헬라어 문장 검색 - Διοδορ́Λιβραρψ́5́23́

(디오도로스 시켈로스, Library, book xii, chapter 35)

ἐπ’ ἄρχοντοσ δ’ Ἀθήνησι Κράτητοσ Ῥωμαῖοι κατέστησαν ὑπάτουσ Κόιντον Φούριον Φοῦσον καὶ Μάνιον Παπίριον Κράσσον. ἐπὶ δὲ τούτων κατὰ τὴν Ἰταλίαν οἱ τοὺσ Θουρίουσ οἰκοῦντεσ, ἐκ πολλῶν πόλεων συνεστηκότεσ, ἐστασίαζον πρὸσ ἀλλήλουσ, ποίασ πόλεωσ ἀποίκουσ δεῖ καλεῖσθαι τοὺσ Θουρίουσ καὶ τίνα κτίστην δίκαιον ὀνομάζεσθαι. οἵ τε γὰρ Ἀθηναῖοι τῆσ ἀποικίασ ταύτησ ἠμφισβήτουν, ἀποφαινόμενοι πλείστουσ οἰκήτορασ ἐξ Ἀθηνῶν ἐληλυθέναι, οἵ τε Πελοποννήσιοι, πόλεισ οὐκ ὀλίγασ παρεσχημέναι παρ’ αὑτῶν εἰσ τὴν κτίσιν τῶν Θουρίων, τὴν ἐπιγραφὴν τῆσ ἀποικίασ ἑαυτοῖσ ἔφησαν δεῖν προσάπτεσθαι.

ὁμοίωσ δὲ καὶ πολλῶν ἀγαθῶν ἀνδρῶν κεκοινωνηκότων τῆσ ἀποικίασ καὶ πολλὰσ χρείασ παρεσχημένων, πολὺσ ἦν ὁ λόγοσ, ἑκάστου τῆσ τιμῆσ ταύτησ σπεύδοντοσ τυχεῖν.

τέλοσ δὲ τῶν Θουρίων πεμψάντων εἰσ Δελφοὺσ τοὺσ ἐπερωτήσοντασ τίνα χρὴ τῆσ πόλεωσ οἰκιστὴν ἀγορεύειν, ὁ θεὸσ ἔχρησεν αὑτὸν δεῖν κτίστην νομίζεσθαι. τούτῳ τῷ τρόπῳ λυθείσησ τῆσ ἀμφισβητήσεωσ τὸν Ἀπόλλω κτίστην τῶν Θουρίων ἀπέδειξαν, καὶ τὸ πλῆθοσ τῆσ στάσεωσ ἀπολυθὲν εἰσ τὴν προϋπάρχουσαν ὁμόνοιαν ἀποκατέστη. κατὰ δὲ τὴν Ἑλλάδα Ἀρχίδαμοσ ὁ τῶν Λακεδαιμονίων βασιλεὺσ ἐτελεύτησεν ἄρξασ ἔτη τετταράκοντα δύο, τὴν δὲ ἀρχὴν διαδεξάμενοσ Ἆγισ ἐβασίλευσεν ἔτη εἴκοσι ἑπτά.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xii, chapter 35

(디오도로스 시켈로스, Library, book xii, chapter 35)

상위

목록

SEARCH

MENU NAVIGATION