헬라어 문장 검색 - Διοδορ́Λιβραρψ́5́44́

(디오도로스 시켈로스, Library, book xii, chapter 75)

ἐπ’ ἄρχοντοσ δ’ Ἀθήνησιν Ἀριστίωνοσ Ῥωμαῖοι κατέστησαν ὑπάτουσ Τίτον Κοί̈ντιον καὶ Αὖλον Κορνήλιον Κόσσον. ἐπὶ δὲ τούτων ἄρτι τοῦ πολέμου τοῦ Πελοποννησιακοῦ καταλελυμένου πάλιν ταραχαὶ καὶ κινήσεισ πολεμικαὶ συνέβησαν κατὰ τὴν Ἑλλάδα διὰ τοιαύτασ τινὰσ αἰτίασ. Ἀθηναῖοι καὶ Λακεδαιμόνιοι κοινῇ μετὰ τῶν συμμάχων πεποιημένοι σπονδὰσ καὶ διαλύσεισ, χωρὶσ τῶν συμμαχίδων πόλεων συνέθεντο συμμαχίαν.

τοῦτο δὲ πράξαντεσ εἰσ ὑπόνοιαν ἦλθον ὡσ ἐπὶ καταδουλώσει τῶν ἄλλων Ἑλλήνων ἰδίᾳ πεποιημένοι συμμαχίαν. διόπερ αἱ μέγισται τῶν πόλεων διεπρεσβεύοντο πρὸσ ἀλλήλασ καὶ συνδιελέγοντο περὶ ὁμονοίασ καὶ συμμαχίασ κατὰ τῶν Ἀθηναίων καὶ Λακεδαιμονίων.

ἦσαν δὲ προεστῶσαι πόλεισ ταύτησ αἱ δυνατώταται τέτταρεσ, Ἄργοσ, Θῆβαι, Κόρινθοσ, Ἦλισ. εὐλόγωσ δ’ ὑπωπτεύθησαν αἱ πόλεισ συμφρονεῖν κατὰ τῆσ Ἑλλάδοσ διὰ τὸ προσγεγράφθαι ταῖσ κοιναῖσ συνθήκαισ·

ἐξεῖναι Ἀθηναίοισ καὶ Λακεδαιμονίοισ, ὅπερ ἂν δοκῇ ταύταισ ταῖσ πόλεσι, προσγράφειν ταῖσ συνθήκαισ καὶ ἀφαιρεῖν ἀπὸ τῶν συνθηκῶν. χωρὶσ δὲ τούτων Ἀθηναῖοι μὲν διὰ ψηφίσματοσ ἔδωκαν δέκα ἀνδράσιν ἐξουσίαν ἔχειν βουλεύεσθαι περὶ τῶν τῇ πόλει συμφερόντων· τὸ παραπλήσιον δὲ καὶ τῶν Λακεδαιμονίων πεποιηκότων φανερὰν συνέβη γενέσθαι τῶν δύο πόλεων τὴν πλεονεξίαν. πολλῶν δὲ πόλεων ὑπακουουσῶν πρὸσ τὴν κοινὴν ἐλευθερίαν, καὶ τῶν μὲν Ἀθηναίων καταφρονουμένων διὰ τὴν περὶ τὸ Δήλιον συμφοράν, τῶν δὲ Λακεδαιμονίων τεταπεινωμένων τῇ δόξῃ διὰ τὴν ἅλωσιν τῶν ἐν τῇ Σφακτηρίᾳ νήσῳ, πολλαὶ πόλεισ συνίσταντο, καὶ προῆγον τὴν τῶν Ἀργείων πόλιν ἐπὶ τὴν ἡγεμονίαν.

εἶ́χε γὰρ ἡ πόλισ αὕτη μέγα ἀξίωμα διὰ τὰσ παλαιὰσ πράξεισ·

πρὸ γὰρ τῆσ Ἡρακλειδῶν κατηλύσεωσ ἐκ τῆσ Ἀργείασ ὑπῆρξαν σχεδὸν ἅπαντεσ οἱ μέγιστοι τῶν βασιλέων· πρὸσ δὲ τούτοισ πολὺν χρόνον εἰρήνην ἔχουσα προσόδουσ μεγίστασ ἐλάμβανε, καὶ πλῆθοσ οὐ μόνον χρημάτων εἶχεν, ἀλλὰ καὶ ἀνδρῶν. οἱ δ’ Ἀργεῖοι νομίζοντεσ αὑτοῖσ συγχωρηθήσεσθαι τὴν ὅλην ἡγεμονίαν, ἐπέλεξαν τῶν πολιτῶν χιλίουσ τοὺσ νεωτέρουσ καὶ μάλιστα τοῖσ τε σώμασιν ἰσχύοντασ καὶ ταῖσ οὐσίαισ·

ἀπολύσαντεσ δὲ αὐτοὺσ καὶ τῆσ ἄλλησ λειτουργίασ καὶ τροφὰσ δημοσίασ χορηγοῦντεσ προσέταξαν γυμνάζεσθαι συνεχεῖσ μελέτασ. οὗτοι μὲν οὖν διὰ τὴν χορηγίαν καὶ τὴν συνεχῆ μελέτην ταχὺ τῶν πολεμικῶν ἔργων ἀθληταὶ κατεστάθησαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xii, chapter 75

(디오도로스 시켈로스, Library, book xii, chapter 75)

상위

목록

SEARCH

MENU NAVIGATION