헬라어 문장 검색 - Διοδορ́Λιβραρψ́5́50́

(디오도로스 시켈로스, Library, book xii, chapter 83)

Λεοντίνων γὰρ ὑπὸ Συρακοσίων ἐκ τῆσ πόλεωσ μετῳκισμένων καὶ τὴν πόλιν καὶ τὴν χώραν ἀποβεβληκότων, οἱ φυγάδεσ αὐτῶν συστραφέντεσ ἔκριναν πάλιν τοὺσ Ἀθηναίουσ προσλαβέσθαι συμμάχουσ, ὄντασ συγγενεῖσ. περὶ δὲ τούτων κοινολογησάμενοι τοῖσ Ἐγεσταίοισ συνεφρόνησαν καὶ κοινῇ πρέσβεισ ἐξέπεμψαν πρὸσ Ἀθηναίουσ, ἀξιοῦντεσ μὲν βοηθῆσαι ταῖσ πόλεσιν αὐτῶν ἀδικουμέναισ, ἐπαγγειλάμενοι δὲ συγκατασκευάσειν αὐτοῖσ τὰ κατὰ τὴν Σικελίαν πράγματα.

παραγενομένων οὖν εἰσ τὰσ Ἀθήνασ τῶν πρέσβεων, καὶ τῶν μὲν Λεοντίνων τὴν συγγένειαν προφερομένων καὶ τὴν προϋπάρχουσαν συμμαχίαν, τῶν δ’ Ἐγεσταίων ἐπαγγελλομένων χρημάτων τε πλῆθοσ δώσειν εἰσ τὸν πόλεμον καὶ συμμαχήσειν κατὰ τῶν Συρακοσίων, ἔδοξε τοῖσ Ἀθηναίοισ ἐκπέμψαι τινὰσ τῶν ἀρίστων ἀνδρῶν καὶ διασκέψασθαι τὰ κατὰ τὴν νῆσον καὶ τοὺσ Ἐγεσταίουσ.

παραγενομένων οὖν τούτων εἰσ τὴν Ἔγεσταν, οἱ μὲν Ἐγεσταῖοι χρημάτων πλῆθοσ ἐπέδειξαν, τὰ μὲν οἴκοθεν,τὰ δὲ παρὰ τῶν ἀστυγειτόνων χρησάμενοι φαντασίασ ἕνεκεν.

ἀνελθόντων δὲ τῶν πρέσβεων καὶ τὴν εὐπορίαν τῶν Ἐγεσταίων ἀπαγγειλάντων, συνῆλθεν ὁ δῆμοσ περὶ τούτων.

προτεθείσησ δὲ τῆσ βουλῆσ περὶ τοῦ στρατεύειν ἐπὶ Σικελίαν, Νικίασ μὲν ὁ Νικηράτου, θαυμαζόμενοσ ἐπ’ ἀρετῇ παρὰ τοῖσ πολίταισ, συνεβούλευε μὴ στρατεύειν ἐπὶ Σικελίαν· μὴ γὰρ δυνατὸν ὑπάρχειν ἅμα τε Λακεδαιμονίοισ διαπολεμεῖν καὶ δυνάμεισ μεγάλασ ἐκπέμπειν διαποντίουσ, καὶ τῶν Ἑλλήνων μὴ δυναμένουσ κτήσασθαι τὴν ἡγεμονίαν ἐλπίζειν τὴν μεγίστην τῶν κατὰ τὴν οἰκουμένην νήσων περιποιήσασθαι, καὶ Καρχηδονίουσ μέν, ἔχοντασ μεγίστην ἡγεμονίαν καὶ πολλάκισ ὑπὲρ τῆσ Σικελίασ πεπολεμηκότασ, μὴ δεδυνῆσθαι κρατῆσαι τῆσ νήσου, τοὺσ δὲ Ἀθηναίουσ, πολὺ λειπομένουσ τῇ δυνάμει τῶν Καρχηδονίων, δορίκτητον ποιήσασθαι τὴν κρατίστην τῶν νήσων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xii, chapter 83

(디오도로스 시켈로스, Library, book xii, chapter 83)

상위

목록

SEARCH

MENU NAVIGATION