헬라어 문장 검색 - Διοδορ́Λιβραρψ́5́41́

(디오도로스 시켈로스, Library, book xii, chapter 67)

Βρασίδασ δὲ δύναμιν ἱκανὴν ἀναλαβὼν ἔκ τε Λακεδαίμονοσ καὶ παρὰ τῶν ἄλλων Πελοποννησίων ἀνέζευξεν ἐπὶ Μέγαρα. καταπληξάμενοσ δὲ τοὺσ Ἀθηναίουσ, τούτουσ μὲν ἐξέβαλεν ἐκ τῆσ Νισαίασ, τὴν δὲ πόλιν τῶν Μεγαρέων ἐλευθερώσασ ἀποκατέστησεν εἰσ τὴν τῶν Λακεδαιμονίων συμμαχίαν· αὐτὸσ δὲ μετὰ τῆσ δυνάμεωσ διὰ Θετταλίασ τὴν πορείαν ποιησάμενοσ ἧκεν εἰσ Δῖον τῆσ Μακεδονίασ. ἐκεῖθεν δὲ παρελθὼν εἰσ Ἄκανθον συνεμάχησε τοῖσ Χαλκιδεῦσι.

καὶ πρώτην μὲν τὴν Ἀκανθίων πόλιν τὰ μὲν καταπληξάμενοσ, τὰ δὲ καὶ λόγοισ φιλανθρώποισ πείσασ ἐποίησεν ἀποστῆναι τῶν Ἀθηναίων· ἔπειτα πολλοὺσ καὶ τῶν ἄλλων τῶν ἐπὶ Θρᾴκησ κατοικούντων προετρέψατο κοινωνεῖν τῆσ τῶν Λακεδαιμονίων συμμαχίασ. μετὰ δὲ ταῦτα Βρασίδασ βουλόμενοσ ἐνεργότερον ἅψασθαι τοῦ πολέμου, μετεπέμπετο στρατιώτασ ἐκ τῆσ Λακεδαίμονοσ, σπεύδων ἀξιόλογον συστήσασθαι δύναμιν·

οἱ δὲ Σπαρτιᾶται βουλόμενοι τῶν Εἱλώτων τοὺσ κρατίστουσ ἀπολέσθαι, πέμπουσιν ἐξ αὐτῶν τοὺσ μάλιστα πεφρονηματισμένουσ χιλίουσ, νομίζοντεσ ἐν ταῖσ μάχαισ τοὺσ πλείστουσ αὐτῶν κατακοπήσεσθαι. ἔπραξαν δέ τι καὶ ἄλλο βίαιον καὶ ὠμόν, δι’ οὗ ταπεινώσειν ὑπελάμβανον τοὺσ Εἵλωτασ·

ἐκήρυξαν γὰρ ἀπογράφεσθαι τῶν Εἱλώτων τοὺσ ἀγαθόν τι πεποιηκότασ τῇ Σπάρτῃ, καὶ τούτουσ κρίναντεσ ἐλευθερώσειν ἐπηγγείλαντο· ἀπογραψαμένων δὲ δισχιλίων, τούτουσ μὲν προσέταξαν τοῖσ κρατίστοισ ἀποκτεῖναι κατ’ οἶκον ἑκάστου. σφόδρα γὰρ εὐλαβοῦντο μήποτε καιροῦ δραξάμενοι καὶ μετὰ τῶν πολεμίων ταχθέντεσ εἰσ κίνδυνον ἀγάγωσι τὴν Σπάρτην.

οὐ μὴν ἀλλὰ τῷ Βρασίδᾳ παραγενομένων χιλίων Εἱλώτων, ἔκ τε συμμάχων στρατολογηθέντων συνέστη δύναμισ ἀξιόχρεωσ. διὸ καὶ θαρρήσασ τῷ πλήθει τῶν στρατιωτῶν ἐστράτευσεν ἐπὶ τὴν καλουμένην Ἀμφίπολιν.

ταύτην δὲ τὴν πόλιν πρότερον μὲν ἐπεχείρησεν οἰκίζειν Ἀρισταγόρασ ὁ Μιλήσιοσ, φεύγων Δαρεῖον τὸν βασιλέα τῶν Περσῶν· ἐκείνου δὲ τελευτήσαντοσ, καὶ τῶν οἰκητόρων ἐκπεσόντων ὑπὸ Θρᾳκῶν τῶν ὀνομαζομένων Ἠδωνῶν, μετὰ ταῦτα ἔτεσι δυσὶ πρὸσ τοῖσ τριάκοντα Ἀθηναῖοι μυρίουσ οἰκήτορασ εἰσ αὐτὴν ἐξέπεμψαν.

ὁμοίωσ δὲ καὶ τούτων ὑπὸ Θρᾳκῶν διαφθαρέντων περὶ Δράβησκον, διαλιπόντεσ ἔτη δύο πάλιν ἀνεκτήσαντο τὴν πόλιν Ἅγνωνοσ ἡγουμένου. περιμαχήτου δ’ αὐτῆσ πολλάκισ γεγενημένησ, ἔσπευδεν ὁ Βρασίδασ κύριοσ γενέσθαι τῆσ πόλεωσ.

διὸ καὶ στρατεύσασ ἐπ’ αὐτὴν ἀξιολόγῳ δυνάμει, καὶ στρατοπεδεύσασ πλησίον τῆσ γεφύρασ, τὸ μὲν πρῶτον εἷλε τὸ προάστειον τῆσ πόλεωσ, τῇ δ’ ὑστεραίᾳ καταπληξάμενοσ τοὺσ Ἀμφιπολίτασ παρέλαβε τὴν πόλιν καθ’ ὁμολογίαν, ὥστ’ ἐξεῖναι τῷ βουλομένῳ τὰ ἑαυτοῦ λαβόντα ἀπελθεῖν ἐκ τῆσ πόλεωσ. εὐθὺσ δὲ καὶ τῶν πλησιοχώρων πόλεων πλείονασ προσηγάγετο, ἐν αἷσ ἦσαν ἀξιολογώταται Οἰσύμη καὶ Γαληψόσ, ἀμφότεραι Θασίων ἄποικοι, καὶ Μύρκινον, Ἠδωνικὸν πολισμάτιον.

ἐπεβάλετο δὲ καὶ ναυπηγεῖσθαι τριήρεισ πλείουσ ἐπὶ τῷ Στρυμόνι ποταμῷ, καὶ στρατιώτασ ἔκ τε Λακεδαίμονοσ καὶ παρὰ τῶν ἄλλων συμμάχων μετεπέμπετο. κατεσκεύαζε δὲ καὶ πανοπλίασ πολλάσ, καὶ τοῖσ ἀόπλοισ τῶν νέων ἀνεδίδου ταύτασ, καὶ βελῶν καὶ σίτου καὶ τῶν ἄλλων ἁπάντων παρασκευὰσ ἐποιεῖτο.

ὡσ δ’ αὐτῷ πάντα παρεσκεύαστο, ἀνέζευξεν ἐκ τῆσ Ἀμφιπόλεωσ μετὰ τῆσ δυνάμεωσ, καὶ παραγενόμενοσ εἰσ τὴν καλουμένην Ἀκτὴν κατεστρατοπέδευσεν. ἐν ταύτῃ δ’ ὑπῆρχον πέντε πόλεισ, ὧν αἱ μὲν Ἑλληνίδεσ ἦσαν, Ἀνδρίων ἄποικοι, αἱ δὲ εἶχον ὄχλον βαρβάρων διγλώττων Βισαλτικόν. ταύτασ δὲ χειρωσάμενοσ ἐστράτευσεν ἐπὶ πόλιν Τορώνην, ἄποικον μὲν Χαλκιδέων, κατεχομένην δὲ ὑπ’ Ἀθηναίων.

προδιδόντων δέ τινων τὴν πόλιν, ὑπὸ τούτων εἰσαχθεὶσ νυκτὸσ ἐκράτησε τῆσ Τορώνησ ἄνευ κινδύνων. τὰ μὲν οὖν κατὰ τὸν Βρασίδαν μέχρι τούτου προέβη κατὰ τοῦτον τὸν ἐνιαυτόν. ἅμα δὲ τούτοισ πραττομένοισ περὶ τὸ Δήλιον ἐγένετο παράταξισ κατὰ τὴν Βοιωτίαν Ἀθηναίων πρὸσ Βοιωτοὺσ διὰ τοιαύτασ τινὰσ αἰτίασ.

τῶν Βοιωτῶν τινεσ δυσαρεστούμενοι τῇ τότε πολιτείᾳ καὶ σπεύδοντεσ δημοκρατίασ ἐν ταῖσ πόλεσι καταστῆσαι, διελέχθησαν περὶ τῆσ ἰδίασ προαιρέσεωσ τοῖσ Ἀθηναίων στρατηγοῖσ Ἱπποκράτει καὶ Δημοσθένει, καὶ κατεπηγγέλλοντο παραδώσειν τὰσ ἐν τῇ Βοιωτίᾳ πόλεισ. ἀσμένωσ δὲ τῶν Ἀθηναίων προσδεξαμένων, περί τε τῶν κατὰ τὴν ἐπίθεσιν διοικήσεων διελομένων τῶν στρατηγῶν τὴν δύναμιν, Δημοσθένησ μὲν τὸ πλεῖστον τοῦ στρατεύματοσ ἀναλαβὼν ἐνέβαλεν εἰσ τὴν Βοιωτίαν, καὶ καταλαβὼν τοὺσ Βοιωτοὺσ προνενοημένουσ τὴν προδοσίαν, ἄπρακτοσ ἀπῆλθεν, Ἱπποκράτησ δὲ πανδημεὶ τοὺσ Ἀθηναίουσ ἀγαγὼν ἐπὶ τὸ Δήλιον κατελάβετο τὸ χωρίον, καὶ φθάσασ τὴν ἔφοδον τῶν Βοιωτῶν ἐτείχισε τὸ Δήλιον.

τοῦτο δὲ τὸ χωρίον κεῖται μὲν πλησίον τῆσ Ὠρωπίασ καὶ τῶν ὁρ́ων τῆσ Βοιωτίασ, Παγώνδασ δ’ ὁ τῶν Βοιωτῶν ἔχων τὴν στρατηγίαν ἐξ ἁπασῶν τῶν κατὰ τὴν Βοιωτίαν πόλεων μεταπεμψάμενοσ στρατιώτασ ἧκε πρὸσ τὸ Δήλιον μετὰ πολλῆσ δυνάμεωσ· εἶχε γὰρ στρατιώτασ πεζοὺσ μὲν οὐ πολὺ λείποντασ τῶν δισμυρίων, ἱππεῖσ δὲ περὶ χιλίουσ.

οἱ δ’ Ἀθηναῖοι τῷ πλήθει μὲν ὑπερεῖχον τῶν Βοιωτῶν, ὡπλισμένοι δὲ οὐχ ὁμοίωσ τοῖσ πολεμίοισ·

ἄφνω γὰρ καὶ συντόμωσ ἐξεληλύθεσαν ἐκ τῆσ πόλεωσ, καὶ διὰ τὴν σπουδὴν ὑπῆρχον ἀπαράσκευοι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xii, chapter 67

(디오도로스 시켈로스, Library, book xii, chapter 67)

상위

목록

SEARCH

MENU NAVIGATION