헬라어 문장 검색 - Διοδορ́Λιβραρψ́9́27́

(디오도로스 시켈로스, Library, book xvi, chapter 35)

μετὰ δὲ ταῦθ’ ὁ Φίλιπποσ ὑπὸ Θετταλῶν μετακληθεὶσ ἧκεν εἰσ Θετταλίαν μετὰ τῆσ δυνάμεωσ, καὶ τὸ μὲν πρῶτον πρὸσ Λυκόφρονα τὸν Φερῶν τύραννον διεπολέμει βοηθῶν τοῖσ Θετταλοῖσ· μετὰ δὲ ταῦτα τοῦ Λυκόφρονοσ μεταπεμψαμένου παρὰ τῶν Φωκέων συμμαχίαν ἀπεστάλη Φάυλλοσ ὁ ἀδελφὸσ Ὀνομάρχου μετὰ στρατιωτῶν ἑπτακισχιλίων. ὁ δὲ Φίλιπποσ τοὺσ Φωκεῖσ νικήσασ ἐξέβαλεν ἐκ τῆσ Θετταλίασ. Ὀνόμαρχοσ δ’ ἀναλαβὼν πᾶσαν τὴν δύναμιν καὶ νομίζων ὅλησ τῆσ Θετταλίασ κυριεύσειν ἧκεν ἐν τάχει βοηθήσων τοῖσ περὶ τὸν Λυκόφρονα.

τοῦ δὲ Φιλίππου μετὰ τῶν Θετταλῶν ἀντιπαραταξαμένου τοῖσ Φωκεῦσιν Ὀνόμαρχοσ ὑπερέχων τοῖσ πλήθεσι δυσὶ μάχαισ ἐνίκησε καὶ πολλοὺσ τῶν Μακεδόνων ἀνεῖλεν. Φίλιπποσ δ’ εἰσ τοὺσ ἐσχάτουσ κινδύνουσ περικλεισθεὶσ καὶ τῶν στρατιωτῶν διὰ τὴν ἀθυμίαν καταλιπόντων αὐτὸν παραθαρσύνασ τὸ πλῆθοσ μόγισ ἐποίησεν αὐτοὺσ εὐπειθεῖσ. μετὰ δὲ ταῦτα ὁ Φίλιπποσ μὲν ἀνεχώρησεν εἰσ Μακεδονίαν, Ὀνόμαρχοσ δὲ στρατεύσασ εἰσ Βοιωτίαν ἐνίκησε μάχῃ τοὺσ Βοιωτοὺσ καὶ πόλιν εἷλε Κορώνειαν.

κατὰ δὲ τὴν Θετταλίαν Φίλιπποσ μὲν ἐκ τῆσ Μακεδονίασ μετὰ τῆσ δυνάμεωσ ἄρτι κατηντηκὼσ ἐστράτευσεν ἐπὶ Λυκόφρονα τὸν Φερῶν τύραννον. οὗτοσ δ’ οὐκ ὢν ἀξιόμαχοσ μετεπέμψατο συμμαχίαν παρὰ Φωκέων, ἐπαγγελλόμενοσ συγκατασκευάσειν αὐτοῖσ τὰ κατὰ τὴν Θετταλίαν.

διόπερ Ὀνομάρχου σπουδῇ βοηθήσαντοσ μετὰ πεζῶν δισμυρίων καὶ πεντακοσίων ἱππέων ὁ μὲν Φίλιπποσ πείσασ τοὺσ Θετταλοὺσ κοινῇ τὸν πόλεμον ἄρασθαι συνήγαγε τοὺσ πάντασ πεζοὺσ μὲν ὑπὲρ τοὺσ δισμυρίουσ, ἱππεῖσ δὲ τρισχιλίουσ. γενομένησ δὲ παρατάξεωσ ἰσχυρᾶσ καὶ τῶν Θετταλῶν ἱππέων τῷ πλήθει καὶ ταῖσ ἀρεταῖσ διαφερόντων ἐνίκησεν ὁ Φίλιπποσ.

τῶν δὲ περὶ τὸν Ὀνόμαρχον καταφυγόντων εἰσ τὴν θάλατταν καὶ τυχικῶσ παραπλέοντοσ τοῦ Ἀθηναίου Χάρητοσ μετὰ πολλῶν τριήρων πολὺσ ἐγένετο φόνοσ τῶν Φωκέων· οἱ γὰρ φεύγοντεσ ῥίψαντεσ τὰσ πανοπλίασ διενήχοντο πρὸσ τὰσ τριήρεισ, ἐν οἷσ ἦν καὶ αὐτὸσ Ὀνόμαρχοσ. τέλοσ δὲ τῶν Φωκέων καὶ μισθοφόρων ἀνῃρέθησαν μὲν ὑπὲρ τοὺσ ἑξακισχιλίουσ, ἐν οἷσ ἦν καὶ αὐτὸσ ὁ στρατηγόσ, ἥλωσαν δὲ οὐκ ἐλάττουσ τῶν τρισχιλίων.

ὁ δὲ Φίλιπποσ τὸν μὲν Ὀνόμαρχον ἐκρέμασε, τοὺσ δ’ ἄλλουσ ὡσ ἱεροσύλουσ κατεπόντισεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xvi, chapter 35

(디오도로스 시켈로스, Library, book xvi, chapter 35)

상위

목록

SEARCH

MENU NAVIGATION