헬라어 문장 검색 - Διοδορ́Λιβραρψ́5́11́

(디오도로스 시켈로스, Library, book xii, chapter 15)

ὁ δ’ οὖν Χαρώνδασ καὶ ἕτερόν τινα νόμον ἀποδοχῆσ ἀξιούμενον ἔγραψε, τὸν περὶ τῆσ τῶν ὀρφανῶν φυλακῆσ. οὗτοσ δ’ ἐξ ἐπιπολῆσ μὲν θεωρούμενοσ οὐδὲν φαίνεται περιττὸν ἔχειν οὐδὲ ἀποδοχῆσ ἄξιον, ἀναθεωρούμενοσ δὲ καὶ μετ’ ἀκριβείασ ἐξεταζόμενοσ μεγάλην ἔχει σπουδήν τε καὶ δόξαν. ἔγραψε γὰρ τῶν μὲν ὀρφανικῶν χρημάτων ἐπιτροπεύειν τοὺσ ἀγχιστεῖσ τοὺσ ἀπὸ πατρόσ, τρέφεσθαι δὲ τοὺσ ὀρφανοὺσ παρὰ τοῖσ συγγενέσι τοῖσ ἀπὸ μητρόσ.

αὐτόθεν μὲν οὖν ὁ νόμοσ οὗτοσ οὐδὲν ὁρᾶται περιέχων σοφὸν ἢ περιττόν, ἐξεταζόμενοσ δὲ κατὰ βάθουσ εὑρίσκεται δικαίωσ ὢν ἄξιοσ ἐπαίνων. ζητουμένησ γὰρ τῆσ αἰτίασ δι’ ἣν ἄλλοισ μὲν τὴν οὐσίαν, ἑτέροισ δὲ τὴν τῶν ὀρφανῶν τροφὴν ἐπίστευσεν, ἐκφαίνεταί τισ ἐπίνοια τοῦ νομοθέτου περιττή· οἱ μὲν γὰρ ἀπὸ μητρὸσ συγγενεῖσ οὐ προσήκοντεσ τῇ κληρονομίᾳ τῶν ὀρφανῶν οὐκ ἐπιβουλεύσουσιν,οἱ δ’ ἀπὸ τοῦ πατρὸσ οἰκεῖοι ἐπιβουλεῦσαι μὲν οὐ δύνανται διὰ τὸ μὴ πιστεύεσθαι τοῦ σώματοσ, τῆσ δ’ οὐσίασ εἰσ ἐκείνουσ καθηκούσησ, ἐὰν οἱ ὀρφανοὶ τελευτήσωσιν ἢ διὰ νόσον ἤ τινα ἄλλην περίστασιν, ἀκριβέστερον οἰκονομήσουσι τὰ χρήματα, ὡσ ἰδίασ τὰσ ἐκ τῆσ τύχησ ἐλπίδασ ἔχοντεσ.

ἕτερον δὲ ἔθηκε νόμον κατὰ τῶν λιπόντων τὴν ἐν πολέμῳ τάξιν ἢ τὸ σύνολον μὴ ἀναλαβόντων τὰ ὅπλα ὑπὲρ τῆσ πατρίδοσ.

τῶν γὰρ ἄλλων νομοθετῶν κατὰ τῶν τοιούτων τεθεικότων θάνατον τὸ πρόστιμον, οὗτοσ προσέταξε τοὺσ τοιούτουσ ἐν τῇ ἀγορᾷ ἐφ’ ἡμέρασ τρεῖσ καθῆσθαι ἐν ἐσθῆσι γυναικείαισ. ὁ δὲ νόμοσ οὗτοσ ἅμα μὲν φιλανθρωπότερόσ ἐστι τῶν παρὰ τοῖσ ἄλλοισ, ἅμα δὲ λεληθότωσ τῷ μεγέθει τῆσ ἀτιμίασ ἀποτρέπει τοὺσ ὁμοίουσ τούτοισ τῆσ ἀνανδρίασ·

κρεῖττον γάρ ἐστιν ἀποθανεῖν ἢ τοιαύτησ ὕβρεωσ ἐν τῇ πατρίδι πειραθῆναι· ἅμα δὲ καὶ τοὺσ ἁμαρτάνοντασ οὐκ ἠφάνισεν, ἀλλὰ τῇ πόλει πρὸσ τὰσ πολεμικὰσ χρείασ ἐτήρησ’ ὡσ διορθωσομένουσ τῇ διὰ τῆσ ὕβρεωσ κολάσει καὶ σπεύσοντασ ἑτέροισ ἀνδραγαθήμασιν ἐξαλεῖψαι τὴν προγεγενημένην αἰσχύνην. διὰ δὲ τῆσ ἀποτομίασ τῶν νόμων διέσωσε τοὺσ νόμουσ ὁ νομοθέτησ.

προσέταξε γὰρ ἐκ παντὸσ τρόπου πείθεσθαι τῷ νόμῳ, κἂν ᾖ παντελῶσ κακῶσ γεγραμμένοσ· διορθοῦν δὲ συνεχώρησε τὸν χρείαν ἔχοντα διορθώσεωσ. τὸ μὲν γὰρ ἡττᾶσθαι ὑπὸ νομοθέτου καλὸν εἶναι ὑπελάμβανε, τὸ δὲ ὑπὸ ἰδιώτου παντελῶσ ἄτοπον, καὶ εἰ ἐπὶ τῷ συμφέροντι γίνεται.

καὶ μάλιστα διὰ τοῦ τοιούτου τρόπου τοὺσ ἐν τοῖσ δικαστηρίοισ τῶν παρανενομηκότων προφάσεισ καὶ διανοίασ ἀντὶ τῶν ῥητῶν εἰσάγοντασ ἐκώλυσε ταῖσ ἰδίαισ εὑρησιλογίαισ καταλύειν τὴν τῶν νόμων ὑπεροχήν· διὸ καί τινασ τῶν τοιαύτασ κατηγορίασ πεποιημένων πρὸσ τοὺσ δικαστὰσ τοὺσ δικάζοντασ περὶ τῆσ τῶν παρανενομηκότων τιμωρίασ εἰπεῖν ὅτι σώζειν ἀναγκαῖον ἢ τὸν νόμον ἢ τὸν ἄνδρα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xii, chapter 15

(디오도로스 시켈로스, Library, book xii, chapter 15)

상위

목록

SEARCH

MENU NAVIGATION