스, Library, book xvi, chapter 77)

ἐπ’ ἄρχοντοσ δ’ Ἀθήνησι Θεοφράστου Ῥωμαῖοι μὲν ὑπάτουσ κατέστησαν Μάρκον Οὐαλέριον καὶ Αὖλον Κορνήλιον, Ὀλυμπιὰσ δ’ ἤχθη δεκάτη πρὸσ ταῖσ ἑκατόν, καθ’ ἣν ἐνίκα στάδιον Ἀντικλῆσ Ἀθηναῖοσ. ἐπὶ δὲ τούτων Φιλίππου Βυζάντιον πολιορκοῦντοσ Ἀθηναῖοι μὲν ἔκριναν τὸν Φίλιππον λελυκέναι τὴν πρὸσ αὐτοὺσ συντεθεῖσαν εἰρήνην·

εὐθὺσ δὲ καὶ δύναμιν ναυτικὴν ἀξιόλογον ἐξέπεμψαν βοηθήσουσαν τοῖσ Βυζαντίοισ. ὁμοίωσ δὲ τούτοισ Χῖοι καὶ Κῷοι καὶ Ῥόδιοι καί τινεσ ἕτεροι τῶν Ἑλλήνων συμμαχίαν ἐξέπεμψαν τοῖσ Βυζαντίοισ. διόπερ ὁ Φίλιπποσ καταπλαγεὶσ τῇ συνδρομῇ τῶν Ἑλλήνων τήν τε πολιορκίαν τῶν πόλεων ἔλυσε καὶ πρὸσ Ἀθηναίουσ καὶ τοὺσ ἄλλουσ Ἕλληνασ τοὺσ ἐναντιουμένουσ συνέθετο τὴν εἰρήνην.

κατὰ δὲ τὴν Σικελίαν Καρχηδόνιοι μὲν μεγάλασ παρασκευὰσ εἰσ τὸν πόλεμον πεποιημένοι διεβίβασαν τὰσ δυνάμεισ εἰσ τὴν Σικελίαν.

εἶχον δὲ τοὺσ πάντασ σὺν τοῖσ προϋπάρχουσιν ἐν τῇ νήσῳ πεζοὺσ μὲν πλείουσ τῶν ἑπτακισμυρίων, ἱππεῖσ δὲ καὶ ἁρ́ματα καὶ συνωρίδασ οὐκ ἐλάττουσ τῶν μυρίων, ναῦσ δὲ μακρὰσ μὲν διακοσίασ, φορτηγοὺσ δὲ τὰσ τοὺσ ἵππουσ τε καὶ βέλη καὶ σῖτον καὶ τἄλλα κομιζούσασ πλείουσ τῶν χιλίων. Τιμολέων δὲ πυθόμενοσ τὸ μέγεθοσ τῆσ τῶν πολεμίων δυνάμεωσ οὐ κατεπλάγη τοὺσ βαρβάρουσ, καίπερ εἰσ ὀλίγουσ στρατιώτασ συνεσταλμένοσ.

ἔχων δὲ πόλεμον πρὸσ Ἱκέταν διελύσατο πρὸσ αὐτὸν καὶ προσλαβόμενοσ τοὺσ μετὰ τούτου στρατιώτασ οὐ μετρίωσ ηὔξησε τὴν ἰδίαν δύναμιν. ἔδοξε δ’ αὐτῷ τὸν πρὸσ τοὺσ Φοίνικασ ἀγῶνα συστήσασθαι κατὰ τὴν τῶν Καρχηδονίων ἐπικράτειαν, ὅπωσ τὴν μὲν τῶν συμμάχων χώραν ἀσινῆ διαφυλάξῃ, τὴν δ’ ὑπὸ τοὺσ βαρβάρουσ οὖσαν καταφθείρῃ.

εὐθὺσ οὖν τούσ τε μισθοφόρουσ καὶ Συρακοσίουσ καὶ τοὺσ ἄλλουσ συμμάχουσ ἀθροίσασ καὶ κοινὴν ἐκκλησίαν συναγαγὼν παρώρμησε τοῖσ οἰκείοισ λόγοισ τὰ πλήθη πρὸσ τὸν ὑπὲρ τῶν ὅλων ἀγῶνα·

πάντων δ’ ἀποδεξαμένων τοὺσ λόγουσ καὶ βοώντων ἄγειν τὴν ταχίστην ἐπὶ τοὺσ βαρβάρουσ προῆγεν ἔχων τοὺσ σύμπαντασ οὐ πλείουσ τῶν μυρίων καὶ δισχιλίων. ἤδη δ’ αὐτοῦ κατὰ τὴν Ἀκραγαντίνην ὄντοσ παραδόξωσ ἐνέπεσε τῇ στρατιᾷ ταραχὴ καὶ στάσισ.

τῶν γὰρ μισθοφόρων τισ ὄνομα Θρασίοσ, σεσυληκὼσ τὸ ἐν Δελφοῖσ ἱερὸν μετὰ τῶν Φωκέων, ἀπονοίᾳ δὲ καὶ θράσει διαφέρων, ἀκόλουθον τοῖσ πρότερον τετολμημένοισ πρᾶξιν ἐπετελέσατο. τῶν γὰρ ἄλλων σχεδὸν ἁπάντων τῶν μετασχόντων τῆσ εἰσ τὸ μαντεῖον παρανομίασ τετευχότων ὑπὸ τοῦ δαιμονίου τῆσ προσηκούσησ τιμωρίασ, καθάπερ μικρῷ πρότερον ἀνεγράψαμεν, μόνοσ οὗτοσ διαλεληθὼσ τὸ θεῖον ἐπεχείρησε τοὺσ μισθοφόρουσ παρορμᾶν πρὸσ ἀπόστασιν.

ἔφη γὰρ τὸν Τιμολέοντα παραφρονοῦντα πρὸσ ὁμολογουμένην ἀπώλειαν ἄγειν τοὺσ στρατιώτασ·

ἑξαπλασίουσ γὰρ ὄντασ τοὺσ Καρχηδονίουσ καὶ πάσαισ ταῖσ παρασκευαῖσ ἀνυπερβλήτουσ ὑπάρχοντασ ἐπαγγέλλεται νικήσειν, ἐναποκυβεύων ταῖσ τῶν μισθοφόρων ψυχαῖσ, οὐδὲ τοὺσ ὀφειλομένουσ μισθοὺσ πολλοῦ χρόνου διὰ τὴν ἀπορίαν ἀποδεδωκώσ. συνεβούλευεν οὖν ἀνακάμπτειν εἰσ τὰσ Συρακούσσασ καὶ τοὺσ μισθοὺσ ἀπαιτεῖν, ἐπὶ δὲ στρατείαν ἀπεγνωσμένην μὴ συνακολουθεῖν.

τῶν δὲ μισθοφόρων ἀσμένωσ τοὺσ λόγουσ δεχομένων καὶ νεωτερίζειν ἐπιχειρούντων μόγισ πολλὰ δεηθεὶσ αὐτῶν ὁ Τιμολέων καὶ δωρεὰσ ἐπαγγελλόμενοσ κατέπαυσε τὴν ταραχήν.

ὅμωσ δὲ τῷ Θρασίῳ χιλίων συνακολουθησάντων τὴν μὲν τούτων κόλασιν εἰσ ἕτερον ἀνεβάλετο καιρόν, γράψασ δὲ πρὸσ τοὺσ ἐν Συρακούσσαισ φίλουσ προσδέξασθαι αὐτοὺσ φιλοφρόνωσ καὶ τοὺσ μισθοὺσ ἀποδοῦναι τὴν μὲν ταραχὴν πᾶσαν εἰσ τέλοσ κατέσβεσε, τῶν δ’ ἀπειθησάντων ἀφείλατο τὴν ἐκ τῆσ νίκησ εὐδοξίαν. αὐτὸσ δὲ τοὺσ ἄλλουσ ταῖσ φιλανθρώποισ ἐντεύξεσιν εἰσ τὴν προϋπάρχουσαν εὔνοιαν ἀποκαταστήσασ προῆγεν ἐπὶ τοὺσ πολεμίουσ οὐ μακρὰν στρατοπεδεύοντασ.

συναγαγὼν δ’ εἰσ τὴν ἐκκλησίαν τοὺσ στρατιώτασ καὶ διὰ τῶν λόγων θάρσοσ παραστήσασ τοῖσ πλήθεσι διῆλθε μὲν τὴν τῶν Φοινίκων ἀνανδρίαν, ὑπέμνησε δὲ τῆσ Γέλωνοσ εὐημερίασ. πάντων δὲ καθάπερ τινὶ μιᾷ φωνῇ βοώντων ἐπιθέσθαι τοῖσ βαρβάροισ καὶ κατάρχεσθαι τῆσ μάχησ, κατὰ τύχην ὑποζυγίων σέλινα κομιζόντων εἰσ τὰσ στιβάδασ ὁ Τιμολέων ἔφη δέχεσθαι τὸν οἰωνὸν τῆσ νίκησ·

τὸν γὰρ Ἰσθμιακὸν στέφανον ἐκ σελίνου συνίστασθαι. οἱ δὲ στρατιῶται παραγγείλαντοσ τοῦ Τιμολέοντοσ ἐκ τῶν σελίνων πλέξαντεσ στεφάνουσ καὶ ταῖσ κεφαλαῖσ περιθέντεσ προῆγον μετὰ χαρᾶσ, ὡσ τῶν θεῶν προσημαινόντων αὐτοῖσ τὴν νίκην·

ὅπερ καὶ συνέβη γενέσθαι· περιεγένοντο γὰρ ἀνελπίστωσ τῶν πολεμίων οὐ μόνον διὰ τὰσ ἰδίασ ἀνδραγαθίασ, ἀλλὰ καὶ διὰ τὴν τῶν θεῶν συνεργίαν.

ὁ μὲν γὰρ Τιμολέων ἐκτάξασ τὴν δύναμιν κατέβαινεν ἀπό τινων λόφων ἐπὶ τὸν Κρίμισον ποταμὸν καὶ μυρίων ἤδη διαβεβηκότων ἐξ ἐφόδου τούτοισ ἐπέρραξε, τεταγμένοσ αὐτὸσ ἐπὶ μέσησ τῆσ φάλαγγοσ. γενομένησ δὲ μάχησ καρτερᾶσ καὶ τῶν Ἑλλήνων ὑπερεχόντων ταῖσ τε ἀρεταῖσ καὶ ταῖσ εὐχειρίαισ πολὺσ ἐγίνετο φόνοσ τῶν βαρβάρων.

ἤδη δὲ φευγόντων τῶν διαβεβηκότων ἡ πᾶσα δύναμισ τῶν Καρχηδονίων περαιωθεῖσα τὸ ῥεῖθρον διωρθώσατο τὴν τῶν ἰδίων ἧτταν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xvi, chapter 77

(디오도로스 시켈로스, Library, book xvi, chapter 77)

상위

목록

SEARCH

MENU NAVIGATION