Diodorus Siculus, Library, book xii, chapter 21

(디오도로스 시켈로스, Library, book xii, chapter 21)

τῶν γὰρ ἄλλων ἁπάντων ἁμαρτανουσῶν γυναικῶν ἀργυρικὰσ ζημίασ τεταχότων οὗτοσ φιλοτέχνῳ προστίμῳ τὰσ ἀκολασίασ αὐτῶν διωρθώσατο. ἔγραψε γὰρ οὕτω· γυναικὶ ἐλευθέρᾳ μὴ πλείω ἀκολουθεῖν μιᾶσ θεραπαινίδοσ, ἐὰν μὴ μεθύῃ, μηδὲ ἐξιέναι νυκτὸσ ἐκ τῆσ πόλεωσ εἰ μὴ μοιχευομένην, μηδὲ περιτίθεσθαι χρυσία μηδὲ ἐσθῆτα παρυφασμένην, ἐὰν μὴ ἑταίρα ᾖ, μηδὲ τὸν ἄνδρα φορεῖν δακτύλιον ὑπόχρυσον μηδὲ ἱμάτιον ἰσομιλήσιον, ἐὰν μὴ ἑταιρεύηται ἢ μοιχεύηται. διὸ καὶ ῥᾳδίωσ ταῖσ τῶν προστίμων αἰσχραῖσ ὑπεξαιρέσεσιν ἀπέτρεψε τῆσ βλαβερᾶσ τρυφῆσ καὶ ἀκολασίασ τῶν ἐπιτηδευμάτων·

οὐδεὶσ γὰρ ἐβούλετο τὴν αἰσχρὰν ἀκολασίαν ὁμολογήσασ καταγέλαστοσ ἐν τοῖσ πολίταισ εἶναι. πολλὰ δὲ καὶ ἄλλα τῶν συμβολαίων καὶ τῶν ἄλλων τῶν κατὰ τὸν βίον ἀμφισβητουμένων καλῶσ ἐνομοθέτησε, περὶ ὧν ἡμῖν μακρὸν ἂν εἰή γράφειν καὶ τῆσ ὑποκειμένησ ἱστορίασ ἀνοίκειον·

διόπερ ἐπὶ τὰ συνεχῆ τοῖσ προειρημένοισ ἀναβιβάσομεν τὸν λόγον.

SEARCH

MENU NAVIGATION