호흡부호 보기
강세부호 보기
장단부호 보기
작은 Iota 보기
모든 부호 보기
ἐπ’ ἄρχοντοσ δ’ Ἀθήνησι Στρατοκλέουσ ἐν Ῥώμῃ ἀντὶ τῶν ὑπάντων χιλίαρχοι τρεῖσ κατεστάθησαν, Λεύκιοσ Φούριοσ, Σπόριοσ Πινάριοσ καὶ Γάιοσ Μέτελλοσ. ἐπὶ δὲ τούτων Ἀθηναῖοι μὲν Δημοσθένη προχειρισάμενοι στρατηγὸν μετὰ νεῶν τριάκοντα καὶ στρατιωτῶν ἱκανῶν ἐξαπέστειλαν. οὗτοσ δὲ προσλαβόμενοσ παρὰ τῶν Κερκυραίων τριήρεισ πεντεκαίδεκα καὶ παρὰ τῶν Κεφαλλήνων καὶ Ἀκαρνάνων καὶ Μεσσηνίων τῶν ἐν Ναυπάκτῳ στρατιώτασ ἔπλευσεν ἐπὶ τὴν Λευκάδα. δῃώσασ δὲ τὴν χώραν τῶν Λευκαδίων ἀπέπλευσεν ἐπὶ τὴν Αἰτωλίαν καὶ πολλὰσ αὐτῶν κώμασ ἐπόρθησε. τῶν δὲ Αἰτωλῶν συστραφέντων ἐπ’ αὐτὸν ἐγένετο μάχη, καθ’ ἣν Ἀθηναῖοι λειφθέντεσ εἰσ Ναύπακτον ἀπεχώρησαν.

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기