헬라어 문장 검색 - Διοδορ́Λιβραρψ́5́20́

(디오도로스 시켈로스, Library, book xii, chapter 30)

ἐπ’ ἄρχοντοσ δ’ Ἀθήνησι Γλαυκίδου Ῥωμαῖοι κατέστησαν ὑπάτουσ Τίτον Κοί̈ντιον καὶ Ἀγρίππαν Φούριον. ἐπὶ δὲ τούτων Συρακόσιοι διὰ τὰσ προειρημένασ εὐημερίασ ἑκατὸν μὲν τριήρεισ ἐναυπηγήσαντο, τὸν δὲ τῶν ἱππέων ἀριθμὸν ἐποίησαν διπλάσιον· ἐπεμελήθησαν δὲ καὶ τῆσ πεζῆσ δυνάμεωσ, καὶ χρημάτων παρασκευὰσ ἐποιοῦντο, φόρουσ ἁδροτέρουσ τοῖσ ὑποτεταγμένοισ Σικελοῖσ ἐπιτιθέντεσ. ταῦτα δ’ ἔπραττον διανοούμενοι πᾶσαν Σικελίαν ἐκ τοῦ κατ’ ὀλίγον κατακτήσασθαι. ἅμα δὲ τούτοισ πραττομένοισ κατὰ τὴν Ἑλλάδα συνέβη τὸν Κορινθιακὸν κληθέντα πόλεμον ἀρχὴν λαβεῖν διὰ τοιαύτασ τινὰσ αἰτίασ.

Ἐπιδάμνιοι κατοικοῦντεσ περὶ τὸν Ἀδρίαν, ἄποικοι δ’ ὑπάρχοντεσ Κερκυραίων καὶ Κορινθίων, ἐστασίασαν πρὸσ ἀλλήλουσ. τῆσ δ’ ἐπικρατούσησ μερίδοσ φυγαδευούσησ πολλοὺσ τῶν ἀντιπραττόντων, οἱ φυγάδεσ ἀθροισθέντεσ καὶ παραλαβόντεσ τοὺσ Ἰλλυριοὺσ ἔπλευσαν κοινῇ μετ’ αὐτῶν ἐπὶ τὴν Ἐπίδαμνον. στρατευσάντων δὲ τῶν βαρβάρων πολλῇ δυνάμει, καὶ τὴν μὲν χώραν κατασχόντων, τὴν δὲ πόλιν πολιορκούντων, οἱ μὲν Ἐπιδάμνιοι, καθ’ ἑαυτοὺσ οὐκ ὄντεσ ἀξιόμαχοι, πρέσβεισ ἔπεμψαν εἰσ Κέρκυραν, ἀξιοῦντεσ τοὺσ Κερκυραίουσ συγγενεῖσ ὄντασ βοηθῆσαι.

οὐ προσεχόντων δ’ αὐτῶν, ἐπρεσβεύσαντο πρὸσ Κορινθίουσ περὶ συμμαχίασ, καὶ μόνην ἐκείνην ἐποιήσαντο μητρόπολιν· ἅμα δὲ καὶ συνοίκουσ ᾐτοῦντο. οἱ δὲ Κορίνθιοι τοὺσ μὲν Ἐπιδαμνίουσ ἐλεοῦντεσ, τοὺσ δὲ Κερκυραίουσ μισοῦντεσ διὰ τὸ μόνουσ τῶν ἀποίκων μὴ πέμπειν τὰ κατειθισμένα ἱερεῖα τῇ μητροπόλει, ἔκριναν βοηθεῖν τοῖσ Ἐπιδαμνίοισ.

διόπερ ἀποίκουσ τε ἐξέπεμψαν εἰσ τὴν Ἐπίδαμνον καὶ στρατιώτασ ἱκανοὺσ φρουρῆσαι τὴν πόλιν. ἐπὶ δὲ τούτοισ οἱ Κερκυραῖοι παροξυνθέντεσ ἀπέστειλαν πεντήκοντα τριήρεισ καὶ στρατηγὸν ἐπ’ αὐτῶν.

οὗτοσ δὲ προσπλεύσασ τῇ πόλει προσέταττε τοὺσ μὲν φυγάδασ καταδέχεσθαι· ἐπὶ δὲ τοὺσ φρουροὺσ Κορινθίουσ πρέσβεισ ἀπέστειλαν ἀξιοῦντεσ δικαστηρίῳ κριθῆναι περὶ τῆσ ἀποικίασ, μὴ πολέμῳ. τῶν δὲ Κορινθίων οὐ προσεχόντων αὐτοῖσ, συγκατέβησαν εἰσ πόλεμον ἀμφότεροι, καὶ ναυτικὰσ δυνάμεισ ἀξιολόγουσ κατεσκεύαζον καὶ συμμάχουσ προσελαμβάνοντο. ὁ μὲν οὖν Κορινθιακὸσ ὀνομασθεὶσ πόλεμοσ συνέστη διὰ τὰσ προειρημένασ αἰτίασ. Ῥωμαῖοι δὲ πρὸσ Οὐολούσκουσ διαπολεμοῦντεσ τὸ μὲν πρῶτον ἀκροβολισμοὺσ καὶ μικρὰσ μάχασ συνετέλουν, μετὰ δὲ ταῦτα παρατάξει μεγάλῃ νικήσαντεσ τοὺσ πλείουσ τῶν πολεμίων κατέκοψαν.

ἐπ’ ἄρχοντοσ δ’ Ἀθήνησι Θεοδώρου Ῥωμαῖοι μὲν κατέστησαν ὑπάτουσ Μάρκον Γενύκιον καὶ Ἀγρίππαν Κούρτιον Χίλωνα.

ἐπὶ δὲ τούτων κατὰ μὲν τὴν Ἰταλίαν τὸ ἔθνοσ τῶν Καμπανῶν συνέστη, καὶ ταύτησ ἔτυχε τῆσ προσηγορίασ ἀπὸ τῆσ ἀρετῆσ τοῦ πλησίον κειμένου πεδίου. κατὰ δὲ τὴν Ἀσίαν οἱ τοῦ Κιμμερίου Βοσπόρου βασιλεύσαντεσ, ὀνομασθέντεσ δὲ Ἀρχαιανακτίδαι, ἦρξαν ἔτη δύο πρὸσ τοῖσ τετταράκοντα· διεδέξατο δὲ τὴν ἀρχὴν Σπάρτακοσ, καὶ ἦρξεν ἔτη ἑπτά. κατὰ δὲ τὴν Ἑλλάδα Κορίνθιοι πρὸσ Κερκυραίουσ διαπολεμοῦντεσ καὶ παρασκευασάμενοι ναυτικὰσ δυνάμεισ, συνεστήσαντο ναυμαχίαν.

οἱ μὲν οὖν Κορίνθιοι ἔχοντεσ ναῦσ ἑβδομήκοντα καλῶσ ἐξηρτυμένασ, ἐπέπλευσαν τοῖσ πολεμίοισ· οἱ δὲ Κερκυραῖοι τριήρεσιν ὀγδοήκοντα ἀντιταχθέντεσ ἐνίκησαν τῇ ναυμαχίᾳ, καὶ τὴν Ἐπίδαμνον ἐκπολιορκήσαντεσ τοὺσ μὲν ἄλλουσ αἰχμαλώτουσ ἀπέκτειναν, τοὺσ δὲ Κορινθίουσ δήσαντεσ εἰσ φυλακὴν παρέδοσαν. μετὰ δὲ τὴν ναυμαχίαν οἱ μὲν Κορίνθιοι καταπλαγέντεσ κατέπλευσαν εἰσ Πελοπόννησον, οἱ δὲ Κερκυραῖοι θαλαττοκρατοῦντεσ τῆσ κατ’ ἐκείνουσ τοὺσ τόπουσ θαλάττησ ἐπέπλεον τοῖσ Κορινθίων συμμάχοισ καὶ τὴν χώραν αὐτῶν ἐπόρθουν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xii, chapter 30

(디오도로스 시켈로스, Library, book xii, chapter 30)

상위

목록

SEARCH

MENU NAVIGATION