헬라어 문장 검색 - Διοδορ́Λιβραρψ́5́29́

(디오도로스 시켈로스, Library, book xii, chapter 45)

Λακεδαιμόνιοι δὲ μετὰ Πελοποννησίων καὶ τῶν ἄλλων συμμάχων ἐνέβαλον εἰσ τὴν Ἀττικὴν τὸ δεύτερον. ἐπιπορευόμενοι δὲ τὴν χώραν ἐδενδροτόμουν καὶ τὰσ ἐπαύλεισ ἐνεπύριζον, καὶ πᾶσαν σχεδὸν τὴν γῆν ἐλυμήναντο πλὴν τῆσ καλουμένησ Τετραπόλεωσ· ταύτησ δ’ ἀπέσχοντο διὰ τὸ τοὺσ προγόνουσ αὐτῶν ἐνταῦθα κατῳκηκέναι καὶ τὸν Εὐρυσθέα νενικηκέναι τὴν ὁρμὴν ἐκ ταύτησ ποιησαμένουσ· δίκαιον γὰρ ἡγοῦντο τοῖσ εὐηργετηκόσι τοὺσ προγόνουσ, παρὰ τῶν ἐκγόνων τὰσ προσηκούσασ εὐεργεσίασ ἀπολαμβάνειν. οἱ δ’ Ἀθηναῖοι παρατάξασθαι μὲν οὐκ ἐτόλμων, συνεχόμενοι δ’ ἐντὸσ τῶν τειχῶν ἐνέπεσον εἰσ λοιμικὴν περίστασιν·

πολλοῦ γὰρ πλήθουσ καὶ παντοδαποῦ συνερρυηκότοσ εἰσ τὴν πόλιν διὰ τὴν στενοχωρίαν εὐλόγωσ εἰσ νόσουσ ἐνέπιπτον, ἕλκοντεσ ἀέρα διεφθαρμένον. διόπερ οὐ δυνάμενοι τοὺσ πολεμίουσ ἐκβαλεῖν ἐκ τῆσ χώρασ, πάλιν ναῦσ πολλὰσ ἐξέπεμπον εἰσ Πελοπόννησον στρατηγὸν ἐπιστήσαντεσ Περικλέα.

οὗτοσ δὲ πολλὴν χώραν τῆσ παραθαλαττίου δῃώσασ καί τινασ πόλεισ πορθήσασ, ἐποίησεν ἀπελθεῖν ἐκ τῆσ Ἀττικῆσ τοὺσ Λακεδαιμονίουσ. μετὰ δὲ ταῦθ’ οἱ Ἀθηναῖοι, τῆσ μὲν χώρασ δεδενδροκοπημένησ, τῆσ δὲ νόσου πολλοὺσ διαφθειρούσησ, ἐν ἀθυμίᾳ καθειστήκεσαν, καὶ τὸν Περικλέα νομίζοντεσ αἴτιον αὐτοῖσ γεγονέναι τοῦ πολέμου δι’ ὀργῆσ εἶχον.

διόπερ ἀποστήσαντεσ αὐτὸν τῆσ στρατηγίασ, καὶ μικράσ τινασ ἀφορμὰσ ἐγκλημάτων λαβόντεσ, ἐζημίωσαν αὐτὸν ὀγδοήκοντα ταλάντοισ. μετὰ δὲ ταῦτα πρεσβείασ ἀποστείλαντεσ Λακεδαιμονίοισ ἠξίουν καταλύσασθαι τὸν πόλεμον·

ὡσ δὲ οὐδεὶσ αὐτοῖσ προσεῖχεν, ἠναγκάζοντο πάλιν τὸν Περικλέα στρατηγὸν αἱρεῖσθαι. ταῦτα μὲν οὖν ἐπράχθη κατὰ τοῦτον τὸν ἐνιαυτόν. ἐπ’ ἄρχοντοσ δ’ Ἀθήνησιν Ἐπαμείνονοσ Ῥωμαῖοι κατέστησαν ὑπάτουσ Λεύκιον Παπίριον καὶ Αὖλον Κορνήλιον Μακερῖνον.

ἐπὶ δὲ τούτων ἐν μὲν ταῖσ Ἀθήναισ Περικλῆσ ὁ στρατηγὸσ ἐτελεύτησεν, ἀνὴρ γένει καὶ πλούτῳ, πρὸσ δὲ τούτοισ δεινότητι λόγου καὶ στρατηγίᾳ πολὺ προέχων τῶν πολιτῶν. ὁ δὲ δῆμοσ φιλοτιμούμενοσ κατὰ κράτοσ ἑλεῖν τὴν Ποτίδαιαν, ἐξαπέστειλεν Ἅγνωνα στρατηγὸν ἔχοντα τὴν δύναμιν ἣν πρότερον εἶχε Περικλῆσ.

οὗτοσ δὲ μετὰ παντὸσ τοῦ στόλου καταπλεύσασ εἰσ τὴν Ποτίδαιαν παρεσκευάσατο τὰ πρὸσ τὴν πολιορκίαν· μηχανάσ τε γὰρ παντοδαπὰσ παρεσκεύασε πολιορκητικὰσ καὶ ὅπλων καὶ βελῶν πλῆθοσ, ἔτι δὲ σίτου δαψίλειαν ἱκανὴν πάσῃ τῇ δυνάμει. προσβολὰσ δὲ ποιούμενοσ συνεχεῖσ καθ’ ἑκάστην ἡμέραν διέτριβε πολὺν χρόνον, οὐ δυνάμενοσ ἑλεῖν τὴν πόλιν. οἱ μὲν γὰρ πολιορκούμενοι διὰ τὸν ἐκ τῆσ ἁλώσεωσ φόβον ἐρρωμένωσ ἠμύνοντο καὶ ταῖσ ὑπεροχαῖσ τῶν τειχῶν πεποιθότεσ ἐπλεονέκτουν τοὺσ ἐκ τοῦ λιμένοσ·

ἡ δὲ νόσοσ τοὺσ πολιορκοῦντασ συνέχουσα πολλοὺσ ἀνῄρει, καὶ τὸ στρατόπεδον ἀθυμία κατεῖχεν. ὁ δ’ Ἅγνων εἰδὼσ τοὺσ Ἀθηναίουσ δεδαπανηκότασ εἰσ τὴν πολιορκίαν πλείω τῶν χιλίων ταλάντων καὶ χαλεπῶσ διακειμένουσ πρὸσ τοὺσ Ποτιδαιάτασ διὰ τὸ πρώτουσ ἀποστῆναι πρὸσ τοὺσ Λακεδαιμονίουσ, ἐφοβεῖτο λῦσαι τὴν πολιορκίαν·

διόπερ ἠναγκάζετο διακαρτερεῖν καὶ τοὺσ στρατιώτασ ἀναγκάζειν παρὰ δύναμιν βίαν προσάγειν τῇ πόλει. ἐπεὶ δὲ τῶν πολιτῶν πολλοὶ διεφθείροντο κατὰ τὰσ προσβολὰσ καὶ κατὰ τὴν ἐκ τοῦ λοιμοῦ νόσον, ἀπολιπὼν μέροσ τῆσ δυνάμεωσ ἐπὶ τῆσ πολιορκίασ ἀπέπλευσεν εἰσ τὰσ Ἀθήνασ, ἀποβεβληκὼσ τῶν στρατιωτῶν πλείουσ τῶν χιλίων.

ἀπελθόντων δὲ τούτων οἱ Ποτιδαιᾶται, τοῦ τε σίτου παντελῶσ ἐκλιπόντοσ καὶ τῶν κατὰ τὴν πόλιν ἀθυμούντων, ἐπεκηρυκεύσαντο πρὸσ τοὺσ πολιορκοῦντασ περὶ διαλύσεωσ.

ἀσμένωσ δὲ κἀκείνων προσδεξαμένων διαλύσεισ ἐποιήσαντο τοιαύτασ, ἀπελθεῖν ἐκ τῆσ πόλεωσ ἅπαντασ τοὺσ Ποτιδαιάτασ, ἄλλο μὲν μηθὲν λαβόντασ, ἔχοντασ δὲ τοὺσ μὲν ἄνδρασ ἱμάτιον ἕν, τὰσ δὲ γυναῖκασ δύο. γενομένων δὲ τούτων τῶν σπονδῶν οἱ μὲν Ποτιδαιᾶται πάντεσ μετὰ γυναικῶν καὶ τέκνων ἐξέλιπον τὴν πατρίδα κατὰ τὰσ συνθήκασ, καὶ παρελθόντεσ εἰσ τοὺσ ἐπὶ Θρᾴκησ Χαλκιδεῖσ παρ’ αὐτοῖσ κατῴκησαν·

οἱ δ’ Ἀθηναῖοι τῶν πολιτῶν εἰσ χιλίουσ οἰκήτορασ ἐξέπεμψαν εἰσ τὴν Ποτίδαιαν, καὶ τήν τε πόλιν καὶ τὴν χώραν κατεκληρούχησαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xii, chapter 45

(디오도로스 시켈로스, Library, book xii, chapter 45)

상위

목록

SEARCH

MENU NAVIGATION