헬라어 문장 검색 - Διοδορ́Λιβραρψ́5́16́

(디오도로스 시켈로스, Library, book xii, chapter 25)

ἅμα δ’ ἡμέρᾳ γνωσθείσησ τῆσ τῶν στρατιωτῶν μισοπονηρίασ οἱ μὲν δέκα νομογράφοι βοηθοῦντεσ τῷ συνάρχοντι συνῆγον πολλοὺσ τῶν νέων, ὡσ διὰ τῶν ὅπλων κριθησόμενοι· μεγάλησ δ’ ἐμπεσούσησ φιλοτιμίασ οἱ χαριέστατοι τῶν πολιτῶν, προορώμενοι τὸ μέγεθοσ τοῦ κινδύνου, διεπρεσβεύσαντο πρὸσ ἀμφοτέρουσ περὶ συλλύσεωσ, καὶ μετὰ πολλῆσ σπουδῆσ ἐδέοντο λῆξαι τῆσ στάσεωσ καὶ μὴ περιβαλεῖν τὴν πατρίδα μεγάλαισ συμφοραῖσ. τέλοσ δὲ πεισθέντων ἁπάντων ὁμολογίασ ἔθεντο πρὸσ ἀλλήλουσ, ὥστε δέκα αἱρεῖσθαι δημάρχουσ μεγίστασ ἔχοντασ ἐξουσίασ τῶν κατὰ τὴν πόλιν ἀρχόντων, καὶ τούτουσ ὑπάρχειν οἱονεὶ φύλακασ τῆσ τῶν πολιτῶν ἐλευθερίασ·

τῶν δὲ κατ’ ἐνιαυτὸν γινομένων ὑπάτων τὸν μὲν ἕνα ἐκ τῶν πατρικίων αἱρεῖσθαι, καὶ τὸν ἕνα πάντωσ ἀπὸ τοῦ πλήθουσ καθίστασθαι, ἐξουσίασ οὔσησ τῷ δήμῳ καὶ ἀμφοτέρουσ τοὺσ ὑπάτουσ ἐκ τοῦ πλήθουσ αἱρεῖσθαι. τοῦτο δ’ ἔπραξαν ταπεινῶσαι σπεύδοντεσ τὴν τῶν πατρικίων ὑπεροχήν·

οἱ γὰρ ἄνδρεσ οὗτοι διά τε τὴν εὐγένειαν καὶ τὸ μέγεθοσ τῆσ ἐκ τῶν προγόνων αὐτοῖσ παρακολουθούσησ δόξησ ὡσεί τινεσ κύριοι τῆσ πόλεωσ ὑπῆρχον. ἐν δὲ ταῖσ ὁμολογίαισ προσέκειτο τοῖσ ἄρξασι δημάρχοισ τὸν ἐνιαυτόν, ἀντικαθιστάναι πάλιν δημάρχουσ τοὺσ ἴσουσ ἢ τοῦτο μὴ πράξαντασ ζῶντασ κατακαυθῆναι· ἐὰν δὲ οἱ δήμαρχοι μὴ συμφωνῶσι πρὸσ ἀλλήλουσ, κύριοι εἶναι τὸν ἀνὰ μέσον κείμενον μὴ κωλύεσθαι. τὴν μὲν οὖν ἐν Ῥώμῃ στάσιν τοιαύτησ συλλύσεωσ τυχεῖν συνέβη. ἐπ’ ἄρχοντοσ δ’ Ἀθήνησι Διφίλου Ῥωμαῖοι κατέστησαν ὑπάτουσ Μάρκον Ὁράτιον καὶ Λεύκιον Οὐαλέριον Τούρπινον.

ἐπὶ δὲ τούτων, ἐν τῇ Ῥώμῃ τῆσ νομοθεσίασ διὰ τὴν στάσιν ἀσυντελέστου γενομένησ, οἱ ὕπατοι συνετέλεσαν αὐτήν· τῶν γὰρ καλουμένων δώδεκα πινάκων οἱ μὲν δέκα συνετελέσθησαν, τοὺσ δ’ ὑπολειπομένουσ δύο ἀνέγραψαν οἱ ὕπατοι. καὶ τελεσθείσησ τῆσ ὑποκειμένησ νομοθεσίασ, ταύτην εἰσ δώδεκα χαλκοῦσ πίνακασ χαράξαντεσ οἱ ὕπατοι προσήλωσαν τοῖσ πρὸ τοῦ βουλευτηρίου τότε κειμένοισ ἐμβόλοισ. ἡ δὲ γραφεῖσα νομοθεσία, βραχέωσ καὶ ἀπερίττωσ συγκειμένη, διέμεινε θαυμαζομένη μέχρι τῶν καθ’ ἡμᾶσ καιρῶν. τούτων δὲ πραττομένων τὰ πλεῖστα τῶν κατὰ τὴν οἰκουμένην ἐθνῶν ἐν ἡσυχίᾳ ὑπῆρχε, πάντων σχεδὸν εἰρήνην ἀγόντων.

οἱ μὲν γὰρ Πέρσαι διττὰσ συνθήκασ εἶχον πρὸσ τοὺσ Ἕλληνασ, τὰσ μὲν πρὸσ Ἀθηναίουσ καὶ τοὺσ συμμάχουσ αὐτῶν, ἐν αἷσ ἦσαν αἱ κατὰ τὴν Ἀσίαν Ἑλληνίδεσ πόλεισ αὐτόνομοι, πρὸσ δὲ τοὺσ Λακεδαιμονίουσ ὕστερον ἐγράφησαν, ἐν αἷσ τοὐναντίον ἦν γεγραμμένον ὑπηκόουσ εἶναι τοῖσ Πέρσαισ τὰσ κατὰ τὴν Ἀσίαν Ἑλληνίδασ πόλεισ. ὁμοίωσ δὲ καὶ τοῖσ Ἕλλησι πρὸσ ἀλλήλουσ ὑπῆρχεν εἰρήνη, συντεθειμένων τῶν Ἀθηναίων καὶ τῶν Λακεδαιμονίων σπονδὰσ τριακονταετεῖσ. ὁμοίωσ δὲ καὶ τὰ κατὰ τὴν Σικελίαν εἰρηνικὴν εἶχε κατάστασιν, Καρχηδονίων μὲν πεποιημένων συνθήκασ πρὸσ Γέλωνα, αὐτῶν δὲ τῶν κατὰ τὴν Σικελίαν πόλεων Ἑλληνίδων τὴν ἡγεμονίαν Συρακοσίοισ συγκεχωρηκυιῶν, καὶ τῶν Ἀκραγαντίνων μετὰ τὴν ἧτταν τὴν γενομένην περὶ τὸν Ἱμέραν ποταμὸν συλλελυμένων πρὸσ τοὺσ Συρακοσίουσ.

ἡσύχαζε δὲ καὶ τὰ κατὰ τὴν Ἰταλίαν ἔθνη καὶ Κελτικήν, ἔτι δ’ Ἰβηρίαν καὶ τὴν ἄλλην σχεδὸν ἅπασαν οἰκουμένην.

διόπερ πολεμικὴ μὲν καὶ ἀξία μνήμησ πρᾶξισ οὐδεμία συνετελέσθη κατὰ τούτουσ τοὺσ χρόνουσ, εἰρήνη δὲ μία συνετελέσθη, καὶ πανηγύρεισ καὶ ἀγῶνεσ καὶ θεῶν θυσίαι καὶ τἄλλα τὰ πρὸσ εὐδαιμονίαν ἀνήκοντα παρὰ πᾶσιν ἐπεπόλαζεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xii, chapter 25

(디오도로스 시켈로스, Library, book xii, chapter 25)

상위

목록

SEARCH

MENU NAVIGATION