헬라어 문장 검색 - Διοδορ́Λιβραρψ́9́21́

(디오도로스 시켈로스, Library, book xvi, chapter 26)

ἐπεὶ δὲ τοῦ τρίποδοσ ἐμνήσθην, οὐκ ἄκαιρον προσαναλαβεῖν ἡγοῦμαι τὴν παλαιὰν περὶ αὐτοῦ παραδεδομένην ἱστορίαν. λέγεται γὰρ τὸ παλαιὸν αἶγασ εὑρεῖν τὸ μαντεῖον· οὗ χάριν αἰξὶ μάλιστα χρηστηριάζονται μέχρι τοῦ νῦν οἱ Δελφοί. τὸν δὲ τρόπον τῆσ εὑρέσεωσ γενέσθαι φασὶ τοιοῦτον.

ὄντοσ χάσματοσ ἐν τούτῳ τῷ τόπῳ, καθ’ ὅν ἐστι νῦν τοῦ ἱεροῦ τὸ καλούμενον ἄδυτον, καὶ περὶ τοῦτο νενομένων αἰγῶν διὰ τὸ μήπω κατοικεῖσθαι τοὺσ Δελφοὺσ αἰεὶ τὴν προσιοῦσαν τῷ χάσματι καὶ προσβλέψασαν αὐτῷ σκιρτᾶν θαυμαστῶσ καὶ προί̈εσθαι φωνὴν διάφορον ἢ πρότερον εἰώθει φθέγγεσθαι. τὸν δ’ ἐπιστατοῦντα ταῖσ αἰξὶ θαυμάσαι τὸ παράδοξον καὶ προσελθόντα τῷ χάσματι καὶ κατιδόντα οἱο͂́νπερ ἦν ταὐτὸ παθεῖν ταῖσ αἰξίν·

ἐκείνασ τε γὰρ ὅμοια ποιεῖν τοῖσ ἐνθουσιάζουσι καὶ τοῦτον προλέγειν τὰ μέλλοντα γίνεσθαι. μετὰ δὲ ταῦτα τῆσ φήμησ παρὰ τοῖσ ἐγχωρίοισ διαδοθείσησ περὶ τοῦ πάθουσ τῶν προσιόντων τῷ χάσματι πλείουσ ἀπαντᾶν ἐπὶ τὸν τόπον· διὰ δὲ τὸ παράδοξον πάντων ἀποπειρωμένων τοὺσ αἰεὶ πλησιάζοντασ ἐνθουσιάζειν. δι’ ἃσ αἰτίασ θαυμαστωθῆναί τε τὸ μαντεῖον καὶ νομισθῆναι τῆσ Γῆσ εἶναι τὸ χρηστήριον. καὶ χρόνον μέν τινα τοὺσ βουλομένουσ μαντεύεσθαι προσιόντασ τῷ χάσματι ποιεῖσθαι τὰσ μαντείασ ἀλλήλοισ·

μετὰ δὲ ταῦτα πολλῶν καθαλλομένων εἰσ τὸ χάσμα διὰ τὸν ἐνθουσιασμὸν καὶ πάντων ἀφανιζομένων δόξαι τοῖσ κατοικοῦσι περὶ τὸν τόπον, ἵνα μηδεὶσ κινδυνεύῃ, προφῆτίν τε μίαν πᾶσι καταστῆσαι γυναῖκα καὶ διὰ ταύτησ γίνεσθαι τὴν χρησμολογίαν. ταύτῃ δὲ κατασκευασθῆναι μηχανὴν, ἐφ’ ἣν ἀναβαίνουσαν ἀσφαλῶσ ἐνθουσιάζειν καὶ μαντεύεσθαι τοῖσ βουλομένοισ. εἶναι δὲ τὴν μηχανὴν τρεῖσ ἔχουσαν βάσεισ, ἀφ’ ὧν αὐτὴν τρίποδα κληθῆναι·

σχεδὸν δὲ πάντασ τούτου τοῦ κατασκευάσματοσ ἀπομιμήματα γίνεσθαι τοὺσ ἔτι καὶ νῦν κατασκευαζομένουσ χαλκοῦσ τρίποδασ. ὃν μὲν οὖν τρόπον εὑρέθη τὸ μαντεῖον καὶ δι’ ἃσ αἰτίασ ὁ τρίπουσ κατεσκευάσθη ἱκανῶσ εἰρῆσθαι νομίζω. θεσπιῳδεῖν δὲ τὸ ἀρχαῖον λέγεται παρθένουσ διά τε τὸ τῆσ φύσεωσ ἀδιάφθορον καὶ τὸ τῆσ Ἀρτέμιδοσ ὁμογενέσ·

ταύτασ γὰρ εὐθετεῖν πρὸσ τὸ τηρεῖν τὰ ἀπόρρητα τῶν χρησμῳδουμένων. ἐν δὲ τοῖσ νεωτέροισ χρόνοισ φασὶν Ἐχεκράτη τὸν Θετταλὸν παραγενόμενον εἰσ τὸ χρηστήριον καὶ θεασάμενον τὴν χρησμολογοῦσαν παρθένον ἐρασθῆναι διὰ τὸ κάλλοσ αὐτῆσ καὶ συναρπάσαντα βιάσασθαι· τοὺσ δὲ Δελφοὺσ διὰ τὸ γεγενημένον πάθοσ εἰσ τὸ λοιπὸν νομοθετῆσαι μηκέτι παρθένον χρηστηριάζειν, ἀλλὰ γυναῖκα πρεσβυτέραν πεντήκοντα ἐτῶν χρησμολογεῖν· κοσμεῖσθαι δ’ αὐτὴν παρθενικῇ σκευῇ, καθάπερ ὑπομνήματι τῆσ παλαιᾶσ προφήτιδοσ. τὰ μὲν οὖν περὶ τῆσ εὑρέσεωσ τοῦ μαντείου μυθολογούμενα τοιαῦτ’ ἐστίν· ἡμεῖσ δ’ ἐπανήξομεν ἐπὶ τὰσ Φιλομήλου πράξεισ. οὗτοσ γὰρ κρατῶν τοῦ μαντείου προσέταττε τῇ Πυθίᾳ τὴν μαντείαν ἀπὸ τοῦ τρίποδοσ ποιεῖσθαι κατὰ τὰ πάτρια.

ἀποκριναμένησ δ’ αὐτῆσ ὅτι τοιαῦτα οὐκ ἔστι τὰ πάτρια διηπειλήσατο καὶ συνηνάγκασε τὴν ἀνάβασιν ποιεῖσθαι ἐπὶ τὸν τρίποδα. ἀποφθεγξαμένησ δ’ αὐτῆσ πρὸσ τὴν ὑπεροχὴν τοῦ βιαζομένου ὅτι ἔξεστιν αὐτῷ πράττειν ὃ βούλεται ἀσμένωσ τὸ ῥηθὲν ἐδέξατο καὶ τὸν προσήκοντα χρησμὸν ἔχειν ἀπεφαίνετο. εὐθὺσ δὲ καὶ τὸν χρησμὸν ἔγγραφον ποιήσασ καὶ προθεὶσ εἰσ τοὐμφανὲσ ἅπασιν ἐποίησε φανερὸν ὅτι ὁ θεὸσ αὐτῷ δίδωσιν ἐξουσίαν πράττειν ὅ, τι βούλεται. συναγαγὼν δ’ ἐκκλησίαν καὶ τὴν μαντείαν τοῖσ πλήθεσι δηλώσασ καὶ παρακαλέσασ θαρρεῖν ἐτρέπετο πρὸσ τὰσ τοῦ πολέμου πράξεισ.

ἐγένετο δ’ αὐτῷ καὶ σημεῖον ἐν τῷ ἱερῷ τοῦ Ἀπόλλωνοσ· ἀετὸσ γὰρ ὑπερπετώμενοσ τὸν ναὸν τοῦ θεοῦ καὶ συγκυλισθεὶσ ἐπὶ τὴν γῆν τὰσ τρεφομένασ ἐν τῷ ἱερῷ περιστερὰσ ἐθήρευεν, ὧν ἐνίασ ἀπ’ αὐτῶν ἡρ́παζε τῶν βωμῶν. τὸ δὲ σημεῖον ἔφασαν οἱ περὶ ταῦτ’ ἀσχολούμενοι σημαίνειν τῷ Φιλομήλῳ καὶ τοῖσ Φωκεῦσι κρατήσειν τῶν περὶ Δελφοὺσ πραγμάτων. ἐπαρθεὶσ οὖν ἐπὶ τούτοισ ἐπέλεξε τῶν φίλων τοὺσ εὐθετωτάτουσ εἰσ τὰσ πρεσβείασ καὶ τούτων τοὺσ μὲν εἰσ τὰσ Ἀθήνασ, τοὺσ δ’ εἰσ Λακεδαίμονα, τοὺσ δ’ εἰσ τὰσ Θήβασ ἐξέπεμψεν·

ὁμοίωσ δὲ καὶ πρὸσ τὰσ ἄλλασ τὰσ ἐπισημοτάτασ τῶν κατὰ τὴν Ἑλλάδα πόλεων ἀπέστειλεν, ἀπολογούμενοσ ὅτι κατείληπται τοὺσ Δελφοὺσ οὐ τοῖσ ἱεροῖσ χρήμασιν ἐπιβουλεύων, ἀλλὰ τῆσ τοῦ ἱεροῦ προστασίασ ἀμφισβητῶν· εἶναι γὰρ Φωκέων αὐτὴν ἰδίαν ἐν τοῖσ παλαιοῖσ χρόνοισ ἀποδεδειγμένην. τῶν δὲ χρημάτων τὸν λόγον ἔφη πᾶσι τοῖσ Ἕλλησιν ἀποδώσειν καὶ τόν τε σταθμὸν καὶ τὸν ἀριθμὸν τῶν ἀναθημάτων ἕτοιμοσ εἶναι παραδοῦναι τοῖσ βουλομένοισ ἐξετάζειν.

ἠξίου δέ, ἄν τισ δι’ ἔχθραν ἢ φθόνον πολεμῇ Φωκεῦσι, μάλιστα μὲν συμμαχεῖν, εἰ δὲ μή γε, τὴν ἡσυχίαν ἄγειν. τῶν δὲ πρέσβεων τὸ προσταχθὲν πραξάντων Ἀθηναῖοι μὲν καὶ Λακεδαιμόνιοι καί τινεσ ἄλλοι συμμαχίαν πρὸσ αὐτὸν συνέθεντο καὶ βοηθήσειν ἐπηγγείλαντο, Βοιωτοὶ δὲ καὶ Λοκροὶ καί τινεσ ἕτεροι τἀναντία τούτοισ ἐψηφίσαντο καὶ τὸν πόλεμον ὑπὲρ τοῦ θεοῦ πρὸσ τοὺσ Φωκεῖσ ἐπανείλαντο.

ταῦτα μὲν οὖν ἐπράχθη κατὰ τοῦτον τὸν ἐνιαυτόν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xvi, chapter 26

(디오도로스 시켈로스, Library, book xvi, chapter 26)

상위

목록

SEARCH

MENU NAVIGATION