Diodorus Siculus, Library, book xii, chapter 10

(디오도로스 시켈로스, Library, book xii, chapter 10)

τῶν δὲ Κροτωνιατῶν διὰ τὴν ὀργὴν ζωγρεῖν μὲν μηδένα βουληθέντων, πάντασ δὲ κατὰ τὴν φυγὴν τοὺσ ὑποπεσόντασ ἀποκτεινόντων, οἱ πλείουσ κατεκόπησαν· τὴν δὲ πόλιν διήρπασαν καὶ παντελῶσ ἔρημον ἐποίησαν. ὕστερον δὲ ἔτεσιν ὀκτὼ πρὸσ τοῖσ πεντήκοντα Θετταλοὶ συνῴκισαν, καὶ μετ’ ὀλίγον ὑπὸ Κροτωνιατῶν ἐξέπεσον κατὰ τοὺσ ὑποκειμένουσ καιρούσ.

καὶ μετὰ βραχὺ μετασταθεῖσα εἰσ ἕτερον τόπον προσηγορίασ ἑτέρασ ἔτυχε, κτιστῶν γενομένων Λάμπωνοσ καὶ Ξενοκρίτου τοῦτον τὸν τρόπον.

οἱ γὰρ τὸ δεύτερον ἐκπεσόντεσ ἐκ τῆσ πατρίδοσ Συβαρῖται πρέσβεισ ἔπεμψαν εἰσ τὴν Ἑλλάδα πρὸσ Λακεδαιμονίουσ καὶ Ἀθηναίουσ, ἀξιοῦντεσ συνεπιλαβέσθαι τῆσ καθόδου καὶ κοινωνῆσαι τῆσ ἀποικίασ. Λακεδαιμόνιοι μὲν οὖν οὐ προσέσχον αὐτοῖσ, Ἀθηναῖοι δὲ συμπράξειν ἐπαγγειλάμενοι, δέκα ναῦσ πληρώσαντεσ ἀπέστειλαν τοῖσ Συβαρίταισ, ὧν ἡγεῖτο Λάμπων τε καὶ Ξενόκριτοσ·

ἐκήρυξαν δὲ κατὰ τὰσ ἐν Πελοποννήσῳ πόλεισ κοινοποιούμενοι τὴν ἀποικίαν τῷ βουλομένῳ μετέχειν τῆσ ἀποικίασ. ὑπακουσάντων δὲ πολλῶν καὶ λαβόντων χρησμὸν παρὰ τοῦ Ἀπόλλωνοσ, ὅτι δεῖ κτίσαι πόλιν αὐτοὺσ ἐν τούτῳ τῷ τόπῳ, ὅπου μέλλουσιν οἰκεῖν μέτρῳ ὕδωρ πίνοντεσ, ἀμετρὶ δὲ μᾶζαν ἔδοντεσ, κατέπλευσαν εἰσ τὴν Ἰταλίαν, καὶ καταντήσαντεσ εἰσ τὴν Σύβαριν ἐζήτουν τὸν τόπον, ὃν ὁ θεὸσ ἦν προστεταχὼσ κατοικεῖν.

εὑρόντεσ δὲ οὐκ ἄπωθεν τῆσ Συβάρεωσ κρήνην ὀνομαζομένην Θουρίαν, ἔχουσαν αὐλὸν χάλκεον, ὃν ἐκάλουν οἱ ἐγχώριοι μέδιμνον, νομίσαντεσ εἶναι τοῦτον τὸν τόπον τὸν δηλούμενον ὑπὸ τοῦ θεοῦ περιέβαλον τεῖχοσ, καὶ κτίσαντεσ πόλιν ὠνόμασαν ἀπὸ τῆσ κρήνησ Θούριον.

τὴν δὲ πόλιν διελόμενοι κατὰ μὲν μῆκοσ εἰσ τέτταρασ πλατείασ, ὧν καλοῦσι τὴν μὲν μίαν Ἡράκλειαν, τὴν δὲ Ἀφροδισίαν, τὴν δὲ Ὀλυμπιάδα, τὴν δὲ Διονυσιάδα, κατὰ δὲ τὸ πλάτοσ διεῖλον εἰσ τρεῖσ πλατείασ, ὧν ἡ μὲν ὠνομάσθη Ἡρῴα, ἡ δὲ Θουρία, ἡ δὲ Θουρῖνα.

τούτων δὲ τῶν στενωπῶν πεπληρωμένων ταῖσ οἰκίαισ ἡ πόλισ ἐφαίνετο καλῶσ κατεσκευάσθαι.

SEARCH

MENU NAVIGATION